احبج دووووم ( إهداء خــــاص)

[بنت الإمارات]

السلام عليكم
حبيت أهدي ها الابيات الشعريه لأختي و لحبيبتي الغاليه "فرفوشة الود" و أتمنى أنها تعجبها و اسمحيلي الغاليه على التقصير

و أتمنى أعرف راي الاعضاء في القصيده

إن وصفتها قلت دانـــــــــــه ***و درب المدح ف حسنها سالي

شعرن ف وصفها خذ مكانه *** في الدم تجري أول وتــــالي

تنبض وسط قلبن و شريانـه *** قدرها ف الروح والله غالي

صرتي الوطن وهله و سكانه *** زرعتي الوفا و سكنتي بالي

سرقتي الوقت مني و زمانه *** قربها مني نساني حالي

هدتني الود وعطت برهانــه *** بمبنى شادته لين صار عالي

قلبي عــــلا و ارتفع شانـــه *** دام فرفوشه ف حلي و ترحالي

أضم اسمها وقول ولهانــــه *** بعدها عني معنى زوالي

أشيـــل نبضها عندي أمانه ***وداري نفسها بظلم الليالي

أنادي الشوق وقول ملانه ***راعني بالود ورفقي بحالي

ضمير الحــب نطق ولسانه ***يقول مكانج ف حضني تعالي


تحياتي للجميــــــــع
بنت الإمــــــــارات

[عازفة الاحزان]

عليكم السلام ورحمة الله وبركاته أختي وحبيبتي بنت الإمارات مشكوووووووووووووووووووووووو ره عيوني على الإهداء اكتب لكِ يا وردتي اكتب بمشاعري وحبي يا أختي وصديقتي بنت الإمارات: ها قد مضت شهور على معرفتي بكِ ومضت الأيام وأنا أركِ وارى حميد خصالك وخصالي انتقى أتدرين لما لأني افتخر بكي لأنكِ افضل ما أهداني الخالق .. فبك ارتقي مهما بعدت عنك بالمسافات فأنتي في القلب فستبقين وأخت وصديقه وعزيزة على قلبي أختي مشكوووووره على الاهتداء الذي طبع في قلبي ولا ينساك أبدا اختك : فرفوشه

[بنت الإمارات]

إلى أختي و رفيقة دربي

فرفـــــــــــــــوشة الود

والله أحرجتيني بردج الحلوو
و صدقيني يا الغاليه أنج تستاهلين اكثر من الشعر
الكلمات و اللسان يعجز عن وصفج حبيبتي و هذا الشعر بس شوية مشاعر تجاهج

الله يهنيج بي و الله يهنيني و الله يديم الغلا ما بيني و بينج
ساعات أشوفج يزين الكون في عيني و اشوف كل المحبه تنطق بعينج

و مثل ما قلتي مهما كنا بعاد بس انتي في قلبي ساكنه


الله يخليج لي و الله يجمعنا بالخير يا رب

تحياتي لج
بنت الامـــــــــارات

[آخرة العنقود]

سلمت يمينك اختي الغاليه بنت الامارات

على القصيده الرائعه كلمات في قمه الجمال... ... والله لايحرمكم من بعض

آخرة العنقود

[بنت الإمارات]

هلا و غلا فيج اختي آخرة العنقود

الله يسلمج الغاليه و تسلمين ع الرد الحلو لي


تحياتي لج

بنت الإمــــــــارات

[حاير النظرة]

الله لايفرق بينكم يابنت الامارات واخرة العنقود
ومشكورين على الابيات والخواطر الحلوة

*6

[بنت الإمارات]

حاير النظرة
الله يخليك أخووي تسلم ع الرد


تحياتي لك

بنت الإمـــــــــارات

[معاند بحر]

هلا اختى بنت الامارات

شى جميل وابداع

واحسن شى اسلوب الوصف عجبنى

اتمنى لك التوفيق

اخوك معاند بحر

[بنت الإمارات]

معاند بحر

أهلين فيك أخووي

أشكرك على رايك في القصيده و تسلم ع الرد

الله يوفق الجميع


تحياتي

بنت الإمـــــــــــارات

[معــ جروح ـانق]

جميل مانراه من أخوّه صادقه
أخوّه بدأت من هنا ولن تنتهي بإذن الله


الله يخليكم لبعضكم
ويجعلكم ذخر لبعضكم....


أختي / بنت الإمارات
ألف ألف ألف صح لسانك
وأهني فيك أحساسيك الرائعه والحميميه...


أختي فرفوشة الود
تستاهل كل خير وتستاهل هالقصيده الحلوه

تمنياتي لكم بدوام المحبه والأخوّه

تفضلوا بقبول وافر
تقديري وأحترامي,,,,

أخوكم / معــ جروح ـانق