قـصّـه واقعيـه حدثت بمجمـع الراشــد !!

FaHaD-Al-kHobaR · 23-02-2003, 10:47 AM

السلام عليكم ورحمة الله وبركاته

هذي قصه واقعيه حدثت بمجع الراشد بالخبر

حينما اتفق شخص بموعد مسبق مع من يحبها ( خويته ) في

الراشد وهو ينتظر الموعد على احر من الجمر . وكانوا

على اتفاق مسبق بالذهاب الى بيت زميلتها .

حان موعد اللقاء .. الولد ولنطلق عليه اسم ( خالد )

جهز نفسه من جميع النواحي وحتى السياره

التي يقودها ليست له وانما لزميل له اخذها منه ليكشخ

امام حبيبته ... المهم .. تقابل الاثنين والخوف يدب

باطرافهم جميعا جلس خالد يمشي والبنت ولنطلق عليها

اسم ( هند ) تتبعه من بعيد ..

خرجوا من الراشد .. ركبت معه بالسياره .. انطلق الاثنان

بخوف كبير وخاصه من ناحية هند اللي كانت

تتلفت يمين ويسار كل مارات سياره مجاوره لها .

خالد : كيفك ياهند ... ؟

هند : خالد رجاءا اسرع ولاتمر من هذا الشارع ؟

خالد : طيب ليش انتي خايفه الى هذا الحد ؟

هند : ترى كلمة صديقتي وتقول البيت فاضي يالله روح لها بسرعه ؟

خالد بضحكه صفراء : ماتبين نتعشى قبل مانروح ؟

هند : حنا في ايش وانت في ايش بسرعه روح للبيت يالله ..

خالد : طيب طيب

انطلق خالد ويتبع كلام هند لوصف البيت ؟؟

الى ان وصلوا للحي الذي تسكن فيه زميلة هند ؟

خالد : زميلتك ساكنه هنا ؟؟

هند : ايه خلاص قربنا من البيت ؟

خالد بخوف : طيب يالله وين اروح ايه جهه ؟

هند : اطلع الى ان يقف فيك الشارع ثم اذهب يمين ؟؟

خالد : هند وبعدين ؟؟

هند : روح واذا وصلت هناك باخبرك ؟

المهم ... جلس خالد يمشى والخوف يتزايد في قلبه وفي

جميع انحاء جسمه ... خالد : طيب

لفينا يمين تكلمي بسرعه وبعدين ؟؟

جلست هند توصف له البيت وهو يتبع الوصف ؟

هند : اوقف السياره هنا .. البيت قريب جدا ولكن لانريد

ان نوقف السياره امام البيت . والبيت

لايوجد فيه الا زميلتي اللي تعذرت بالمرض ولم تذهب

مع اهلها الى زواج قريبين لهم بالجبيل ؟

خالد : انا اهلي بالجبيل وهذا الحي حينا وهذا شارعنا ؟

خالد : مااسم زميلتك بسرعه قوليلي ؟

هند : بخوف شديد .. لا لا ماتعرف البنت انت اكييد ؟

خالد : يمسك هند بكل قوته يا( ؟؟؟؟؟؟؟؟ ) ما اسم زميلتك

واين بيتها بالتحديد من هذي البيوت ؟؟

كانت الصدمه الكبيره ؟ فعلا البنت المقصوده تكون اخت خالد .

لم يستطيع خالد التحرك وجسمه يرتعش بقووه من هول

ما حدث له ؟

لا شعوريا ... جلس يضرب هند وهو يصرخ بكلمات هستيريه ؟

الا ان مر احد الناس ونزل ومسك خالد واتصل بالشرطه

اول ما عرف بالامر ؟

حووّل خالد للشرطه والهيئه ... والبنت ايضا معه .

اتحب ان يكون مصيرك في يوم من الايام مثل خالد !!

ماذا ستفعل لو حصل لك ماحصل له ؟؟

اخي الشاب اختي الشابه .... هل ترضى ان تكون انت او

احد من افراد اهلك بهذ الموقف في يوم من الايام !!

اكييد لا ؟ ماتفعله ببنات الناس ومحارمهم ستجده في يوم

من الايام ولا محاله في اهلك والعياذ بالله ....

اسف على الاطاله واسال الله العلي القدير ان يتعض

بعض الشباب والبنات عما يفعلونه بغفله منهم وهذا

ناتج من البعد عن الله وعن ذكره .

لا حول ولا قوة الا بالله

( قصه واقعيه وقريب لي هو من حقق بالحادثه )

فهــ2002ـــودي · 23-02-2003, 12:28 PM

FaHaD-Al-kHobaR:
اللهم استر على جميع المسلمين يارب!!!!!!!!
شكراااااا على هالقصة للموعظه انشاء الله!!!!

FaHaD-Al-kHobaR · 23-02-2003, 02:47 PM

مساء الورد

مرحبا عزيزي فهــ2002ـــودي

مشكور يالغالي على المشاركه :)

تحياتي لك

عذوب · 24-02-2003, 01:22 AM

يالله فعلا قصه الله بس يبعدنا عن البلاااااوي والفتن يارب اخوي الله يجزيك خير ويجعل جهدك بموازين حسنااااتك يارب تحياتي

~فتونه~ · 24-02-2003, 01:34 AM

الله يعطيك العافيه على النقل
والله يستر على المسلمين
مع تحياااتي
فتوون

FaHaD-Al-kHobaR · 24-02-2003, 01:53 AM

مرحبا

يعطيكي العافيه عذوب على المشاركه

وماقصـرتي واللـه :)

الف شكر لك

مجهم الليل · 24-02-2003, 10:15 AM

الله يستر علينا وعلى جميع المسلمين موضوعك مرة حلو *6 مجهم الليل*6

المتهور · 24-02-2003, 11:57 AM

شكرا اخوي على المشاركه الطيبه

والله يعافينا من مبلاهم
انقلب السحر على الساحر هذي عاقبة التهور

سيدة الفكر · 24-02-2003, 01:16 PM

الله يجزاك خير
كانت هند قبل لحظات من وصولهم البيت هي الحبيبه وربما خطيبة المستقبل وبعد ان وقع الفاس في الراس نسي الاخ حبه الكاذب بل لم يشغله الا غيرته الحقيقيه على اخته

والله انه لدين على كل واحد......حسبي الله ونعم اوكيل

اختكم
peri

nada · 24-02-2003, 02:01 PM

لا اله الا الله

فعلا صدمه قويه ...

مشكووور

و سلااااامتكم ...