سألتك حبيبي 00 وش حروفي في كتابك ..؟؟!!

[النرجس]

بالشوق .. عانقت هالقلم
وبالحب خطيت كلمتي
ياللي على بالي طريت
وانت عني مادريت
قررت رغم هذا الألم ..
أكتب معاك قصتي.

***

كتبتك حبيبي بعيد
علم مابه أي جديد
وكتبت ذكرانا ضباب
عنيد .. ياقلبك عنيد !!

***

سألتك حبيبي ..
وش مصيري في حياتك ؟
وش حروفي في كتابك ؟

وإسمي ...؟؟؟
رددته كثيير
وش مصيره ؟!!
إنتحر ..؟!!
إنطعن ..؟!!
إندفن ..؟!!
أكيد الإعدام هو مصيره
وأكيد الحياه خانته يوم انت تخونه
وانجرح ..
وصار اسم على الورق ..
.................... على الرسايل
حتى الوقت صار يخونه ..
................... وانمحى


***

طيفك يمر .. أحضنه
أضحك له ..
أبكي عليه ..
أدخل بروحه ..
أحس نبضه ..
أمسح دموعه ..
وبلحظه أشوفه ينتفض
نبش قلبي .. وارتوى
عض يدي .. وابتعد.


***

قريت رسايل ماضيه
أرتجي فيها جواب
سؤال رددته كثير
هو أنا في خيال ؟؟
هو هوانا كان حقيقه ؟؟
وإللا حلم ..
وفي وقت قصير انتهى.

وهذي الرساله ..
دليل .. عنوان
كانك تبيها ضمها ضمن الرسايل الباليه
وان كنت رافض أي علاقه ..
أي وسيله
قول انتهينا ..
و رد الرسايل
يمكن الاقي فيها العزى
يد تمسح هالعنا
أبكيها وتبكيني
أشكيها وتشكيني
أقطعها وتجرحني
أرميها وترميني
ويكون المنتهى
وتنتهي كل السالفه
وتذوب الايام الماضيه
والحلم والواقع
يصير شي واحد
والهجر والبعد
بدايه لطريق واعد
ويصير بعدك بدايه
وابتدي عمر جديد
وتصير انت ضمن النهايه
............................. وتنتهي

بس انت وقــف !!
................. إرجع !!
............................ والتفت لي !!
يمكن اقول خذ بيدي !
ويمكن اقول .. رد الرسايل.

[مــنــادي]

يسعدلي مساك بكل خير وسرور ,,, يارب النرجس كلماتك جداً رائعة ,, واحاسيس صادقة كل مابها جميل ,, لدرجة اني اعيد قرائتها اكثر من مرة عذراً اخي لتأخري في الرد ,, ولكن ها انا ارسل لك كل شوقي وهيامي لتك القصيدة واليك ازفها برائحة الورد الجوري ,, المعطر بماء الورد اخي,, هنيئاً لك هذا الابداع تقبل خالص وارق تحية صـــــــــ الألم ــــــــوت

[alhanoof]

اختي النرجس

اعجز عن الرد على رائعتك ........

عشنا مع كلماتك وكان لنا معها وقفات .......

امتعتينا بها ...

لي رجاء ان تكتبي في النهايه اذا كانت لك او منقوله



وتسلمين اختي....

[النرجس]

أخي 00 منادي



أعشوشبت الأرض بوقع خطاك
سيدي ..
وجودك هنا أضاف بعض الوهج ..
وشئ من الروعه ..
وكل الجمال ..

شكراً لك ...

[النرجس]

أستاذتي 00 الهنوف

مرورك هنا طبع قبلة على
جبين بوحي ..
شكراً لمرورك ..
شكراً لأنك هنا ..

وبانسبة لأن كانت المشاركه لي
أو منقوله ..
فقد أعتدت ان لا أذيل اي مشاركه من
كتاباتي بإسمي ..
إلا ان كانت المشاركه منقوله
فاني اكتب وبالخط العريض
" منقوووول"

شكراً لإهتمامك ....