يقولون السهر للضايع اللي مايحسب حساب
وانا اقول السهر للعاشق اللي فاقد احبابه
حبيبي وكّل الله لاتبطّل للعذول الباب
الا يامنوة المشتاق ياعيونه واهدابه
مادام ان السهر يجمع مابين القلب والاحباب
اجل خل العذول يموت غبن وتتلف اعصابه
الا يامن غزا الخفاق واحتله بدون اسباب
ولاعمري سألته عن غرامه وش هي اسبابه
هويته قبل ماشوفه وشفته قلت ياوهاب
انا وش جابني يمّه وهو يارب وش جابه؟!
تصيته طالب(ن) قربه وسقتله العمر جلاّب
وهمّي بس احبه واعشقه واموت واحيابه
الا ياسيدي ياسيّد الاغراب والاقراب
الا يامن سهرت الليل كلّه حارس(ن)بابه
مادام ان الغلا يسهر عليك ويحرس الابواب
تعال ونام في حضن الغلا والليل لاتهابه
يقولون السهر للضايع اللي مايحسب حساب
وانا اقول السهر للعاشق اللي فاقد احبابه
العرض الشجري
