[poet font="Simplified Arabic,4,white,normal,normal" bkcolor="transparent" bkimage="backgrounds/3.gif" border="double,10,black" type=3 line=200% align=center use=ex length=0 char="" num="0,black" filter=""]
مسافر بالخيال .. وعاشق الترحال بالهوجاس = على رَسمي .. يبين إسمي .. ولايحتاج لي تعريف
مشيت الدرب .. شرق وغرب .. فاقد .. والفقيد إحساس = بعيني في الدّجى .. لمعة رجا .. ترقب وكاد وزيف
قهرت الخيل .. حَط وشيل .. فارس .. والقصيد أفراس = إذا كرّيت .. مافرّيت .. وإن خان الفرس والسيف
عَجب .. كنّ الخريف الصيف .. ماكنّ الفصول اجناس = ربيعي كالشتا .. يالله متى .. بامرك يجي تصريف
خبرت الرّعد .. بشرى سعد .. لاهل الطين والمغراس = ورعد اليوم .. ينذر شوم .. لاهل المبخره والكيف
أنا صابر .. ومتصبّر .. ومتكبّر بوجه اليأس = أنا عندي أمل .. وإن ماحصل .. لابد يلفي ضيف
هلا بالضيف .. لوهو طيف .. يستعصي على الإحساس = بقي من عمري الفاني .. ثواني .. تتسع للطيف
بقي بعد الغلا .. بعض الغلا .. عندي لبعض الناس = بقي فوق الشجر .. بعض الزّهر .. قاوم هبوب الصيف
أنا راسي بقي .. وإنت الشقي .. يامن فقدت الراس = خبر موتك طرق سمعي .. ولادمعي .. نوى التـّذريف
بكاك الليل .. واهل القيل .. واهل الحبر والقرطاس = فقيد اللي يسمّونك .. على هُونك ..( بطل ) .. ياحيف !
[/poet]
[MARQ=RIGHT]عبدالمولى العمري[/MARQ]
العرض الشجري
