يا صاحبي ...!!!

[صدى من غير صوت]

سافرت... سافرت انا يا صاحبي ... لذيك الديار ... اللي عجزت القا بها... صديقا"وجار... عجزت... واخترت لي بوسط الحي دار ... واشعلت لي فيها شموع... والتف من حولي جموع... يتسابقون... كلا"يقول ...أمر تدلل أمرك مطاع ... اللي تبيه ...وتشتهيه ...لجلك يباع احترت انا يا صاحبي ... ويش سر الخضوع ... ما بقى غير الدموع مادريت ...او بالاحرى نسيت ... ان الفلوس تقدر تدوس ... ضعوف النفوس... وان الفلوس تقدر تخلي من الشينه ...عروس... وان الصغير يصبح كبير ..ويمكن أمير ..بس بالفلوس... مادريت ... او بالاحرى نسيت .. وقابلت انا ... وجها"بشوش ووجها"عبوس ... وجربت انا كل الطقوس ... برد وشموس ... وشربت من كل الكؤؤس ... من البيره ... لعرق السوس ... واصبحت انا يا صاحبي ... فوق الرؤؤس ... ولو زعلت ... الكل يرضيني ويبوس ... ما دريت ... او بالاحرى نسيت ... وبأخر الرحلة ... يوم صار الجيب خالي من الفلوس ... واعلنت موعد رحلتي ... ساعتها تذكرت ... أول ماوصلت ... يوم اني عجزت القى صديقا"وجار تذكرت... اللي نسيت ... وعرفت... وتاكدت ... ودريت ... ان الفلوس تقدر تدوس ...ضعوف النفوس.. وخذتها يا صاحبي ... عبره ودروس ... يمكن تفيد ... او يستفيد منها (التيوس) .. * عذرا"أحبتي على التشبيه * تحيــــــــــــــــــــاتي،،،