السلام عليكم ورحمة الله وبركاته
اسعد الله اوقاتكم بكل خير
قصيده من ارشيفي ومن اقرب القصايد الى قلبي اتمنى تنال اعجابكم وترتقي لذوقكم الشعري
الرفيع وارجو من الجميع العذر فالقصور
اترككم مع قلمي
تاهت خطاي وطـال فالليـل مسـراي=وشموع حلـم الليـل فالصبـح ذابـت
لكن هذا ما أدخـل الرعـب فحشـاي=ماهابت اركابـي ولا الرجـل هابـت
طبعي صليب الراي لو تاهت اخطـاي=مثل الجبـل لـو هـزه الريـح ثابـت
ياماجرالـي مـن تهـاويـل دنـيـاي =لو هي صفت لي يـوم يوميـن عابـت
شوقتنـي ياعـازف الـعـود للـنـاي =ذكرتنـي يـد(ن) عـن النـاي تابـت
وأنا مـن اول طـاوي اوراق ذكـراي =ناسي تجاريب(ن) مع الوقـت خابـت
صابر لان الصبـر فالضيـق مبـداي =وحيـث(ن) نفسـي عاندتنـي وأنابـت
وعلمت ليل الصمت بأسـرار نجـواي =ولازال سري بيـن الاضـلاع نابـت
بصبر وجامل والفـرج عنـد مـولاي =عله يجي لـو لحيـة الـورع شابـت
مشكـي لغيـر الله علـى الله شكـواي =ياعنـك خلقـه منهـم النفـس طابـت
مابي لهـم فزعـه ولاابـي لهـم راي =آمنـت بالله قــدرت الله وصـابـت
امشي على ممشـى ويمشـى بممشـاي =ياكـثـر مادنـيـاي ودت وجـابـت
المرتحل لامن قضـى المنتظـر جـاي =وياما اشرقت شمس(ن) بعد شمس غابت
اخوووووكم شا ا ا عر ربعه
العرض الشجري
