سوالف الحريم بالتيليفون
سلااااااااااااااااااااام علااااااااااكم
اليوم جايبه لكم موضوع...سوالف الحريم بالتليفووون
طبعاً تدور الاحداث عن ام محمد وام خالد...ام محمد حرمه غثه وماهيب متطووره
ام خالد توها متزوجه من النوع المتطوور يوم من الايام جالس محمد بالبييت
ام محمد:
تقول لولدها محمد اقول اشوف بس نكلم على ام خالد نشوف وش اخبارها وش
علومها..<<وهي ماسكه بالتليفوون
تليفون ام خالد:
ترن ترن ترن
ام خالد:
يالله صباح خير مدري من داق من اول الصباح ...الو..<<توها صاحيه من النوم
ام محمد:الو هلا ام خالد وشلونكم؟؟
ام خالد: ياهلا حيهم هلا فيك ياأم محمد شلونك انتي علومك..انشاء الله بخير
ام محمد: بخير والله نسأل عنكم وش اخباركم اخابر خالد والعيال وابو خالد
ام خالد: بخير الله يسلمك كلهم طيبيين يسلمون علييك<<<نصابه
ام محمد :ايه ياوخيتي من صحيت من النوم ماعندي شي قلت خليني ادق على ام خالد اشوف اخبارها
ام خالد:ايه فيك الخير يا ام محمد تسلمين والله <<تتثاوب تبي تكمل النووم
ام محمد: تدرين عاد توني طلعت لبزار وحطيته على الناار علشان الغذاء اخاف يجي ابو محمد وما سويت غداء ويعصب
ام خالد: الله يعينك ياوخيتي عاد تطبخين من ها الحين الساعه ثماان تو الناس
ياوخيتي<<تقولها بدون نفس
ام محمد: ايه احسن علشان بعدين اطلع افر شوي على بيت الجيران وعلى ابي
اروح الى ام سلوم يقولون تعبانه...وبروح الى ام حمود يقولوون طالعينها من المستشفى اليوم
ام خالد: ايه اايه <<وهي ناييمه ولا تدري بشي
ام محمد: ايه لايكون ازعجتك ياوخيتي من اول الصباح
ام خالد: لا يا ام محمد عادي <<نصابه ودها تقفل بسرعه
ام محمد: ايه اشوى اجل اكمل سوالفي..ايه وين وصلنا
ام خالد:والله مدري ...<<افف مدري متى تقفل هذي عله
ام محمد:هاه وش تقوليين ..ما سمعتك
ام خالد: لا اقوول الله يعيينك على المشاوير اليووم
ام محمد: ايه والله ياوخيتي..الله يعيني ابي اروح بدري علشاان ابومحمد اذا جاء ..الا انا موجوده بالبيت مايصيير
ام خالد: ايه صحيح ..بعدين يعصب علييك
ام محمد: ايه صدقتي ياوخيتي..هااه ماقلتي تروحيين معي
ام خالد: وين اروح معااك؟
ام محمد: الى ام حمود وام فهد وسلووم.
.
ام خالد:لالالا واللي يرحم والدييك فكيني من الطلعه ...
.
ام محمد: لييه؟بالعكس روحي عن نفسك اطلعي دايم جالسه بالبييت
ام خالد: لا اليوم علي اشغال كثير بالبيت مقدر اطلع
ام محمد: ايه الله يعينك ..براحتك والله انا بطلع واذا جيت ادق علييك وعلمك
الاخبار اول باول
ام خالد: ايه ايه معليش..<<<هذا زين اذا شفت رقمك ورفعته
ام محمد: تدرين عاد اشم ريحه حريق
ام خالد : والله ؟
ام محمد: ايه والله مدري من فيين
ام خالد :يمكن هذا غداكم ياوخيتي
ام محمد: ايه صدقتين والله نسيت اني حطيت غداء يالله بقفل بروح اشووف وش صاير
ام اخالد:ايه رووحي شوفي يالله مع السلامه <<<تبي الفكه والتصريفه
ام محمد : ايه مع السلامه..شوي وادق علييك اعلمك وش صاار لي
ام خالد: ايه زين زيين <<<بتفصل التليفوون
ام محمد: مع السلامه
ام خالد: الله يسلمك باي
ام محمد: يؤ وش معنى باي ياحرمه تراني ما افهم
ام خالد: لحوول <<تورطت...يعني مع السلامه
ام محمد : ايه اشوى قلت يمكن سبه والا شي
ام خالد: لا عيوني مو سبه
ام محمد: ايه يالله اجل مع السلامه ..اقصد بااي ..ايه نقول مثلكم بعد<<<غثه وربي
ام خالد: باي<<وتصفق هذيك السماعه ومنقهرره
ام خالد: اففففففف وربي غثه مدري منيين طلعت لنا ها الجااره الله يعني علييها النوم وما تخليني اناام
لكن والله لفصل السماعه.
بعدها ماتقول بسم الله على فصال السماعه..الا وداقه ام محمد
التليفون ترن ترن
ام خالد: اف مدري بعد مين ذا
ام خالد: الووو
ام محمد: هلا ام خالد ايه ادري ازعجتك بس ابي اسألك اذا تدليين سوق الديرم ابي اروح اخذ لي وحده
علشان عرس ولد ام سلووم..هذا الاسبووع
ام خالد: والله ما اعرف..وين بكل مكان يبيعون ياوخيتي..حتى جارتكم ام هلال تبييع
ام محمد: ايه والله صدقتي يبيلي اروح اشتري منها..ايه تعالي شفتي ذهب ام هلال..اللي تقول شاريته من دبي
ام خالد: لا ماشفت شي وانا ما اروح ازور احد <<بقهر
ام محمد :ايه والله يقولون يجننن
ام خالد: واللي يرحم والديك ياام محمد وراي شغل
ام محمد: زين زين انا بعد وراي طبخ يالله مع السلامه ...باي على قولتك
ام خالد على طول طاااااااااخ بالتليففون<<<افففففففف قرررف
وهكذااااااااااااااااااا تدور الايام وام محمد تدق من اول الصباح وتزعج الجيران ..وفوق ذاك يحترق الغذاء
والله يعنها من هوااش ابو محمد وعلى ذا الحال الين يطيح بزر وينكسر
وسلاامتكم
حقوق الطبع محفووظه
العرض الشجري
