ندخل بالموضوع
العمليه الجراحيه هي عباره عن عدد ثلاث كشافات مليون شمعه + مشرط + سرير + دكتور+ مفتاح ابو جلمبو ( مخصص للحالات اللي زي حالتي ) وكل شخص يسوي عمليه لازم تبقى بذاكرته مشاعر مركبه ومعقده تجاه الممرضه اللي مع الدكتور لانها دائما تكون ماسكه المشرط والمقصات وتعطيهم الدكتور كأنها مبسوطه باللي يصير للمريض
حكايتي كشخص عاش التجربه
يوم العمليه دوروني مالقوني وفي اخر لحظه اكتشفوا اني كنت نايم عند جدتي لاني خايف من العمليه ومابي اسويها وماحد يفكني في زي هالمواقف الا جدتي الله يطول بعمرها
المهم بعد مفاوضات مع جدتي استمرت لمده خمس دقايق << والله ياهي ماتبي لها شي جدتي بسرعه تجي مروحه
قررت جدتي تسليمي للسلطات وهي مقتنعه قناعه بضروره هذه العمليه لانهم اقنعوها اني لو ماسويت العمليه راح يصيبني روماتيز
اخذوني وانا اناظر لجدتي واقول بيني وبين نفسي معقوله هذي جدتي اللي كانت تشتري لي كيك نحول وعصير طماط معقوله هذي اللي كانت تعطيني كل عيد خمس ريالات بهالسرعه تغيرت وسلمتني للدكاتره يتعلمون علي العمليات الجراحيه آآآه يازمن مابه امان
وبعد هذا الموقف تبلد احساسي وماتت مشاعري وقررت اسوي العمليه وقررت اموت عشان اجي واقولها هاه وش رايك الحين ؟؟ واخليها تندم انها سلمتني لهم << اتحدا مافيه واحد يومه صغير مافكر هالتفكير ياشين دلاخة البزران
اخذوني من بيت جدتي واول ماطلعنا الا هذا الدكتور ينتظرني بسيارته المازدا 87 يخرب بيت عدوينه هالدكتور تقول اول مره يسوي عمليه لاحقني لبيت جدتي يبي ياخذني لغرفه العمليات
جيت ابي اركب مع الممرضين ورى وحلف الا اركب بجنبه قدام حسيت وقتها ان الدعوى فيها ( إن) وازدادت ( إنتي وحيرتي ) يوم وقف عند بقاله واشترى لي عصير راني وجحد الباقين
عند بوابه المستشفى
عمى وش ذا ؟؟
مظاهرات ولافتات وعالم ياكثرهم بديت ارجف وزدادت عدد ال ( إنات ) عندي ب ( إن ) هذي حقت المظاهرات
نزلت من السيارات واقعد اقرى اللافتات اللي كاتب لي " قصمنجيه نبيك بدلاختك نبيك ستارك مجدي "
واللي كاتب لي " قصمنجيه هي المكسب والمسمار مايسوى اللي تسوونهبالقصمنجيه... ستارك يعقوب "
وواحد مدري وش يبي رافع لافته " لا للعولمه نعم للمعسل "
وشوي ويتجمعون حولي الناس يبوني اوقع له على اوتجرافات جايبينها معاهم الا واحد جايب لي تنكه تمر يبيني اوقع له عليها قلت له وانا مسوي فيها مشهور خفيف دم ماوقع لك الا تذوقني هالتمر ويقعد يحلف علي الا اخذ التنكه كلها انحرجت واخذتها
دخلت المستشفى واناشايل تنكه التمر واقعد الوح لهم بيدي وأشر لهم بحركه ياسر عرفات Y
وصلت الغرفه اللي بتنوم فيها دخلت الغرفه والقى الدكتور داخل الغرفه واللي فاجأني اكثر ان الغرفه فيها دافور صغير والدكتور قاعد يزبط عليه اندومي
يوم شافني قال : هلا خيتو القصمنجيهاستريحي مش وئت كتير ويخلص الاندومي
قلت له : عادي خذ راحتك بس لاتكثر الفلفل تراني ماحب الفلفل واجد
قال : ولو خيتو القصمنجيه انتي تامري امر.
.
.
