يسعد جميع اوقاتكم بكل خير
براق نوضه في عروض المخايل
نوره جذب قلبي بلونه وزينه
لاجله لفا الهاجس للافكار شايل
يبري عنا الخاطر وينسى ونينه
فسلام فيه الطيب مثل الهمايل
يبين قدره من مصافح يمينه
تحيت (ن) تكتب بزين المثايل
يرضي الخفوق بكل كلمه ثمينه
للمنتدى ويخص شمس القوايل
من جهدها بالمنتدى عارفينه
تبذل عطاء ماله شبيه ومثايل
للشمس نور وبالقوايل يابينه
اخلاصها واضح وجاء له دلايل
بالمنتدى من قبل تزهر سنينه
تعدل اوضاعه لما صار مايل
ربان بالحكمه تقود السفينه
من قدم المعروف يلقى الجمايل
ومنهو مشى بالصدق ربك يعينه
لاجل الطلب روضة جمح الاصايل
ومن شان عين يقال تكرم مدينه
العرض الشجري
