انت لوحدك كل جراحى
قسوة قلبك هيا عذابى
ماتت فيك بسمة افراحى
وغدرك كان عنوان لكتابى
عشت معاك ايام وسنين
دقت عذاب اشكال والوان
خدت معاك احلامى لفين
ماشية فى ايدك للاحزان
لو بتقول على الحب خلاص
ليه تخدعنى وكنت فداك
تبقى خيانتك اصاد اخلاص
يالى عشقت وكنت اهواك
حزن الدنيا كله مالينى
دقة قلبى اهة وويل
لما بينزل دمع لعينى
بيبكى البدر ونجم الليل
اه واه من حبك اه
دفعت عمرى وتمنه مفيش
كنت اتمنى فى يوم القاه
عشن اقوله يروح ميجيش
يبعد يبعد عنك يبعد
يبعد يبعد ميوهبش
وانت فى ليلتك فرحان تسعد
هو فى صمته ميكلمش
الاقى عمرى تانى منين
يرجع بيا من غير قلب
غلطة ودفع تمنها اتنين
تاهو كتير فى سكك الحب
خلاص يا قلبى لم جروحك
معدش ليك فى الدنيا مكان
فكر مرة بس فى روحك
وارمى الذكرى للنسيان .......
العرض العادي
