ابكتب قصتي .. وأحكي مآسى كلها مره
على صدر الورق .. بكتب وجع معاناتي
ابنبش قبري الصامت .. وبعلن للملا سره
ابظهر خافي .. ياما خنق بالروح فرحاتي
بحرر عبرة .. عاشت بوسط الجوف محتكره
بصدري كم ضاقت .. بعز الليل عبراتي
بداية قصتي مولد لفا .. حامل ليه فجره
وبسمة صبح فتانه .. تداعب حلو بسماتي
بديت احلم بديت اجمع لعب .. وانطر يجي بكره
بديت انظر لقدامي .. ولا ادرى لوين نظراتي
دخلت برجلي اليمين .. وكفي يحتضن بكره
عريس بليلة قمرا .. يزف الشوق خطواتي
ملكت الفرح بيدي .. شربته قطره قطره
تخلل فى شرايينى .. سكن بأخر محطاتي
يمر العمر بي يجري .. يدير الفرح لي ظهره
عزمني للاسى .. شوه بلون الليل لوحاتي
شعرت ان الزمن قاسي .. دروبي كلها خطره
شعرت برجفة ضلوعي .. تهد الحيل رجفاتي
عرفت الناس ماترحم .. قلوب جوفها صخره
عرفت ابكي .. عرفت اعزف لحزن الليل وناتي
حنين الامس فى روحي تكسر .. ونخنق عطره
تبعثر جرحه بقلبي .. مزج بالحزن بسماتي
بكيت من الاسى .. حتى فقدت الحس والنظره
عرفت ان مولدي .. غلطة كبيره فى ملفاتي
قدرت انبش من الماضي .. مآسى كلها مره
قدرت اكتب .. ولكني عجزت انهى معاناتي
العرض الشجري
