{{ الزعل }}

[مسعد المدلج]

السلام عليكم ورحمة الله وبركاته

اخواني ربما هذه القصيده تختلف عن باقي قصائدي

ولكن اتمنى ان تحوز على اعجاب الجميع

[poet font="Arial,4,red,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
(( الزعل ))


حبيبي الزعل خله ترى مال الزعل اسباب = انا ماخطيت في حقك عشان اتزيد بغيابك
اذا كان الخطى منك وتفتح للزعل ابواب = اجل لو كنت انا المخطي تصك بوجهي ابوابك؟؟؟
انا اللي ميت بقربك وعن حبك ابد ما تاب = انا العاشق انا المغرم انا اللي مت واحيابك
انا اللي رافعٍ قدرك وصرت بقمة المرقاب = انا اللي مد كفين المحبه ولا تهنابك
كتبتك حب في قلبٍ وفيٍ بالهوى مرتاب = كتبت اسمك على قلبي وحرف الشعر غنابك
تغنا باسمك الجوري بياض الثلج ياجذاب = ولًحنك النفل غنوه وورد الفل هلابك
تعال وخلني احيا تعال وخلنا اقراب = تعال ارجوك لا تقسى على قلب ٍ تعزوابك
تعال وخلني ارسم سواد الليل بالاهداب = ورمش ٍ لا نزل كله يغطي ليل اهدابك
تعال اقرب علي شوي اعيش بسكرة العناب = وانا وشلون اببعد عنك قبل اذوق عنابك
تعال وضمني تكفى على صدرك اريد انساب = انا في داخلي مزنه مطرها ناوي ترابك
حبيبي اترك جنونك ترانا بالهوى احباب = دخيل الله لا تجرح خفوقٍ ضاع باسبابك
دخيلك لا تعذبني بهجرٍ يحرق الاعصاب = ترى كثر الهجر يذبح حرام تعذب احبابك
اذا كان الرضا منك يبيني اقطع الارقاب = قطعت ارقاب خلق الله وجيتك طارقٍ بابك
واذا كانك تبي تعاتب وتطفي هالزعل بعتاب = تعال وعاتب المشقي ترى يرتاح لعتابك
كلمات / مسعد المدلج
[/poet]

[SOUND]http://movn.net/moseqa_alsh3r/movn_3.ram[/SOUND]