يالله يامنزل تبارك والاعراف0000يافارج الضيقه عزيز الجلالي
تجبر عزا قلبي على فقد نواف0000وتمدني بالصبر لفراق غالي
جاني خبر نواف معدوم الاوصاف0000يوم الربوع وقلت عزي لحالي
اصغر اخوانه جا يخبر بما شاف0000والدمع من عينه على الخد سالي
بعد العشا قلبي من الهم ينلاف0000والموقف اللي صار فوق احتمالي
قلت اخبروني عل ماصابه خلاف0000قالو بسرعه لو سمحتي تعالي
نشدت وينه قالو انه بالاسعاف0000ويمكن لشوفه مايجيلك مجالي
ويوم فجعوني صار بالقلب خفخاف0000اركض وصاب العقل مثل الهبالي
ورحت لحبيب القلب والدمع ذراف0000وحلو النبا له صورة في خيالي
لقيت نور العين ملحوف بلحاف0000واللي هناك يقدمون العزا لي
ويوم الخميس محمل فوق الاكتاف0000للمقبره شالوه جمع الرجالي
ولولاي اخاف الله لعدي بمشراف0000واني لشق الجيب مما جرالي
لكن عساه بجنة الخلد ينشاف0000ويغفر له المعبود منش الخيالي
العرض الشجري
