[c]
تحريت العلوم اللي تجينا .. والعلوم اشكال
تعبنا ننتظر منك .. نبي نسمع عن احوالك ,,
ولكن ما حصل منك صراحه ما يسر البال
تبي دايم على كيفك .. صراحه ما عرفنالك ,,
حبيبي يا بعد عمري ترى بعض الكلام افعال
وترى من يعشق الطيبه .. حرام يعاشر امثالك ,,
تعبنا نشرح الكلمه نبي قرب الوصال اوصال
نبي نسمع خبر مفرح .. تقوم ابصنعه إلحالك ,,
وأنا لا جيتك بكلمه قلبت الحال للترحال
اجي منا .. تجي منا .. غريب ولا فهمنالك ,,
أنا بشكي لك احوالي وحل اللغز ..........
ابيك تحس بي مره .. عشان الجو يصفالك ,,
تعبت من السراب اللي رسم لي بالطريق اهوال
اثاري دارك بعيده .. ولاني حول منزالك ,,
دفعت الرجل في دربك ولا هموني العذال
يطيب العمر في قربك .. اليا منا وصلنالك ,,
فتحت القلب لك وحده وغيرك ميتٍ ما نال
يبي يأخذ معي حبٍ .. مثل حبٍ تهيالك ,,
وجودك صار لي حلمٍ وصرت العاشق الجوال
تراي اموسعٍ بالي .. وابيك اموسعٍ بالك ,,
أنا من جد حبيتك ولكن شفت فيك اهمال
أنا من وين ما جيتك .. تعذبني بغربالك ,,
صعدنا لجلك الهامه وشفنا بالطريق اجبال
تعبنا بالرضا لجلك .. وصرنا حيل نشقى لك ,,
بغيت اعيش في ظلك ولكن داخلك غربال
رغم كل الشقا جيتك .. ومع هذا وفينا لك ,,
نوينا ننسحب منك نعيش بعالم التجوال
لقيت العالم الواسع .. عجز يا شين ما شالك ,,
أنا ما بي سوى خدمه وابيك تبين الافعال
تقول الثوب ذا ثوبك .. وثوب الكذب يزهالك ,,
واذا كانت طبايعكم كذا وتشابه الجهال
تبي تحرق لي اعصابي .. اقول ارتاحي اشوالك ,,
وأنا لي كلمه وحده لزومٍ يالغبي تنقال
عنيد وراسكم يابس .. وزدته حيل بهبالك ,,
ابنهي لك سوالفنا .. واقول ان الرجال افعال
وترى اللي وافي مثلي .. حرام يصاحب امثالك ,,
*OOO*
بالشده اذكر بالرخا من ذكرني
واجيه أنا من اقصاي لا صار مغبون ..
واعتب على منهو جرحته وعذرني
وامسك عليه الى اخطا كلمة تمون ..
واسهر عشان اللي تعبت وسهرني
وكانه سهرني بعين ابسهر له عيون ..
واشكر كرم منهو عطيته وشكرني
والله يسامح من خذا وقال مديون ..
كل الجفا اللي منهم ماعسرني
صاروا معي والا علي ما يهمون ..
لي الشرف غير الزمن ما كسرني
اطيح واضحك له .. وأنا كلي طعون ..
سيدجروحي ,,
*OOO*
الشاعر:خلف نزال
[/c]
العرض العادي
