هذي سالفتي مع الناشب الصعب
ايام ماكنا في بعثه برا ومعاناتي مع جبنة كرافت
تررررن ترررررن ! تررررن تررررن !
الو
الو ... هلا وتر شلونك
هلا هلا الصعب ... بخير الله يسلمك يالمصلحجي وش تبي *1
ياخي ماجعت ؟ وتر تكفى ابي رز
وانا امك؟؟؟ انا وش علي منك تبي رز اطبخ رز *q
ياخوي ويني وين اميمتي.. بعدين تعال انا جايب كل شي بس تعال اطبخ (طبعا الصعب الدلخ مايعرف يطبخ)
(ووتر كالعادة يتغلى).. طيب مهوب الحين اصبر لين نجوع صح...
ياوتر حرام عليك بموت جوع تعال .. تعال واعطيك علبة جبن سايل (كرافت)
هو الصعب قال كرافت ولا ما قالها وانا اللي احس الكلمة تمشي مسررررعة من سماعته وبين الاسلاك وتدخل سماعتي ومن سماعتي على اذني وتمر (كرافت) من عند الطبله تمشي مليون .. وتاخذ منعطف خطير في اخر الطبلة وتدخل عرض لخلايا المخ حتى من قوة دخلتها ملف الطبلة حسيت ان العلبة حكت في شريان معترض وطاح غطى العلبة وثارت ريحة الجبن ... والريحه تسابق العلبة لين صكت في المخيخ الايسر قالت العلبة للريحه شكلنا غلطانين يالريحة الجزء هذا من مخ وتر معطل ماتشوفين الخلايا كلها مغبره ... قالت الريحة تدرين خلينا نمسك طريق الدائري العلوي ونطلع على المخيخ الايمن من فوق ... هي قالته ولا ما قالته وتفحط لك هذيك الفحطه كأنها (بيب بيب) اللي في افلام كرتون ... ومسابق على الدائري ...
على الدائري العلوي كان فيه علبة كرافت صغيرة لونها اخضر كانت متخبيه تحت واحد من عظام الجمجمة (الحين بيقولن لونها اخضر اكيد معفنة) لالالا ... هذي علبة مرور متخبيه ترصد سرعة باقي العلب هههههههه
المهم والله ماعندك احد طايرين ... قبل ما يوصلون حسيت ان العلبة اكلت مطب قوي قبل مدخل المخيخ الايمن ...(قلت بصوتي احححح)
احححح ؟؟؟ قال الصعب وش فيك قلت لا لا ولا شي رجلي طقت في طرف السرير لا يكثر هرجك بس قطع البصل انا جاي
طبعا تخيلوا كل السالفة اللي فوق مرت عندي في جزء من جزيئات الثانية ... وحسيت ان الصعب قتلني برصاصة او مسك اليد اللي تعورني
واطلع من غرفتي صاروخ وجع وجع وجع وين رايح ؟؟؟ بدون فنيله ارجع البس شي تستر يا مال اللي مانيب قايل ... قلت في نفسي والله مهوب منك حسبي الله على اللي جاب سيرة الجبن السايل ... وارجع والبس تي شيرت حتى مدري وش لونه ... وصاروخ على المطبخ
يوم وصلت الين الصعب يقطع البصل قال: اي جابك الجبن السايل ياوتر... (لاحول بيمن علينا هذا ؟؟) وشرايكم اثقل عليه واوريه ؟؟؟ مع اني خايف يطنشني و تطير العلبة ؟
قلت يا ولد كرامتك لايقعد الصعب كل يوم يذلنا بعلبة جبن ...
