مساء الخير
اول موضوع واتمنى ان يعجب القراء
الاول:
وش حيلة اللي علته داخل الجوف ... نار الفراق بوسط صدره تصلا
وش حيلتي ياناس والحال منصوف ... منصوف نصفين على اللي تغلا
نصف يقول اصبر ترى يحن ويروف ... ونصف يقول اللي تغلى يخلى
الثاني:
شلون اعيش اللي بقالي بلياك ... لامن غدينا كل واحد بوادي
أعلنت حبك لين كل تمناك ... غلطة وغيري من خطاي أستفادي
حلوة عذاريبك وحلوة مزاياك ... حتى بيوم فراقنا معذب فؤادي
الثالث:
كلمة احبك غالية بين الاحباب ... لاقالها خلي أحس بغلاها
أعطش لها وأدور لها اسباب ... أبيه ينطقها ويردد صداها
كن العسل من شفته فوقها ذاب ... زود على كلمة أحبك حلاها
الرابع:
منهو بقاليكان عني تخليت ... وأنت الوحيد اللي بعمري بقالي
الحب ماهو بس خذني وانا جيت ... الحب وقفة بين غالي وغالي
احلم بشوفك شوفة الحي للميت ... اللي عن ايامه خذته الليالي
الخامس:
ماعاد يغريني القمر ليلة النصف ... عادي طلع والا تحجبه سحابه
من يوم راح اللي فلا شفت له وصف ... صارت معي كل الليالي تشابه
مثل البليد اللي جلس باخر الصف ... ماشال هم الاسئلة والاجابة
الاخير:
أقضي مع الافكار غربه وترحال ... ذكرى تفرحني وذكرى حزينه
انت الفرح وانت السعاده والامال ... يامن بنى له في ضميري مدينه
وانت الرفيق اللي مع الوقت ما مال ... مثل البحر ياكم حمل من سفينه
وسلامتكم
العرض الشجري
