هذي قصيده مهداه الى اهل الكويت عساها تنال اعجابكم وبغيت انسقها بس مدري ماطلع تنسيق القصايد عاد تعذرونا
اقول
ياطير يلي بالسما بت الجناح =ولايكوده بعد ويرده حدود
بالله من شاني تعزم بالمراح =وتاخذ مراسيلي ومكنون السدود
ابرد لظى قلبن بوقته ماستراح = عيا زمانه له بما يشفي يجود
من نجد اشهر فوق نسناس الرياح =لازاد تيار الهواء ترقى سنود
اقطع فجوج الارض وحزوم وبراح =وانهج ترى ممشاك للساير يكود
في خاطري علمن لغيرك مايباح=عليه ميثاق ومواعيد وعهود
لعل تبري لي عميقات الجراح =وتارد بضامي الشوق في جم العدود
انزل على دارن بها السم الذحاح= غياب ولا ان جاء فطبن للكبود
دارن غلاها عنبره بالجوف فاح =وازهر لها في خاطري روض الورود
دران تبختر في ذرا ال الصباح= كويت عز وعزها دايم يزوود
حطت لها بالقدر في قلبي وشاح=واصبح لها بالشوق وشعوره يجود
شوقي لها يكافح ظروفي كفاح =كانه محارب يقتتل باسم الصمود
عن ورقها لاناح جاوبت النياح =وافز فرحه مع ذعاذيع ن ونود
حتى خوفقي الحقه باقصى رماح =وجتهه للمنفذ ولايبغا يعود
يانجد راجيش المعذره والسماح=بس الغلايامر وللخافق يحود
بعض الغلا ماله مرام ولاصلاح =والا غلاي اللها على مكسب وفود
مستأسره قلبي بلا حرب وسلاح=بالحب والطيبه معا مسك ن وعود
ياجعل براق الحيا لامنه لاح=والغيم سبر وارزمت فيه الرعود
يهل هماله على كل الفياح= وتزهر بها القيعان والنعمه تسود
العرض الشجري
