هذي بعض الأمثال الحجازية القديمة
وإلي يستخدمها أغلب أهل مكه وجده ..
حبيت أقولكم هيا وأي إستفسار نحنا حاضري....
* كل حبة مسوسة لها كيال أعور.
مين في حالك ياللي في الظلام تغمز.
* على قد زيتو اسرجلوا.
روح يا ناكر خيري بكرة تشوف زماني من زمن غيري.
* طاعة النسوان ندامة.
عقربة في الغار ولا ضرة في الدار.
* يا اللي اخذ القرد بمالو يروح المال ويبقى القرد على حالو.
اللي يشوفني بعين اشوفوا باتنين.
* اللي ماله أم حاله يغم.
كنس بيتك ورشوا ما تدري من يخشوا.
* إذا حلقوا لغيرك بل راسك واستنى.
البيض الفاسد يدحرج على بعضه.
* بعد ما أكل واتكا قال ريحته مستكا.
حاجة ما تهمك وصي عليها جوز أمك.
* ست وجاريتين على قلي بيضتين.
فقير أتجوز فقيرة خلفوا وجع القلب.
* خاتم بفصو وكل شيء ترصوا.
خشوني لا تنسوني ولعوا الشمعة وشوفوني.
* عمية تحفف مجنونة وتقولها حواجبك سودا ومقرونة.
إذا تعاندو الحمير يا بخت الركاب.
* أعمى ويلضم خرز.
البيضة ما تداقش حجر.
* حبيبك يمضغ لك الزلط وعدوك يعد لك الغلط.
حمارتك العرجة تغنيك عن سؤال اللئيم.
* داخل مع بيت العروسة نادر مع بيت العريس .
يا داق المويه في المهراس يا مربي وليد الناس.
* يا ريتني بيضة وعرجه اصلوا البياض فرجه.
كل عيش البخيل ولا تأكل عيش المنان.
* ادب ولدك وان زعلت امه.
ستي شوفيني من عينك لا ترميني.
* أكلوا الملوخية وصاروا افندية.
لمن كنا ما كانوا ولمن رقدنا قاموا.
* قالوا متى طلعت القصر قالوا أمس في العصر...
عقله زي الكيلون كلمة توديه وكلمة تجيبه ( الكيلون قفل الباب يمين قفل ويسار فتح)
* القدر قال للمغرفة ياسودة و معجرفة قالت ما كلنا اولاد مطبخ
زي بغل الطاحون لا عافية و لا نظر..
* سوي طيب وارميه في بحر جاري ان ضاع عند العبد مايضيع عند الباري
لا من خيره اعطاني و لا من شره كفاني
* و حياة خالقك ماني مفارقك مو محبة فيك بس عشان اضايقك
قبل ماخطب عبى الحطب وقال احط الكوانين فين؟ (الكانون: طباخة تعمل بالفحم)
* لا يتسرى ولا يبات بره( دلالة على الاستقامة)
ارسل مرسول ولا ترسل فلوس
* حلم البساس كله فيران (البسة = القط والهر)
لا قدرك يغلي ولا مقلاتك تقلي وانا زليت (مريت) عليك من قلة عقلي
* قال يا حلاق شعري ابيض ولا اسود؟ قال دحين يندر قدامك و تشوفه
قالوا لفرعون ايش فرعنك قال ما لقيت احد يردني
* خنفسانة شافت بزورتها ع الحيط قالت ياعمري لولو في خيط رد أبو وردان هو اللي زي وزيك يجيبوا وحشين؟
بده يعرف القار و القرير والبيضة كيف تصير
* مكسحة وتقول للصايغ تقل الخلخال
خاطر الاعمى قفة عيون
* زي يوم الشتا قصير و نكد
أعمى قال لأطرش خلينا نشوفك
* الباب مفتوح و الصدر مشروح و اللي يجي يجي واللي يروح يروح
اللي عنده قرش محيره يشتري حمام و يطيره
* اللي ما عنده شي يشغله يفتح الباب و يقفله
زي الحلاق يضحك على الاقرع بطقطقة المقص
* زي الشيال ما يذكر ربه الا في الحملة الثقيلة
زي القنفذ لاينحضن ولاينباس ( شرس البعيد)
* زي أباريق المسجد كل واحد شكل
زي سلاقين البيض اول بأول
* زي قبور اليهود بياض و قلة رحمة
زي قراية اليهود ثلثينها كذب
* زيطة و عيطة على مخيطة( المخيط: ثمرة شجر النيم) (يطلق فى الخلاف على الشئ التافه)
صباح الخير يا أعور قال دا شر بايت
ومسك الختام مثل كانت ستي الله يرحمها تقوله لمن البنت ترجع بيت اهلها غضبانة:
وقت الكباب صكوا الباب و وقت الملوخية اتجمعوا الاهلية .....
...
شـويـة أمـثال...حـجـازيـه قديمه
العرض العادي
