شاعر يدعوا على فتاه !!!! ((قويه مررره))
اخترت لكم هذه القصيده التي بصرااااحه اعجبتني مرررره
وحبيت اقدمها لكم وتقبلوا تحياتي
رياح الشووووق
(( قصة خيانه ))
لاردك الله لاولاطلب تردين
..................ادعي عليك بعثرة في صــــلاتي
عثره تشلك مابعدها تقومين
..................ياقاتلتني يوم صرتي حياتي
خدان لك بالقلب صارت بساتين
..................وريضان وغصوناً بها يانعاتي
كنتي مناة القلب والروح والعين
.................واليوم عينك علها ماتباتي
كنت احسبك للحب والعهد توفين
.................قلتي الغدر بالحب ماهي سواتي
وحلفتي يمين الله مامنك اثنين
..................وانك ملاك دون كل البناتي
وانك على عهد الموده تسيرين
...................ماتسمعين اهل الحسد والوشاتي
وصار اليمين استار خلفه توارين
...................وارماح غدرك بالخفا مشرعاتي
وبان الغدر سم جرى بالشرايين
....................الله عسى يسقيك سم الفعاتي
كلي سقيتك حب واليوم تنسين
....................تقولين حلم ايام واليوم فاتي
خذتي الهوى لعبه على ماتحبين
....................لين اعصفت بك بالهوى عاصفاتي
من زينك يابنت بالشعر تزيين ؟؟؟
...................من صورك بابياته الطايلاتي ؟؟؟؟
وصرتي بشعري في العذارى تباهين
..................تقولين انا شمس العصر في حلاتي
زينتك بشعري ولاغرك الزين
..................مازانتك صبغات حمر الشفاتي
رسمتك سحابة خير قطر تفنين
..................فزت لك الصحراء زهور ونباتي
رسمتك مهاة للجميله تقودين
...................واثرك قطيعه وضيعتها الرعاتي
واثرك غراب يوم سدل الجناحين
...................كنت احسب اني شايفاً لي قطاتي
بالشعر غليتك على كل غالييين
...................واثرك دنيه وتعشقين الدناتي
وبالشعر عاتبتك عتاب المحبين
...................انا من يسوم الروح لك يا غناتي
توسلت لك خايف على حب عامين
..................عامين لاكن في حسابي مئاتي
ناديت لاكن لي ابد ماتسمعين
...................عمري وروحي فكري في ثباتي
حذراك للشينات عمري تماشين
...................عديمات اصل اخلاقهن دانياتي
غاب الولي عنهن ولعبن بحبلين
..................ياخس واليهن وخس الولاتي
ماهمهن بالناس زين ولاشين
...................وقلوبهن من حقدهن مظلماتي
وقلتي وربك لو يكونن ملايين
...................ماغيرن باطباعهن من سماتي
تحسبين انك للمهافه بترقين
..................كيف الصعود يكون للهاوياتي
وخنتي وبعتي كل عهد وايامين
...................ماعاد يفرق بين ماضي وآتي
وصرتي مثل غيرك برخصن تبيعين
.................... يا مرخصتني مابقى لك غلاتي
صبري نفذ واليوم ثارت براكين
......................مظلوم انا وباكر تحل ادعواتي
سمعي عسى من بعدها ماتسمعين
......................سمعي دعا من صار قلبه حصاتي
ادعي عسى من ناظرك ما تشوفين
....................... وتطحن بك الايام طحن الرهاتي
وعساك عوق منه ماعاد تبرين
.......................عوق تشافق له قلوب العداتي
ويالله عسى يحتار فيك المداوين
.......................تبين الممات ولايجيك المماتي
ويالله عسى كف الندامه تعضين
.......................تندمين يوم انه يفوت الفواتي
وتبكين دم يسيل من مقلة العين
.......................وتحتار امك عن عناك وتحاتي
عسى ماتلاقي من له القلب تهدين
.......................وان هو حصل ادعي عساه الشتاتي
يابلوة اللي وسط بيته تعيشين
.........................ساهي وحوله شب جمر الغضاتي
عسى بعمرك ساعة ما تهنين
........................وتمضي حياتك بين هم وشقاتي
يابنت قلبي وين مثله تلاقيين
.......................قلباً عطاك الحب ما قال هاتي
جيتك وروحي شلتها لك بكفين
........................والتاليه رمح الخيانه جزاتي
يالله عساك النار يام وجهين
....................... كله انكشف لا ما تفيد العباتي
ويالله عسى تلبسك جن وشياطين
........................وتكونين مدعاة الحكي والشماتي
ياحية رقطا تقود الثعابين
......................باكر تحل ايامك المعتماتي
وباكر على فعلك بمثله تجازين
.....................ظلم المشاعر ما تحكمه قضاتي
بيني وبينك تحكم ايام وسنين
....................وانا شاهدي قلبي من الغدر ماتي
لا ماتعرفي الحب لاماتحسين
....................وغدرك تعدى غدر ذيب الفلاتي
الذيب يعوي قبل يغدر بمسكين
....................وانتي غدرتي خافقي في سباتي
انتي السبب سقتي على القلب جرحين
.....................غدر الغرام وموجع الذكرياتي
والله لاكتب وافضحك في دواوين
......................وارقص واغني يوم علم الوفاتي
وارسم لاهل العشق قلباً وسهمين
.......................وقصة خيانه ماروتها الرواتي
ويمين لانشر فوق اسمك عناوين
........................واشهرك من قاصي اليمن للفراتي
ومن غرب هالدنيا الي قاصي الصين
........................ديوان غدراً فيه كل اللغاتي
والبادي اظلم سنة العين بالعين
.......................والا فلا ذي عادتي او صفاتي
وياشبه انسانه براس ورجلين
......................اعوذ بالرحمن منك بصلاتي
......................
شاعر مجهول
العرض المتطور
