اتمنى ان تنال على رضاكم
يعيـن الله يادنـيـا تـسـوق ايامـهـا الاحــزان
يعيـن الله وانتـي مـثـل قـفـلٍ ضــاع مفتـاحـه
يعيـن الله وجروحـي لهـا فـي كــل وقــتٍ شــان
كـذوب اللـي يقـول ان الزمـن بيـداوي جـراحـه!
سقى الله يـوم انـا يمّـه غريـرٍ يزعـج الجيـران
سقـى الله يـوم انـا طفـلٍ يصـجّ البيـت بصياحـه
سقى الله يوم كـان اقصـى طموحـي لعبـة الدنـان
نهايـة يومـي المغـرب واخـاف الليـل واشبـاحـه
سقى الله يوم انا البس بشت ابوي وثوبه القيطان
واقلد كـل شـيٍ فيـه حكيَـه .. جِـدّه . . امزاحـه
واشيـل المسبحـه مثلـه ليـا هوجـس وهـو سرحـان
يشعـر واحسـب إن اللـي عطـاه الشـعـر مسبـاحـه
سقـى الله بيتنـا ذاك البسيـط مشقـق الـجـدران
شجـاعٍ . . يهـزم الـغـدرى بقنديـلـه ومصبـاحـه
تكحلنا القناعه . . لاطمع . . لاهـمّ . . لاحرمـان
واذا جـا الليـل تكفينـا ثـلاث اخــوان طـراحـه
جميع الذكريـات اللـي غـدت فـي قفـرة النسيـان
تحاكـي حلـوهـا عـبـره بـمـوق العـيـن سبـاحـه
خذتنـي غربـةٍ . . عنوانهـا ( غربـه بلاعنـوان )
ابي عقب التعـب راحـه لقـى فينـي التعـب راحـه
ورجعت اليوم مثل اللي رجـع عقـب القنـص خسـران
غــدى طـيـره وجــا يسـحـب سلوقـيـه وملـواحـه
قصيده . . ما بعد مرّت فـي بـال مساعـد وضيـدان
هواجـيـس ابــدويٍ هـايـمٍ فـــي عـشــق فـلاحــه
وروحٍ تايبـه . . كانـت تبـي لذنوبـهـا غـفـران
خطـاي انــي كتـمـت اسـرارهـا بعـيـون بـواحـه
تقوليـن المطـر يمّـه مهـو دايــم يـجـي هـتـان
اجـل معـذور قلـبٍ فـي همـومـه ضـاعـت افـراحـه
انـا يـمّـه غلـطـت ولانــي اول واحــدن غلـطـان
ابونا آدم مـن الجنـه . . خـرج باسبـاب تفاحـه
اخوكم
عازف احزانه
العرض العادي
