+*^^*+ مــوت الامــانـــي +*^^*+

+*+|خالد|+*+ · 12-09-2003, 10:05 AM

يقولون الحب سيف بتار للقلوب...
كنت اضحك عليهم هم وحبهم وحزنهم..
واقول فاااضين ذولي...!! وش عليهم..
تضييع ولعب بهالحب ويمثلون دور بالحزن..
حتى جاء ذاك اللي سميته احلى حب..!!
ناظرني بعينة ومن اول نظرة قتلني بحبة وعيونـه القتيلــة..
مدري وش جرى لقلبي للحب انجرى...
تحديت البشر على شانه....
واعلنتها قدامهم بحبي له وكله والله على شانه...
من كثر حبي له ماخجلت منهم يوم اعلن ذاك الخبر عاجل..بحبي له..
سميتها احلى حب بحياتي وتصدقون نسيت الكلام كله يوم كنت سعيدبحباً بداخله وذاك القلب..
راحت ايام وجت ايام..
وصار احلى حب شوي شوي يختفي ويصبح خيال...
انتهت دنيتي والسبب حبي واللي كنت اعتبرها عزوتي...
انتهى ذاك الحب واحلى حب ايه والله انه احلى حب...
مدري وش جرى له مدري وش طرى على باله...
مدري العذال حكوا وعبوا في راسه..
الثقه مايثق فيني والصراحة بخيلة حيل ماتوفيني...
والمشكلة تقوووووووول لي انها تموت فيني...
ايه سلامه الموت منك وانا خلاص عرفت وعرفت من هو بقلبك...
ياخسارة ذاك الحب واحلى حب يندفن وسط الحشود اللي يبونك ويبون ينهون
قصة احلى حب بطلها مات مات من عذاب الفراق والبعد...
ياخسارة ياقلب خالد ياخسارة...
ياخسارة ياروح روحي ياروح دمي يابعد كل ناسي واهلي...
ايه والله خساااااااااااااارة...
قلت خلاص مابيني وبينك يالحبيب كلام شكله انتهى ذاك الغرام...
توقعها تبكي او تقول لا لا لا ياخالد لاتنهي حبنا حرام...
بكل برود قالت احسن والظاهر انها مقتنعه ومعجبه
(( بااحسن انك زعلت..))..
مسكين انا كنت العب على نفسي واحسب الدنيا واقع حقيقة...
الكل فيها يصدق ويوفي ويضحي....
اااااااااااااااااه وااااااااااااااه.....
عرفتك مسلسل درامي كبير مثلته على قلباً كومبرس توه صغير..
ماعرفت انك ممثل كبير ولك افلام ولك جمهوراً غفير..
ممكن توقيعك يانجم غادر يانجم انعدم فيه الظمير..
الحين الحين توني ياقلبي المسكين فهمت....
فهمت انك ماتعرف شي..
تدري وش عرفت......؟؟
عرفت ان الحب سحابة لكل محب..
ثواني طاير من الفرحة على متنها وباقي الدهر اااااااه احترق من حبها..
عرفت انه بعض امواج هادئــة بعدها سفن تغرق وقلب يموت ضميان..
عرفت انه عذاب يعيشه انسان مغترب ولو بيده هاجر وغادر...
هاجر وغادر يم البحر يشكي له ظلم هالبشر وهالزمان وهاالاحزان...
عرفت انه حزين يزرع بسمة حزن ...
يزرع بسمة اهاااااات والــم...
على وجهاً حزين يبحث عن حب صادق...
يومه صحى ضاع هالحب بالحلم وبلحظه جفا..
عرفت انه ياللي كنت بلحظه سعاده حبيبي..
عرفت انه ريـح افراق..
موج قاسي..
ريح عاتي..
حلم كان واصبح ماضي زمان...
مع الاسف....
هذا هو الحب واحلى حب...
كله سقاني..
كاس وكاس مر..
وابكي وابكي على دفاتر ليالي...
بواقعي ضعت....
وان وانا ضايع بين أوهام وأحلام..
اوحي واسمع صداها من بعيد كنها لي تنادي...
وبالخيال بعد ضعت...
وانا امسح دموع دموعــي...
بخيالي واحلامي شوق والوجد تائه ...
ولهفة لذيك النار...!!
حبي اللي جرعــنــي مر وامرار..
مر وامرار من بحر هالهموم وهاالاحزاااان..
اللي يرمية قلب كل انسان على الشاطئ...
ايه ايه..
عرفتك ياحب...
عرفتك ياشوق يااماني..
عرفتك ياوجد..
عرفتك يااشتياق...
عرفتك والله عرفتــك..
حبيتني لجل تنسى وتنسى..
جعلتني وسيلة وجرعت قلبي سموم واااعزتي لــه..
صحيح انك .. مدري وش اكنك....
مااقول نذل لكن اكيــد انك انانــي ...
ياحسافــة اعدمت قلب وقتلتني وذبحت كل الامـــانــي...
واصل طريقك واقتل عدوك وحبيبك ورفيقك..
واصل وواصل قتل الاحساس واعدام قلوب من اول تعانــي..
واصل طريقك لكن انتبه...
غيري يااللي كنت اغلى حبيبي...
غيري ممكن يكون غير...
انتبه على نفسك...
ترى قلبي يدعي لك...
.. واعرف اِن الدنيا يارفيقي بخير..
ومستحيل اقتل واطعن كل الاماني مثل الغير..
ومثل ماقلت لك ترى الدنيا بخيـــر...

