[ ابشركم اهلي بيزوجوني . . . . . . . .
وش أحكي لكم وش أقول .. اليوم وأنا جالسن مع أميمتي الله مير يطول بعمرها قالت
عبود قلت عيونه قالت تفقع عيونك .. كم عمرك ؟ قلت ودي اختفظ فيه لنفسي .. قالت
طيب بزوجك ولازم وأنا اميمتك اعرف عمرك .. قلت والله على ما اعتقد والله اذكره
واسمعه من الناس أنتس أنتي اللي والدتني مهب أنا .. قال عبود عمري لا تستهبل يالله كم
عمرك .. أهي حننت الصوت أنا دخت .. قلت والله يا يمه عمري 23 سنة ولله الحمد
والمنة .. قالت لالا رجال ماشاء الله يمشي على زندك التيس .. ابزوجك بنت خالك اللي
في استوكولوهم اللي راح لها ولا بعد جاء من ذيك النوبة وأنا أمك .. وتقعد تهل دموع
اربع اربع .. قلت يا يمه طيب وشلون بتزوجيني بنت خالي وهو مارجع للديرة .. قالت
والله وأنا أمك عندي احساس أنه بيرجع قلت الله مير يسمع منتس ...
7
7
7
7
7
7
7
7
7
7
7
7
7
بعد وصول الخال ....
رحت استقبله في المطار والا اشوف معه ناس حمران عطران .. قلت هلا خالي كيف
الحال عساك بخير وينك يالقاطع والله أنك قليل أدب ولا تستحي على وجهك .. الحين
اوخيتك لها كم سنة تحتريك تجي عشان تزوجني بنتك وأنت ساحب علينا .. والله من جد
ياخال أنت خول ..
قال .. وت يور مين أنتا اسلن الهين ..؟
قلت : أقول لا تغير الموضوع بس وين العروس خلن اشوف خشتها اهي زينة ولا
شينة .. سبحان الله يمكن ما تعجبني ..
قال وأنا خالك معصي ازوجك أحد بناتي .. اهو قال كذا وأنا اللي انزلت الدمعه من
عيني .. جات بنته قالت .. بابا هرام أليك تسوي كدا في ولد أمتي .. قال خالي .. وأنا
باباكي هذا ولد عمه مال أنتي مافي نفر كويس .. قالت بابا أنتا كزاب .. ليه ماتبيه
يتزوزني .. قال والله ونا بابا أنتي اهو شوي شين وجسم مال هو يطيره هبة هوا ..
قالت بابا آي لوف يوم علوووش بس .. اهي قالت كذا ولا ماقالت ما دريت الا أنا في حضن
أمي طايح من السرير .. قالت أمي وش فيك جعلك الماحي كبيت الدلة .. واقولها السالفة
من أولها لآخرها .. قلت أي والله معصي ازوجك وحد مارجة سارجة ولا أبوها يطلع
أخوي والله العظيم وأنا أمك ماعندك سالفة .. ويضيق صدري أنا ألبنت حبيتها من أول
نظرة في الحلم ..
قالت أمي كم عمرك .. قلتلها 18 سنة .. قالت أجل معصين أوسل عشرين مافيه زواج
لين يجي راتبك في مخباك ..
هذا ما حصل اليوم من حلم بعد أكل المرقوق الساعة الرابعة عصرا وبعده كاس لبن
وبعضا من ريح التتن .. الله مير يستر على بلاد المسلمين من كل شر ..
*t *r *r [/FONT][/FONT][/FONT][/B][/B]
العرض العادي
