السلام عليكم ورحمة الله وبركاته:
في البداية بصراحة أنا ودي أني أطلع كل الغل اللي بقلبي من بداية مادرست المتوسطة يعني له خمس سنوات وهو مكتوم بقلبي .المهم...
الغل اللي بقلبي هو من المناهج اللي ندرسها مالها أي داعي وخاصة منهج الرياضيات (مو كل المنهج بس أكثره)أكبر مثال (جا-جتا-ظا-ظتا..........الخ)بالله هذي الأشياء وش نستفيد منها ولامادة المكتبة اللي كلها مالها داعي ولا الجغرافيا الحين أنا كافتاه وش راح أستفيد من الجغرافيا المفروض نعرف جغرافيا الدولة اللي أنا فيها وبس أما الحين أنا سعودية ويدروسني الهند وش مناطقها كم سكانها ومساحتها طيب وش راح أستفيد من هذا كله زيادة ورق يعني ويوم سألنا معلمة الجغرافيا ومعلمة المكتبة ليه ندرس الموادهذي كان لهم نفس الرد(شكلهم متفقات)ثقافة وش هالثقافة اللي راح أتثقفها من الجغرافيا والمكتبة والله العظيم انه مايمديلي أطلع من قاعة الامتحان حتى أنسى كل اللي ذاكرته وخاصة في المادتين هذي ومعلمة الرياضيات يوم سألنها نفس السؤال كان جوابها أسخف من المادة نفسها(مع أحترامي الشديد لها)تقول إذا أحد وأنتي تمشين في الشارع سألك عن أي درس بالرياضيات لو ماكنتي دارسها هذي الأشياء ماكان تعرفين تجاوبين بالله من راح يمسكني بالشارع بالذات أحنا كمجتمع سعودي من الإنسان(سواء ذكر –أنثى) اللي يمسكني أنا الفتاة ويسألني عن جا وجتا سواء مجتمع سعودي أو غيره الى هذه الدرجة وصلت الثقافة للناس أنهم يمسكونا في الشارع حتى يسألونا عن أي درس من دروس الرياضيات...
الشيء الثاني القراءن الحين أحنا ماندرس في الأسبوع إلا حصة وحدة بس هذا وأحنا بلاد إسلامية وفي أكثر الأحيان يمر شهر ماندرس قراءن طيب ليه المدرسة ماقصرت أعطونا حصة في الأسبوع وش السبب؟؟؟!!!
مو سبب هي عدة أسباب معلمة التلاوة تدرس مادة دينيه ثانية مع التلاوة لنفس المرحلة صارت لها ظروف أظطرت أنها تغيب أسبوع طبعاً الفصول اللي تدرسها تأحرت في المنهج تحتاج حصص أكثر من الحصص الاساسية اش سوت معلمة الدين ؟ عوضت في حصة التلاوة في الأسبوع الأول والأسبوع الثاني (باقي من الشهر أسبوعين) الأسبوع الثالث المعلمه مالها حيل تعطي درس في أي مادة الأسبوع الأخير معلمة الفيزياء أستلفت الحصة عشان تمشي المنهج...
(الغل باقي ماطلعته بس أحس إني غثيتكم عشان كذا راح أطلع الباقي في منتدى ثاني أسفه على الإطالة)
العرض العادي
