يا جروح العمر وينه ودي اني أهتني بـه
ودي أروي هالخفوق وبعدها هاتي المنيـه
.
يا زمان الـذل تكفـى ودي لعينـي تجيبـه
في طريق الصـبر عاشق يحـتري منه المجيه
.
إطلبه يا رمش عينه للي بك روحه صويبـه
لو يروف بحال قلبٍ ما ذخر عنـه العطيـه
.
وان قسى قلبه ونساني باعترف ماهي غريبه
صرنا في وقتٍ نخـاف النفــس لاصارت وفيـه
.
وقت ظالم وقت غابر وقتٍ احوالـه عجيبـه
كل عاشق ذاق شفــّه من كؤوس العنجهيه
.
عشت عمري في ظلاله اطلب يقصّر مغيبـه
مير قصّر في حضوره وارسل النكران ليـه
.
لا نويت انسـاه ولّم من جيوشه لـي كتيبـه
لاح هاجس ذكريـاته وْهانت دمـوعـي عليـه
.
انشدك يا قلب وش بك جبت لي هم ومصيبه
كن ربـي واهبـك لـه وانـت له مخلـوق فيـه
.
تحتفي به في وصـاله وْفي غيـابه تحتفي بـه
وانت ماباقي من احلام الهوى عندك بقيـه
.
بالهـوى مابه خسـاير كل عاشق لـه نصيبـه
الخسـارة لو ما كانت روحي بعشقه ضحيـه
.
كل عمــر وله نهــايه والنهـايـه لـي قريبـه
باكتب احبك يا عمري وهذه هي كل الوصيه
العرض الشجري
