اليوم الاربعاء الساعة وحدة الظهر اتصل صالح العلة على خالد وقال له ترى والله اعذروني ما اقدر اروح معكم.. انشغلت.. واهلي ما عندهم احد.. ابوي في البر زي العادة.. وناصر اخوي في جدة..
قال خالد: إلا أبوك زي العادة في الفلبين وأخوك في مصر بلا نصب.. وتهاوشوا الشباب اللطيفين شوي ثم قفلوا الخط.
اتصل خالد على سعود وقال له السالفة وإن الدعوة تكنسلت..
قال سعود: أجل تدري يا خالد أنا يوم قلت لأهلي إني أبروح للشرقية شبت أختي علي تبيني أوديها لخالتي هناك.. وش رايك تروح معي نوديها لخالتي ثم نروح أنا وانت إلى ديرة الشيخ عيسى.. وبراحتك انا رايح أودي أختي سواء رحت معي وإلا ما رحت.
قال خالد: ياخي إحراج أختك معك ومدري كيف.
قال سعود: الله أكبر.. نورة زي أختك.. يلله عاد بلا استهبال.. هاه موافق.
قال خالد : توكلنا على الله وإذا خلصتوا مروا علي.
والله وراح سعود و خذ اختة وراحو ومروا خالد .. وفي الطريق بدأت قصة الخيانة.. خالد ولد وسيم ونورة من زمان وهي تحبه وتفكر فيه.. وودها تقول له أي شي.. أو تلمح له.. المهم بدت السالفة بأنها كتبت له في ورقة: "خالد أنا أحبك و أموت فيك والله يخليك كلمني على رقم جوالي..."
قامت نورة و دفت الورقة الى خالد من عند باب السيارة يعني من بينه وبين الباب علشان ما يشوفها سعود أخوها.. خالد ارتبك ما يدري وش يسوي.. وش تبي هالبنت.. الله ياخذها.. المشكلة أخوها بجنبي.. لا ومن أعز اصدقائي بعد.. والله مشكلة.
البنت ما كفاها إنها عطت الولد الورقة.. وبدأت تلمسه وتسوي له حركات من وراء الى وراء..
خالد قفلت معه.. حاول يفتك منها.. وأول ما وقفوا يعبون بنزين.. غير مع سعود السواقة علشان يبعد عنها و ماتصير وراه.
بس البنت "إن كيدهن عظيم" كلمت أخوها في أذنه.. وقالت له: خل فلان يوقف عند أقرب دورات مياه.. أبي الحمام "الله يكرمكم"
عاد سعود وقال لخالد: خالد لو سمحت وقف في أول محطة لأن نورة تبي دورة المياه.
وقف خالد.. ونزلت نورة.. وبعد ما خلصت.. ركبت السيارة بس من جهة خالد مو في نفس مكانها الأول وصارت وراء خالد مرة ثانية.. وهبلت به إلين وصلوا الشرقية.
راحوا يودون نورة إلى خالتها.. بس لقوا بيت خالتها ما فيه أحد.. ودوروها طلعت خالتها مشت في نفس اليوم إلى الرياض (نورة ما علمت خالتها إنها بتجي لأنها مسويتها مفاجأة). وش الحل؟
قال سعود: البحرين وتكنسلت.. ومالنا إلا إننا ناخذ لناغرفتين بالفندق نريح إلى بكرا وبكرا نمشي إلى الرياض.
قال خالد: توكلنا على الله.. والله يصبرني إلى أن نوصل للرياض.. علشان نفتك من هالعلة واخته..
وفي الليل.. قال خالد لسعود: أنا أبآخذ لي دش.
قال سعود: أجل أنا أبروح أجيب لنا عشاء إلين تخلص.
قال خالد: أوكي.
سعود طلع من هنا.. وخالد دخل يتروش من هنا.. وجات نورة ودخلت الغرفة تنتظر خالد إلين يخلص قبل مايجي أخوها.. وبعد ما خلص الرجال وطلع.. لقى ذيك البنت المتبرقعة جالسة في غرفته.
قال: نورة؟؟؟؟؟ تكفين اطلعي برا لا يجي سعود؟ لما قال لها اطلعي مادرى الا وهي طابة علية و حاضنته وكل هذا على دخلة سعود بالعشاء عليهم.. ويوم شاف خالد سعود جاه إنهيار عصبي ويحلف و مايدري وش يقول ثم أغمي عليه
وجلس سعود يحاول إنقاذ خالد.. ونورة بعد.. ويقولون له:
يابن الحلال قم هذا صالح خوينا.. يعني ما فيه لا نورة ولا شي.. كل الدعوة لعبة بين سعود وصالح والي راح فيها المسيكين خالد .
تحياتي
;) ســـــــــــ بااايوووو ــــــــــــاراا;)
العرض المتطور
