مواقف بنات

[الشــــــــــوق]

مواقف بنات
كلنا نعرف كلمة فوبيا اللي هي الخوف من المدرسه و المدرساااات.......
الحين الطالبات ما يقصرون بالمدرسااات.... بصراحه صاروا هالايام المدرسات هو اللي يماروسون كلمة فوبيا >>>>>لاحظوا كلمة يمارسون خخخخخخخخ

صارت المدرسه ما تدخل على الفصل والا و طاقته الرجفه من الخوف

تخاف تغلط والا شي و يقوم التعليق و التطنز عليها

والا ما تدخل الا و متأكده ان سحاب تنورتها مسكر

ولازم تكون متزينه و كاشخه لا تجيها كلمه من هنا والا هناك

و خاصته المدرسات الجدد .. اللي توهم متخرجات (كله من السعوده ما سوت فينا خير)
والله كانت ايام سعيده يوم كانت تدخل علينا مدرسه اللغه العربيه ( غير سعوديه) و يبدى الاستهبال بحصتها

بذكر لكم مواقف حقيقه صارت في داخل مدراس البنات

كانت في ابلى توها متوظفه في المدرسه لغه انجليزيه و مستانسه بوضيفتها المهم اول حصه لها دخلت على الفصل .. لقت اللمبات مسكره و مافي بنات ...

(طبعا البنات موجودات بس متخبين تحت الادراج)

المهم توها داخله و هي مستانسه.... استغربت .. افتحت اللمبات

الا كل البنات في وقت واحد يطلعون من تحت الادراج و يقولون ببوووووووووووووووووه

طبعا الابلى تخرعه و صرخت هذيك الصرخه و من بعدها طلعت من الفصل و هي تصيح

و حلفت انها ما تدخل على هاللفصل مره ثانيه

.

.
موقف ثاني صار نفس الشي لمدرسه اجنبيه

كانوا البنات منقهرين من هذي الابلى .. لانها ترفع الضغط و دايم تذم السعوديه و بنات السعوديه بس بشكل غير مباشر

المهم مره من المرات كانوا البنات رايحين المختبر (حصة علوم) يوم خلصت الحصه و رجعوا لفصلهم .. لقوا على طاولت الابلى كوبها الشاي ... وتحت الطاوله جزمتها و داخلها الشراب(الابلى رايحه تتوضأ عشان الصلاة)

طبعا البنات منقهرين منها و ودهم يسوون لها شي

توقعوا وش سووا

اخذوا شرابها و غطوووووه (غمسوه ) داخل كوب الشاي (على فكره كوب الشاي مليان)

..

رجعت الابلى من الحمام و يوم شافت المشهد شرابها داخل كوب الشاي

قالت ... عادي عادي و طلعت من الدرج شرابات ثانيه

على بالها تقهر البنات

موقف ثاني .. >>>>>>>هذا حنا مسوينه لمدرستنا الاحياء يوم كنا يثاني ثانوي

اتفقنا كل البنات اذا دخلت المدرسه .. نناظر رجولها .. جزمتها

المهم يوم دخلت المدرسه .. وحنا كلنا نناظر رجولها

كتبت موضوع الدرس و لفت على البنات ... والبنات يناظرون رجولها

مسكينه شكت بنفسها قامت تطالع في جزمتها

و ترجع تشرح ,,, و البنات الى الحين يطالعون برجولها

و هي كل شوي تناظر جزمتها ...... الى ان زهقت وقالت

في ايه في ايه.. مالكو بتبصوا كدا ليه... في حاقه؟؟

.والبنات ساكتين و يطالعون في رجولها..

مسكينه طلعت من الفصل و هي شاكه بنفسها

مره فصل ثاني متوسط.. اتفقوا اذا دخلت اي معلمه عليهم.. يطلعون هذا الصوت امممممممم

من غير ما يفتحون فمهم (كل الفصل في وقت واحد) ..

المهم كل ما دخلت عليهم ابلى .. تشرح الدرس بس الصوت مزعجها .. و يقولون لها البنات ابلى ايش هذا الصوت .. مزعج ما نقدر نسمع... ايش رايك نغير الفصل

و مسكينه الابلى تقعد تجرجر البنات من فصل لفصل

.
.
.
و نفس فصل ثاني متوسط .. مره بنت عندهم مثلت انها تعبانه و ان حلقها يعورها و قاعده تكح (البنت هاديه و يصدقون فيها )

قالت لها الابلى ايش فيك ... تبين ماي؟؟

قالت لا ما احب الماي .. قالت الابلى للبنات .. بنات من عندها شي ينشرب

طلعت بنت بيبسي... ( البيبسي مرجوج و مخضوض ... هذي خطة البنات)

يوم اخذته البنت و فتحته طاااااااااااااااااش على الفصل و على وجه الابلى

مسكينه الابلى على بالها حادث غير متعمد

خخخخ





يييييييييييييييه صح نسيت هذا الموقف

على طاري الحصص النموذجيه و حضور المشرفه للحصه

مره جات ابلة الرياضايات و قالت بنات ابغاكم بكره تستعدون عشان بكره عندنا درس نموذجي

و يالتها ما قالت عشان تستعدون

تخيلوا ايش كان استعداد البنات

بنت يوم راحت البيت قالت لشغالتهم تصيد لها بريعصي ( برصي.. سحليه .. وزغه >>>جميع اللهجات

و يومخلصت الحصة اللي قبل حصة الدرس النموذجي فتحوا البريعي و هدوه بالفصل

وقام الصراخ و التمثيل

و تجمعوا ابلات المدرسه .. ايش السالفه؟؟

و قاموا يدورون البريعصي و البنات يصرخون

لين ضاعت حصة الدرس النموذجي .... و اضطرت معلمة الماده تاخذ حصة اضافيه و اخذت البنات مختبر المدرسه و شرحت لهم درس الحصة النموذجيه هناك

مساكين هالمدرسات ... من جد صار عندهم خوف من البنات

و من جد صاروا يستخدمون كلمة فوبيا

في مواقف وااااجد بس اخاف طولت عليكم




ملاحظه .... ترى كل هالمواقف صارت في مدرسه وحده ..
تقبلوووو تحياتي: الشــــــــوق *r

[الحلوة انا]

الصراحة حلوووويييين

مشكووورة وايد