السلام عليكم يا احبابي الحلوييين كيف حالكم !!
يالله عيوني انا اليوم بقص لكم قصه حلوه اقعدو عاقلين يالله ,,
حبيبي فجل ... بعد عن بدون و لو سمحت مرة ثانيه لا تجي الا متروش
و انت يالعمده لو سمحت تجي لحالك بدون ظلالك الاثنين هذول !!
عزيزتي نوفه كفايه قرقر مع الفجر يا حبايبي ...
يالله زور ابن الزرزوور ذبح بقه و ترس سبعة جدور و خلى الشحوم و اللحوم على الصواني تدوووومم
صلو على النبي يا حبايبي .... و هذه حكاية اليوم :
وحدوا الله .. لااله الا الله .. واللي عليه ذنب او خطيه يقول استغفر الله
عائلة الصنج
كان يا ماكان كانت فيه عيله كل افرادها سمعهم تقيل .. الام والابو والبنت والجده والجاريه واحد يوم نزل الابو السوق وفتح دكانه وبعد شويه عدا عليه صاحب الدكان.. وقال صباح الانوار قال الابو.. وهو في غاية الغضب.. اعوز بالله انت كلما تعدي بدل ما تقولي صباح الخير تقول هات الايجار.. ما عندك هرجه غير الفلوس؟
هيا بطلت لك في الدكان . وقفل الدكان وطلع للبيت زعلان وديبربر ويعيد في الكلام صاحب الدكان هلكني ماله سيره الا الايجار هو مهموم ويرمي همومه علينا ,, سمعته مراته وهللت وقالت : المدينه؟؟!!؟! راح نروح للمدينه؟ الف صلاه عليك يا نبي الله اخيرا دعانا رسول الله وصارت تمشي في البيت تغطرف وتقول :الحمدلله على هادا النهار خليني احظر ملابسي بركه حتى الدنيا بارده ورطوبه
سمعتها بنتها وقالت: خطوبه؟؟1! بالله يا امي اتخطبت؟؟ الف مبروك علينا اخيرا جاني عريس وجريت على جدتها وهي تظحك وقالت: شفتي يا ستي يا ست الهنا اللي ربي وعدني بيه ؟؟ انا راح اتجوز وراح يصير لي بيت وعيال ..
رفعت الجده راسها وهي منزعجه وقالت ريال؟؟!! تحسديني على الريال اللي لابسته في صدري؟ وي يا بنت ولدي انت عندك زيه اتنين وانا طول عمري لابسته دحين عينك ضاقت منه يا حسره قال ما اعز من الولد الا ولد الولد
نظرت الجاريه من مكانها ومن كتر الفرحه وقالت:العبد؟؟! صحيح راح تجوزوني العبد؟الحمدلله هادا يوم السعد هادا صحيح يوم السعد
و خلصت و ملصت و جت الجاجه و عنفصت :D
على فكرة يا جماعة الخير ترى هذي القصه كاتبتها لكم من كتاب التبات و النبات و الكتاب كلها قصص روعه و باللهجه الحجازيه و اذا يبون اكتب لكم وحد ثانيه انا حاضره ... :D
===========================سلام
ناويه غسيل مخ 
العرض العادي