بس المشكلة انه ما يباع هنا .. الصعب موصي واحد من ربعه وجايبه من السعودية ... بس انا عارف انه يحبني وطالبها لي
قلت ياخوي انت جبت كم علبة جبن وعلى بالك ملكتني انت وخشتك والصعب ميت ضحك (وانا في خاطري كمل كمل تعجبني يا شديد )
والله واكمل... قلت اسمع انت وهالمريله اللي لافها على وسطك طالع فيفي عبده *r ... انا اطبخ بمزاج مو بعلبة جبن ... قال اي هين شف التوست والجبن في الثلاجة ماودك تحمي لك وحده وتمسح عليها بالكرافت تعدل مزاجك شوي ... ما امداه كمل كلمته الا هذيك التوسته اللي يحبها قلبك تقول طننننننننننن طالعه محمره من التوستر .. نسيت الصعب ونسيت البصل والمطبخ كله واقعد امسح عليها بشوي شوي كني ماسك مولود توه جايني ... وبحنان الحنان يا توسته لا يسيل الجبن ... حطيتها بين اساني وشغغغغغغ ...ياعمري انا يااحلى توسته في الدنيا ... واناظرها في يدي مدري اكلها ولا ابوسها ولا اروح احب راس الصعب ... يوم التهمتها كلها قلت الصعب تبي اسوي لك وحدة ؟(طالعة ماهي من قلب ابد) ... قال اقول تراها ذواقه ما عندك نيه تطبخ انت ؟؟ قلت اوووووه صح رز ؟ طيب تبي نصلح رز بالكرافت... خزني الصعب بعين ..حسيت نفسي مالي داعي ... قال نسوي الرز واذا خلص وحطيت في صحنك حط معه جبن بيض مربى .... بس بس بس الله يحوم كبدك احمس البصل بس لا افتح راسك بهالملاس ...
وقعد الصعب يحمس وانا اقطع الدجاج ... صبينا المويه وحطينا الملح ... ادور الصلصة مافيه ... الصعب وين الصلصلة ... قالت مدري شكلها خلصت قلت ايووووه انا بيني وبينك ما اعرف اكل رز ابيض الا مع ملوخية يعني الحين يا ملوخية يا صلصلة (الولد جايع وحسيته وده يمسك راسي ويغطسه في القدر) قلت من جد ياخي انا رز ابيض ما اطيقه ... وين قاعدين شقة فلبيبنيين هنا ؟ طيب نحط معه شوي جبن ؟؟ الصعب يقول في خاطره ((اللهم طولك ياروح جبنا له جبن عشان يطبخ وهو مروق وشكله اخذ زيادة فوق الجرعة المعتاده وضربت فيوزه))
وتر وتر كمل طبخك لاقسم بالله تجيك علبة الفيري في وجهك .... وانا ميت ضحك ..بيني وبينكم حسيت نفسي ماودي اكل عشان اجوع عشان ارجع للجبن
انا مدري بس وشلون اشكر هاللي صنع هالجبنه .. احس من جد انه سوى شي في حياته ما سواه نيوتن لما اكتشف الجاذبيه ....لاني اذا اكلت وكثرت من هالجبن اصلا ما احس ان فيه جاذبيه ...
كملنا الطبخة ومشيناها رز ابيض ... وانا قاعد اكل اتذكر واضحك ...طبعا الصعب اكل ولما امتلى بطنه انشكح والابتسامة على وجهه كأن شفايفه ممغوطه بمشد ... وانا بعد اضحك قال وش فيك تضحك ؟؟
قلت الله يالدنيا تغيرت الا شي واحد قال وشو ... قلت ياخي من يوم اني صغير وانا في مشاكل مع هالجبن ويوم كبرنا وقدرنا نشتريه بالكراتين قلعني ربي في اخر الدنيا عشان تكمل المعناة ...
وبديت اشكي للصعب ايام الطفولة مع جبن الكرافت ... قلت تامن بالله اني يوم كنت صغير كنت اجلس مع اهلي على سفرة الغداء ولا اكل زي الناس عشان اذا خلصنا وطلع ابوي يقيل وهجد البيت في الظهر دخلت المطبخ وفتك بهالجبن ... فطور غداء عشاء جبن كرافت السايل...
حوسات وصولات وجولات انا وامي الله يذكرها بالخير على هالجبن ... ياوليدي لا يجيك شي من هالجبن ياوليدي كل شي ينفعك ... وتخبيه عني لاكن هاهاهاي ما يمديها من جد يبدى شغل التهريب من تحت لتحت ولا كني مدمن مخدرات ياشيخ وصلت معي الحالة اني اطلع بالجبن والخبز غرفتي لاحد يشوفني ويعلم امي ههههههههههههه ادمان ....
مسكينة اميمتي لما شافت ولدها مدمن بهالشكل سلمت امرها لله وصارت ومع الايام صارت الوالدة وحدة من اكبر مهربين الجبن على مستوى العالم وطلع شغلها اليوم دولي وصارت ترسل لي كل فترة لوووووووووووووووووووول .....
((اذا بليتم فاستتروا )) عشان كذا استروا ما واجهتم يا جماعة
العرض العادي