اهاا تفضلي خيتو القصمنجيه ليكو الاندومي جاهز وبينتزر( ينظر) براطمك
هو قدمه لي من هنا وانا قلبتها سمفونيه من جهه ثانيه
بعد ماخلصت قال شوفي خيتو القصمنجيه انا بدي احكي لك الحئيئه
انا تفضل يادكتور
الدكتور :
خيتو القصمنجيه
لما خلئت ( خلقت = انولدت ) في هيك السني ( هذيك السنه ) كان هونيك حرامي سارء مسمار اثري مهم ومالئا مكان يخبيه فيه الا براسك اتفئ مع الدكتور بهديك الوئت وكان هالدكتور هوا انا انتزت كتيير لحتى مات هاك الحرامي وايجا الوئت المناسب لا اعمل لك العمليه وناخذ انا وانت المسمار
انا :
انصدمت وماقدرت اتكلم وطلبت اني اقابل مدير المستشفى
جابو لي المدير لغرفتي
وسألته وش قصه هالمسمار وش راح اخسر انا اذا اخذوه من راسي
قال شف وانا اخوك الصراحه راحه هالمسمار بحكم انه براسك صار له فتره ترسب حوله مجموعه من الخلايا المهمه واللي هي مسؤوله عن الدلاخه يعني بمجرد ماناخذ هالمسمار بتحس انك شخص ذكي
وانا ارفض رفضا قاطعا اجراء العمليه زين شكلي بكره وانا ذكي وين اودي وجهي من بطارخ ولا اشلون يبي يفهم علي بياله خبركم الدلاخه مشتركه
بالاخير لقو حل وسط انهم يحطون لي مكان المسمار دبوس صغير من راس دلخ متبرع
وفعلا اتفقنا وكتبنا العقد واشترطت انهم مايزعجون المستأجر اللي في راسي خبركم انا مأجر الطوابق العلويه
حطوني بالسرير واخذوني لغرفه العمليات وبجنبي خويتي تقولي شدي حيلك لاتخافي ترى نص اللي يسوون العمليه يموتون امحق من رفع للمعنويات
مالكم بالطويله مادريت الا انا تحت كشافات غرفه العمليات وفني التخدير قاعد يحط وصلات على صدري ومسك يدي وعطاني ابره بالوريد وسألني الدكتور وهو يأشر على الساعه اللي فوق كم الساعه قلت له 1.05
وبعدها مادريت الا انا بغرفه ثانيه مدللللللللللللخ واسمع صوت الممرضه أمد لله سلاماااا كلاص امليا ( الحمد لله على السلامه خلصت العمليه )
سألتها كم الساعه قالت لي طمانيه ( ثمانيه )
اخذت شوي وبديت اصحصح ولا اسمع اصوات بجنبي
واناظر الا بزران ثنين داخل حاضنه ياحليلهم توهم مولودين شوي قلت خلني اسمع سوالفهم خبركم البزران سوالفهم تونس
المولود الاول :
تصدق يابوبكري اني مليت من هالحياه ياخي طفش
المولود الثاني :
هذا وانت عمرك عشر ايام اجل شلون لو انك مثلي عمرك اربع طعش يوم
المولود الاول :
ياخي مدري ليش احس هالممرضه فاكه معي ياخي بس تبوسني تصدق ودي ارقمها
المولود الثاني :
ياحليلك هذي خويتي حتى اسأل فيصل اذا رحنا لقسم المواليد الطبيعيين
وهي تقفل معاااي واقوم من سريري واخذهم واقطهم بالزباله
ثاني يوم صحصحت بس بديت احس ان مستوى الدلاخه منخفض رجعت لمدير المستشفى وقلت له شوف معاكم يومين اذا مارجعت دلخ راح اقلب المستشفى عليكم
قال ياخي اصبر العمليه يبغى لها وقت علشان تطلع نتيجتها
وبعد 14 يوم ابشركم رجع الوضع طبيعي وها انذا اعود اليكم مجددا بدلاختي المعهوده
فتكم بعافيه ياقمااااعه
الموضوع طويل عارفه بس مو يستاهل تقرونه
~~~~~~~~~~~~~~~~~~
*r *t *r *t *r *t *t
العرض الشجري
