مساء الخير
هذا واحد معصب وحاط شروط للمنتدى الخاص فيه
شوفو شروطه شلون !!!!
لقد تغيرت شروط التسجيل في المنتدى وتم تغيير مسمى المنتدى لتواكب مرحلة ما بعد الحرب الباردة.
اعرفواالشروط زين وافهموها .
واللي ما يبي هالشروط جعل اصابعه اللي طقت على الكيبوردالكسر .
ولو ما عليه كلافه يطق راسه باقرب جدار حنا ما نلعب.
واللي يبيناحياه الله بيننا فهمتوا.
بما ان هذا الموقع موقعي بروحي فاللي يبي يسجل معنا يوافق على الشروط من ورى
خشمه والشروط هي:
1- اللي يسب اي واحد من الاعضاء بنجيه وبنربط حواجبه في صدامات الهايلكوس وبنروح ونطعس فيه باقرب طعس قايلكم حنا ما نلعب.
2_اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز....وابحجزله على اقرب رحله على طياره ترش الجراد وابرقي فيه على ارتفاع 50000 الف قدم وبرضخبه على خوص نخله...علشان ما يعود لها. قايلكم حنا ما نلعب.
.
3_مسموح الذب والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا صح ولا ماهو صح...قولوا صح ...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش . قايلكم حنا ما نلعب.
.
4- اللي بيسجل باسماء قبايل وعوايل ولا مخله بالادب هذا بنوديه لا اقرب شيخ وبنكويه من علبااااه..وبعدين بناخذه لأقرب جليب وبنغطسه وبنطلعه ونغطسه ونطلعه الين مايقول اشهد ان الددسن سياره قايلكم ما نلعب.
قريتوا الشروط.
هاه عجبتكم فهمتوها...
طيب ما عندنا تسجيل هالايام .
واللي يبي يسجل معنا يرسل لي ايميل على التلفون حقي اللي ماني ذاكره لكم لان الدعوه عناد واللي براسه حب ما انطحن ترايابطحنه له واذا فيه خير يقابلني وين ما يبي.
ملاحظه: اللي بنكتشف انه رجال مشورب ويكتب باسماء بنات .ولا بنات تكتب باسماء رجاليه هذولي بنخلي خششهم كلمات متقاطعه يصعب حلها. قايلكم ما نلعب.
موافق
غيرموافق
واللي فيه خير يكتب غيرموافق
هااااه بتسجلون بهيك منتدى
هههههههه
دمتم بأسعد حاااال...
العرض العادي
