انا ورامبو....رامبو ياكل بوتيته *_*

[شيط بيط]

كل واحد مننا يا شباب له ربع واصدقاء....وربعه اشكال وألوان حسب شكل ولون كل واحد....لكن انا يا شيط اكثر اصدقائي ( كوكتيل )..والسبب ان علاقتي محدوده حبتين, يعني اذا مشيت مع واحد لك عليه شوي يعني (داشر)
ما تحصلني ألهث وراه كل ماسواه أسويه,لا أمشي معه شوي واتعرف على بعض الخلطات السريه للدشره واوقف!! واذا خاويت (طالب متفوق)في الدراسه ايضاً . ابقى شيط يوم احل الواجب ويوم لاع!! واتعرف – ايضاً – على علاقاتي مع الانواع هذي على الخفيف,اخاف من الدشره,والتفوق شكله يخاف مني !! المهم يا شباب ويا شابات طلعت مره مع واحد من ربع الدشره وقال لي :هاه شيطوه, تشرب معي كاسه شاهي في البيت!! حكيت شعري وقلت له : ليه لاع دامها كاست شاهي بس لا مانع...بس على شرط دخان معسل ما ابغى انا ولا تشرب انت عندي بعد!! قال : اوووووووووه انت يا شيط بديت تتشرط علينا , على العموم انا مليت من ربعي وودي تخاويني وبلاش من الكحه والدخاخين!! قلت مشينا.
انا طبعاً يا شباب اضطريت ( اطق ) لطمه وأغير في مشيتي لا يشوفني احد مع هذا الخبل ويقلون شيط دشر.
وشكل الرجال عرف ليش تلطمت بالشماغ لكنه طنش المهم يجدد سواليف وبس!! وصلنا بيتهم ودخلنا...مجلسهم كان حوسه ومظلم شوي وكل الي انتم تظنون موجود. لكن الحقيقه الرجال كان إلى حد محترم معي.. زلا أحب انه يحرجني بشيء.جاء الشاهي,صب لي وشربت وسولفت معه وعطاني علوم غريبه,اكلمكم عنها بعدين..طبعاً هو اسمه الصعب بس مو بالحيل هههههههه
لكن هذا الصعب يوقع باسماء غريبه مثل :سبع الليل...وابو صدمه...والمرعب....الخ,,
خلصت السواليف ويوم درينا وسحب شريط ( فيديو ) وشغله ورجع مكانه .. قلت يالصعب وش هذا ..؟ قال : تعلم يا جاهل.واللي ما يلوحك لازم تلوحه!!قلت!!اييش قصدك..!! قال : شف هذا وانت ساكت..!! رحت للفيديو وصار الشريط فلم لـ (( رامبو )) هذا يا شباب امريكي وابوه هندي..وامه الحقيقه مدري من وين..!!
((رامبـو )) هذا طول وعرض وعضلات واي معركه يدخل فيها لو باصبعه بس يكون هو الربحان .. ومثل ما يقول المصري: المخرج عاوز كده..!! الحقيقه شفت الفلم *3 واثر الوضع غير مولائم..بقووس..وعجاري_وفي روايه عجرات-..وسكاكين ..ودمان...وصياح ..ومسدسات....
وكلهم يموتون ولا يغمى عليهم الاالبيـه (( رامبـو )).. وخلص الفلم على السيره هذي..انا يا شيط تحمست والله وتفاعلت لكن الجلسه خلصت وشكل رفيقي طولت عليه.. قلت: عن اذنك! قام وفتح الباب وقال: بدري!! قلت شكراً بس الحقيقه (( رامبـو )) ماهو سهل .. قال: ولا أنا!!قلت طبعاً: ولا انت يا سبع الليل..!!مشيت من عند الرجال وبالي مشغول في قوه الخبل (( رامبـو )) وقلت بنفسي اكيد(( رامبـو )) بدا من الصفر..!! ويوم تعديت حاره الصعب شفت ولد اصغر مني وشكله من عيال عم الرجال في الدشره..قال لي شيط وش وراك؟التفت بسرعه.ثم قال لي واحد صفر. قلت: واحد صفر؟؟شكل الصفر هذا هو صفر (( رامبـو ))..جمعت روحي وبلعت ريقي وطقطقت اصابعي وقلت بنفسي يالله يا شيط هذي فرصتك يعني: نالك عذر.. مدين يدي علو طوق الثوب وفزعته بقوه..الولد ما سكت وصككني على الحنك اللي تحت ... انا فكيت يدي منه ودخلتها على ضروسي لا يصير احد معه طاح! الولد ما تركني ضربني في بطني والشاهي في اخر مرحله مع شوي خوف وتلخبط و...((كملو الباقي )) لكن قبل ما تكملون الولد كمل علي قام ودخل رجله بين رجولي وسحبني وصرت على الاسفلت بشكل افقي.الناس الله يهديهم تاخرو ما تجمعا علينا مثل العاده . جا واحد وفكنا قصدي فكني!! وقال: رح لبيتكم يا شاطر!! انا ما كذبت خبر قلت: اروح ولا يطلع شي ثاني!! مشيت للبيت والوضع لا ينشكي ولا ينبكي. ودخلت البيت وو (( دوغري )) لدوره المياه غسلت وصحت شوي ثم اخذت دش وطلعت ولا كأن جرى شي.ما أبي الوالده ولا اخواني يعرفن الوضع..اختي الصغيره فاجأتني بسؤال قالت(( الابله)) اليوم تتكلم عن الغزو الاعلاني الامريكي وقالت من ضمن الشخصيات (( رامبـو )) من هو (( رامبـو )) يا شيط قلت لها يا اخيتي (( رامبـو )) هذا ((بزر)) تلقينه قبل حاره ابو صدق عن اذنك..



<<<<<<<<<<<<< واضح انه في قمه البراءه

ولا تصدقون ولا شي من هذا صار هههههههههه

تحياتي لكم ودمتم سالمين.....


اخوكم.
شيت بيت بيتتم تله شحابيت *3

<=== اموت يالدلع

[الصعب بالحيل]

هههههههههااااي الله يرجك اخوووي مشكور على الموضوع *1
سانكيووووووووووووو *3

[جروووووح]

هذولا شباب الريااااض رجه برجه

[شيط بيط]

ما اظن بس شباب الرياض ههههههههههههههه


الا قولي كل التماسيح خخخخخخخخخخختحياططي لك
قراااصيييص