إخواني وأخواتي ،
هذه معاناة عزوبي مسكين ، بدايتها بالنسبة له صعبة ولكن النهاية سعيدة مثل الأفلام المصرية .
أرجو أن تعجبكم مع أسفي الشديد على الإطالة ، تحياتي .
أخوكم : عزو
[poet font="Simplified Arabic,4,black,bold,normal" bkcolor="transparent" bkimage="backgrounds/18.gif" border="double,4,black" type=0 line=200% align=center use=ex length=0 char="" num="0,black" filter=""]
قالوا لي أهلي تزوج
قالــــوا لي أهـــــــلي تزوج=بــــالفقـــــــــر لا لا تحجج
مــا ضـــاقت الا وتـفــــرج=شـــــيبت مــــــانتب صغير
قـلت ابحــثوا عــن بـــنية=حلـــــــــوة لطيــــــفة ذكية
قـالـــوا لقيـــــنا رقــــــية=زيـــــنة وابــــــــــوها فقير
جيت الأبــو قلــت خطِيّب=يـــــومه درى زاد تــــــرحيب
وقدم لي الشــاي والطيب=من عقب كــــــاس العصــير
وقــــال أي البـــــــــــــنات=ثيــــــب تـــبي أو فــــــــــتاة
يتيـــــمة ولا بــحمـــــــاة=كــــل لـــــها مهــــــر غــير
وقـلت ودي رقـــــــــــــــية=قـــــــال المهر ألــــف مــــية
وهذي تــــراها شـــــــــوية=مــع الـــذهب والســــــريـــر
وقلت يـــاعــم غـــــــــالي=ياعم أنا شــــــــــوي مــــالي
ودي ببنت الحــــــــــــلالي=وأنت بحـــــــــــــالي خبــير
قال انقلــع لا أشــــــوفــك=لياك تشـــــــرح ظـــروفــك
اذلف وجـمِــع الــوفــــــك=عســــاك ســـــــــد المصــير
ورحت لإمـــي حـــــــزيني=يوم ســــــألت ويش فـــيني
قلت الأبــــو مــــا يــبيني=يبي قــــــــــــــروش كثــير
قالت خـــبل لايهــــــمك=حـرمتك عندي وانــــا امــك
بنت جمــــيلــــة تلــــمك=وابـــــــــوها تــــاجــر كبير
بــاكــــر تســـــير عـليهم=من قـــــبل احــــدٍ يــجيهم
هــــذولا كــلٍ يـبــيـــــهم=حيث ان ابـــــــــوها شــهير
لبست لي احســـن ثــــياب=ورشيت نفســي بالاطــــياب
وجيت ووقفــــت بالـــباب=واقـــول يــــالـله خـــــــير
دخلت وكلمت ابــــــــــوها=ونادى امـــها مـــع اخــــوهــا
وقال روحــــــوا اسألــــوها=هي ودهــــــــا بــالعشـــــير
يــــــوم رجعــــوا قالوا ايه=تــــــرى البنــــــــــــية تبيه
ولها شــــــــــــــروط عليه=وان طـــــــــاع كلـــش يصير
مــــها تبي كــــــــل صيف=ســــــفرة لـــــديــرة جنيف
وقصر كبــــــــــير نظيف=مفــــــــــــروش زل وحــرير
وايضا تبي خـــــــــــــادمه=حيث انــــــــها نــــــاعــمه
صرخت يــــــــــــا ظـــالمه=هي تحســــــــــب اني وزيـــر
ورحت غضــــــــــبان لأمي=خـــــــافت ودلـــــت تســمي
شكيت حـــــــــزنـي وهمي=وقلت اخطــــــبي لي عبــير
قــــالت مشـــــــينا لاهلها=عســــــــــاك تصبح بعلهــا
مهيب خـــبلـــــة وبلــــها=تـــقــــنـــع بــــشي يســير
جيت الأبو صـــار يضـرس=وقـــال آسف البنــت تــدرس