+*^^*+ خـالـد +*^^*+

[SOUND]http://www.salmiya.net/songs/abdelkareem/ram/abdelkareem152.ram[/SOUND]

عابرة سبيل · 12-09-2003, 10:36 AM

تدري وش عرفت......؟؟
عرفت ان الحب سحابة لكل محب..
ثواني طاير من الفرحة على متنها وباقي الدهر اااااااه احترق من حبها..
عرفت انه بعض امواج هادئــة بعدها سفن تغرق وقلب يموت ضميان..
عرفت انه عذاب يعيشه انسان مغترب ولو بيده هاجر وغادر...
هاجر وغادر يم البحر يشكي له ظلم هالبشر وهالزمان وهاالاحزان...
عرفت انه حزين يزرع بسمة حزن ...
يزرع بسمة اهاااااات والــم...
على وجهاً حزين يبحث عن حب صادق...
يومه صحى ضاع هالحب بالحلم وبلحظه جفا
عرفت انه ياللي كنت بلحظه سعاده حبيبي..
عرفت انه ريـح افراق..
موج قاسي..
ريح عاتي..
حلم كان واصبح ماضي زمان...
مع الاسف....
هذا هو الحب واحلى حب...

+*+|خالد|+*+

(((( صباحك ورد ))))

شمس الود ما اجمل هذا الصبااااح وهويشرق مع نسيم كلماتك

سحر لا اجامل رائع ما تكتب ايها المبدع

لن اكتب زيادة ولا تعليق سوي انك مبدع

تحياتي ,,,,,

اختك ,,,, عابرة سبيل

nowras · 12-09-2003, 11:23 AM

(((خالد)))

أخوي الرائع سلمت انا ملك انت مبدع

لك مني أرق تحية في هالكون

النورس

فتاةالجبال · 12-09-2003, 11:57 AM

كلمات رائعة
اسلوب بعرثة موت الحب في قلب الحبيب
اسلوب ترجمتها كلمات ساحرة عبرت عن موت الاماني
الاماني
اماني وهي جمع لكلمة امنية واين تلك الامنية والحب قد انتهى
اماني وهي كلمة الحب البعيد الذي ترجمة احساس الحبيب الحزين
احساس الكاتب خالد
كلمات جدا معبرة
لك مني اخي الفاضل خالد كل احترام وتقدير
اختك
فتاااااااااااااااااااااااااااة الجباااااااااااااااااااااااااااال

الرزينة · 12-09-2003, 12:15 PM

استاذنا المبدع خالد00
* * *
اي والله00الدنيا بخير

طول ماقلب مثل قلبك ينبض 00الدنيا بخير

وانت انت00مانت مثل الغير

الصدق والطيب عنوانك

حتى لو الحبيب خانك

انت انت 00مانت مثل الغير

بس لاتموت الاماني

يمكن في يوم تحيا من ثاني

لاتموووووت الاماني
*********
سيدي00

ابدعت في رثاء الاماني

لك مني اصدق التحايا0

~¤§¦ريشة إحساس¦§¤~ · 12-09-2003, 01:53 PM

خالد ..

رائع كالمطر ..
عندما تنهمر الكلمات كالرذاذ ..
لتسكن في دواخلنا .. وتقرأها عيوننا ..
بالتأكيد ستستمر في أذهاننا ..
صدقني ..
الحب لايمــوت إلا في قلب من لايعرف الحب ..

نسيم الجنوب · 12-09-2003, 03:58 PM

الاخ العزيز والكاتب المبدع ( خــــــــــالد )
الله يعطيك العافيه
ما اجمل الحب وما احلى ساعاته وايامه
اذا كان مبنى على الصدق والوفاء والاخلاص
ولكن يكون الحب مرارة وعذاب والم واحزان
اذا كان من طرف واحد اما الطرف الاخر فلم
يكن هدفه سوى التسليه وسلب عواطف ومشاعر
من يحبه ثم تركه دون احساس بالعواقب
كثير ما يقع ذالك بين المحبين ولكن لابد من الصبر
وتحمل النتائج

لك كل الشكر والتقدير اخي الحبيب على هذه الاسطر
الصادقة الاحساس والجميلة كتابه

اخوكم // نسيم الجنوب