ـأبيكم بسالفة , }

[][عبق الحروف][]

السلام عليكم ورحمة الله وبركاته

وش الأخبار عساكم بخير

< الدفرة ذبحتنا بس وش نسوي

الإجازة جايه وبنخليكم تملووون منا

< بقولكم وش صار معي أمس وأبي منكم لو صار للواحد موقف زي ذا وش بيسوي

< المحرووس انا بسم الله علي

أمس مسكتني زحمة الريض وبالذات في خريص

على وقت صلاة العشاء وما طلعت من الزحمه الا بعد الصلاة

رحت البيت نزلت اهلي

وعلى طول على البنشر عشان يغير الزيت

ويشيك على الكفرات لأني بشمي المجمعه

واحط الموتر عنده وأنقز لمسجد المحطه < وكل ذا بسكينة ووقار

دخلت المسجد طبعا مافيه احد الا رجال عمره فوق الخمسين تقريباً

وأجي والسكينة ذابحتني وصف جنبه وأصلي

الله أكبر < وانا مع الرجال كبر كبرت

سمع الله لمن حمده < ربنا ولك الحمد

لا والخشوع ذابحني < وخروا عني

الرجال صلى الركعتين الأخيرة من صلاة العشاء وسلم

وانا قمت أكمل الركعتين اللي فاتتني

بس لاحظت شيء خرب علي خشوعي الله لا يوريكم بس

أن الرجال يوم خلص قعد وماقام < أستغربت

وطول الصلاة وأنا أفكر ليش ماقام

يمكن بيسألني عن صلاتي وليش هي كذا زينة

أو بيسألني من وين جايب هالخشوووع

وطبعاً أنا قاعد أفكر < كل ذا بالصلاة

مادريت الا أنا منتهي والله المستعان

سلمت من صلاتي

وبعد استغفر الله .. ..

والله أنت السلام ..

سلم علي الرجال رديت السلام والفرحة ماليتني



قالي أنت سعودي ؟؟؟

أنا طلعت عيوني < وأقول بنفسي وش يبي ذا

قلتله ايه سعودي


قال طيب بسألك

الحين الواحد اذا جا يصلي وين يصف يمين الإمام او يساره

< سؤال أإبى من الأول طبعاً

قلت لا طبعاً يمينه < وين يساره <+ أقول بنفسي وش يبي الرجال المفهي ذا

قالي طيب أنت وين مصلي


يوم ناظر نفسي الا انا جاي وصاف يساره



أنا مدري وش أقوله

وجهي صااااااار ألوان

وحسيت بأن أمتليت منعرق مع اني تحت المكيف

طبيعاً ماعرفت وش أرد عليه وقام يعيطني نصيحه طويله عريضه

عن الصلاة وعن أهميتها

< وأنا ساكتب ومغير اردد { صحيح - والله انك صادق }

بسألكم لو الواحد منكم كان مكاني وش بيسوووي ؟



.. دعواتكم لي بكرة وراي اختبار ..