ما ودها الحـــــــين تعــرس=وســـــــــن البنـــــيه صغير
جاوبت بنتك كبــــــــيرة=العـــــــــــــــام صارت مديرة
حرام تقعد اســـــــــــــيرة=باســــــــــــباب شيء حقير
يومي فضحــــــــــته وورط=قــــــــــــال اص ماريد خرط
يالله موافق بشـــــــــــرط=مـــا اســـــــــــحبه لو تطير
شرطي تراه المعــــــــــــاش=في اخـــــــــــــر الشهر كاش
مــــــانيب اربي بــــــلاش=لامثــــــــــــــــالكم يالغرير
طـــلعت مــــن بيــــــتهم=زعـــــــــــــــــلٍ وخليـــتهم
يــــالــــيت مـــاجيتــــهم=ما عــــند ابـــــــوها ضمير
وقلت ســــــــــدت دروبــي=يمه ابــــبقى عــــــــــزوبي
أكوي شــــــماغي وثــــوبي=ماعـــــاد ابي لي خــــــــشير
قالت وش الــــلي تـقــــول=اكـــــــــــيد انت مهـــــــبول
اصـــــبر لعلك تــــــــنول=الـــــله وانــــا امــك قـــدير
يرزقك بنت هــــــــــنوف=فيــــها جمـــــيل الوصــوف
معها الســــــعادة تشــــوف=وتعيـــــــــش معــــها قـرير
عــــــــــندي بنية حــلال=عـــقــــــــل وديــن وجـمال
ماهم بـــــراعـــين مـــــال=وابوهــــــا شـــــــيخ ضـرير
جيت الأبو قلت يــاعـــــم=يومه ســـــمعني نــطق ســم
وقلت يــاعــــم تســــــــلم=جيـــــتــــك أبخطب غديــر
قال انتظر يوم ســــابــــع=وارد لــــــــــك رد قــــاطـــع
إن كان ما فيه مــــــــانـــع=يجـــــيك مـــني بشــــــــير
وراح يــــوم ويومــــــــــين=ثــم اتصل يــــــوم الاثنــين
قلت الخبر قال لي زيـــــن=تعـــــــال عقب الاخـــــــير
وجيت وادخلني الـــــــــدار=وقلت يـاعــم وش صـــــــــار
قال امدحوكم لي اخــــــيار=يــــوم جيتهم مســــتشــير
وقلت هــــذي الفلــــــــوس=وودي اشــــــــــــوف العـــروس
من اجل تهـدى النفـــــوس=رســــــــولــــــنا بذا يشــير
وقـــال وش قـــــــلت ودك=وقف هـــــــنا عند حـــدك
مافيه عـــقــل يـــــــردك=هي شـــــــــــــاة والا بعــير
بنتي أبـد ما تشــــــــــاف=من قــــــبل يــــوم الزفــاف
ومادامنا في خــــــــــــلاف=تــــــــــــــــراي أنا مستخـير
رجعت ما شــــــوف دربــي=مهمـــــــوم يـــوجعني قلبي
واقــــول وفـــــق يــاربــي=تـــــــراي بك مســــــــتجير
والحــمـــدلــــله لقـــــيت=رجــــال من خــــــوش بيت
ديــــن وعــقــــــل وصـيت=وبحــــــــــــال مثلــي بصير
يشــري قــــروم الــرجـــال=مـــاوده بــــــــــزود مــال
وده بــــولــــــد الحــــلال=متـــــــــــعلم ومســـــــتنير
خطبت مـــنه وعـــطــاني=وحققت كـــــــل الأمــــــاني
واصبحت قــانــع وهــــاني=وعشــــــت معــــــــــها أمير
والحــمد لـــله خــــــلاص=عندي سـكن ملـــــك خــاص
وعـــيال يملـــــون بـــاص=وعــــايش بصحـــــة وخـير
كلمات : عزو
[/poet]*8
العرض العادي
