[قلبك اللي يلبس الحب في صدق ووفا
مالحقني فيه شك ... ولامنه شكيت
فيه لي بليلة البرد ... ميعاد ودفا
وفيه لي بكل خفقه مشاوير وبيت
أدري أنك أجمل العشق وأصدق من صفا
وأدري أني فيك قصرت وانت اللي عطيت
وأدري أني كل ماغبت وأضناك الجفا
لانتظاري تشرب الصبر...حتي أنك بكيت
وأدري أنه لازعل قلبك وجيتك ... عفا
اتجاوز جرح الأشواق ... لامني قسيت
صاحبي كل الخطايا جروح ٍ بالخفا
زلزلت كل المشاعر بقلبي لك...وجيت...
..أعتذر لك والندم يشرب ضلوعي شفا
وماألومك لو ترددت لحظة أوعصيت
أشهد أني شفت من قسوتي شي كفا
شي ... لوأنك تمعنت في عيني...قريت!
العرض الشجري
