لمحتها بين الصفوف
وبيدينها اوراق السفر
لمحتها في لحظة يأس وقهر
في لحظها تصعب على أقسى
من يكون من البشر
انتابتني رعشه وخوف
حاولت اجامل خافقي
حاولت ابرر موقفه
يمكن ظروف
وفي لحظة التفكير فيه
سمعت صوته لي يقول
ابي العذر منك تراني مسافره
لاتحتريني وتنتظر
ارجوك لا...لا ... تنتظر
وصدت وراحت وبعدت
ناديتها قلت اصبري
ناديتها بكل المشاعر والوله
قلت اسمعيني وارحلي
ولحظه وقفت
قلت انتي الغلا يامسافره
انتي خذيتي كل شي
وشهو وجودي بالحياة
وين موقعي
في خارطة حب قديم
فجأه نسيتي كل شي
قالت انا
ماني بشي
انا بقايا للمواجع والألم
وانت الطموح
خل المواقف ذكريات
وخل المحبه والغلا
بقلوبنا مدى الحياة
وخلني اسافر للبعيد للشتات
وترى انا بكل اختصار
وبكل وضوح
انا السراب وللسراب
انا الخيال العاطفي
وانا العذاب المدى
====================
لكم احلى تحيه ... ابوخالد
العرض الشجري
