بسم الله الرحمن الرحيم
قصيدة ( كيف انساك ؟! )
الأ ياللي نسيتيني ! أنا بالله كيف انساك ؟! *** إذا النسيان وقت اللي ابي انساك ينساني
وينسيني بـَعـَد أسمي ويسـْميني هلاك اِبلاك *** ونسيانه طرى اِبـْ ذكرك وبك باِسـْهى السُهى جاني
تحايلته عشان انساك حايلني وقال اِيـّـاك *** ترى نجم السماء أقرب ! وانا النسيان ماِمـْداني
عطيته كلّ أملاكي وملكي للملوك املاك *** ولكنــّـه لئيم ٍ :! ردّ لي اِعـْطيته ووفاني
عجزت انساك ياهذه !! وأنتي "اِنـْساك" كيف مداك ؟! *** فديتك علـّـمي النسيان نسيانك لو اِثـْواني
أبي أنساك من أوجاع تتكاثر معا ذكراك *** ودمع ٍ حرّق اِخـْدودي ! ووناته بأعـْياني
طلبتك أرحمي حالي !! فبعدك والفراق هلاك *** لأنــّي لا الذي نسيتك ولا اللي اخترت حد ثاني
غلاك اغلى من الدنيا ! وأغـلا اِمـْن الذي غـلاّك *** غلا غالي غلاته غير !! فيه اِغـْلا الغلا اِغـْلاني
تصدّق يوم جيت اغليك ! في روحي لقيك غلاك *** غلا منـْه الغلا يغلى وترخص دونه اِثـْماني
غلا أزود من أبياض الشروق ـوْ من سواد دجاك *** وأعمق من عموق أعمق بـَحـَـر في بـَحـْر غرقاني
تساوي الكون بعيوني واِحسـّـه ناقص اِبليـّـاك *** وجنـّة جنـّتي اِفـ بعدك جهنـّم لين تلقاني
أشوفك ينجلي همـّي وضيقي يتّسع بحكاك *** يلاعب مسمعي صوتك وقلبي فيه طرباني
ومن سحر الكلام اثمل ويثمل حرفك ـوْ معناك *** وزاده فالحلا اِشعوري بصدقه يوم غنـّـاني
أشوفك تحرسي اِنـْفاسي اِبشهيقي والزفير القاك *** وفي وسط الصـَدَر نبراس خفاق ٍ لخفقاني
وختم اِسـْمك على قلبي ليـَا منــّه نـَبـَض يقراك *** ويعزف لك تقاسيم الهوى اِبـْصوته وألـْحاني
بوسط اللبّ تجتاسي وجاش الجاش يتمناك *** وعاف الناس أجـْمعها وحتى اللي تمنـّاني
أحبـّــك حبّ لو بالطول يتعلى نجوم سماك *** ولو بالعرض لف الأرض دوّرها بدوراني
أجـَل حبـّـك تملـّـكني وبعروقي غدَا مسراك *** وصعب انساك والله صعب دام الروح باِبـْداني
سطى وسط الصَدَر عشقك وأضلاعي بها ملواك *** تحومي داخلي واصبح مدارك بين ضلعاني
غرامك لو يفوح اِبيوم صار اِبـْه المدى أفلاك *** ولو فكـّـرت توزيعه يكفـّـي أوطان أوطاني
متيــّم بك مولـّـع ملزم ٍ أمضي العـُمـَر ويـّـاك *** رضيتي أو كرهـتي ! ماني اِمـْفجـّر لك اِيـْماني
عشقـتك عشق مجنون ٍ : صوابه والخطا يهواك *** عِشِق سكران في سـَكــْرَة سَكـَر سـَكــْـرات سكراني
تراك الخافق الأول بقلبي وفي الصدَر ممشاك *** ولو تبغى تروح اتروح ، روِّح وَابقى وحداني
بلاك تعيق نبضاتي وقلبي ما نـَبَض لولاك *** وبعدك عني اِيـْبعـّـد بعاد اِتباعد اِكواني
وقربك جنتي : واِهْنـى هـَنــَا هاني بيومي اِمـْعاك *** ودونك موت : واتـذكــّر من اللي قربه اِحْياني
جنون الحب منـْك ـوْ فيك وجنون الغلا خاواك *** وجوف القلب ضمــّـك : تارك ٍ نبضه بحقـراني
تخالط حبـّـك ابذاتي ـوْ معا دمـّي جرى مجراك *** وروحي توأمَـت حبـّـك وصار ابداخلي انساني
بتعذيبك أنا راضي : ولو صار الطعام اشواك *** أباكل منـْه لجل أحيا وأحسـّه مشبع اِكياني
وبشرب مرّ كأسك والسموم : اِلـْيا غدا اِبها اِرْضاك *** وبتلذذ بمرّك حيل كنــّـه شهد ودياني
معاك الفرح يتوافد وفرحي مايجي بسواك *** فديتك قرّبي تكفين كافي جمر كوّاني
بلاني الله في حبـّـك وفي حبـّي ترى الله اِبلاك *** ودام الله مبلينا علامك منت رضياني ؟
أذا لك في الهوى غيري أبدعي الله يكون اِمعاك *** وقلب اِمحبـّك اِيْرسـّيه وآنـا حبّ احزاني
واذا هذا عناد ارجوك رخــّي اِطباعك اترجـّاك *** لأن الموت عنـّيته ـوْ فبعدك جا تعنـّـاني
ولو هذا تغلـّي اِتـْعال واللي تبتـَغـَي يفداك *** وأثقل بس حاسب واعلم ان العمر ذا فاني
أنـا مليت كثر الصد لنــّه للعـِشـِق فتـّـاك *** نخيتك يا تفك القيد أو تنعاد سجـّأني
طلبتـّك ردّ لي كلمه وتكفى لا تقول انساك *** لأنــّي يوم جيت انساك نسياني تناساني
وسلامتكم
قلمي/ جنون شاعر
العرض الشجري
