حليتو الواجب ؟؟؟؟؟؟؟؟؟؟؟؟

[الاميرة ود]

بسم الله الرحمن الرحيم

السلام عليكم ورحمة الله وبركاته

كيفكن يااحلى اعضاء...يارب تكونو بخير

حابة احكي معكن بموضوع خطيييييييييير ومهم كتييييييييير

************************

*كتير اهالي بياخدو ولادهن على مدارس معينة (اهلية-اجنبية-لغات)...مش مشان العلم ابدا..بس لحتا يحلّو واجب المفاخرة والبرستيج ويصيرو يحكو العالم بنت فلان او ابن فلان دارس بالمدرسة الفلانية..
********************

* كتير اهالي بقرّرو التخصص تبع ولادهن مش حبا بالعلم.. ولا لحتى يخدمو حالن ومجتمعن ووطنن ..لا.. مشان يحلّو الواجب..واجب المظهر الاجتماعي انو ابنن او بنتن دكتور\دكتورة..مهندس\مهندسة ..الخ
**********************

*كتير شباب وصبايا بس يصيرو بسن معينة بقرّرو يجوزوّ..مش لهدف ..ولا لانن فاهمين اصلا شو يعني الزواج..وشو يعني المسؤلية..وشو يعني تكوين اسرة..
وشو يعني هدف تاني من الزواج غير الاحصان والخلفة.. بس لانو صار لازم يجوزو بنظرهن ونظر المجتمع..
وانو لازم يحلو الواجب (واجب الزواج) ويكونو مجوزين قدام العالم حتى لو يجوزو من اي بنت او شب ..الشب مابدور غير عالجمال..والبنت مابدور غير عالمصاري(الاغلب مش الكل)حتى لو كانو تعيسين بالحقيقة ومش راضي كل واحد عن التاني..
****************

*كتير مجوزين نساء ورجال بخلفو ولاد كتير..من غير هدف ..ومش فاهمين انو هاد غلط وربنا ماامرنا نجيب ولاد كتير وانو كتير ناس فسرّو احاديث الرسول غلط ..لانو العبرة مش بالكثرة..والا كانو متل غثاء السيل ..
يلي معبينّ الشوارع..اكترهن مهّربين..وصايعين..
وحرامية الخ
كيف بدن يربوّ كل هالاولاد بنفس المقدار؟؟..كيف بدن يوزعوّ حب وحنان واهتمام على كل واحد فيهن بنفس القدر؟؟ وكيف بدن يكونو قدوة لكل واحد فيهن ؟؟وكيف بدن يعلمو كل واحد فيهن التعليم الابوي غير عن المدرسي؟؟ وكيف بدن يصرفو على كل واحد فيهن بنفس القدر؟؟
ونسيو قول الرسول صلى الله عليه وسلم (كلكم راع وكلكم مسئول عن رعيته)..
وهن مارح يفضو لكل هالاعداد..
هادول بخلفّو بس مشان يحلّو واجب الخلفة انو نحنا خلفنا خلص..مشان مايحكو العالم ماخلفنا ومشان يحكو العالم فلان عندو 10 و20 ولد..
*********************

*كتير ناس بروحو عالسوق وبالزات النسوان..وبيشترو كل شي قدامهن سواء بيحتاجوه او لا..
وانا بحكي موقف صار معي كنت بمحل وكان بدي اشتري آي لاينر (قلم كحله) وكان على يميني بنت وعلى شمالي ست كبيرة..بمجرد شافوني امسك هالقلم..صار بدن متلو..واي شي بدي اشتريه لاني بحاجتو بصيرو بياخدو متلوّّ!!
مع ملاحظة انو هاد محل لكل شي مش محل مكياج..

وكتير مواقف للاسف!!
هادول النسوان وغيرن كتير بيشترو وبروحو عالسوق بس لحتا يحلو الواجب..واجب الروحة عالسوق والمشترى..
*******************

*كتير ناس بتحضر برامج تافهة واغاني تافهة وبتحفظا وبتسهر عليها الايام والليالي..بس لحتا يحلو الواجب انو حضروها وحفظوها قدام صحابهن وقرايبينهن...
*********************

*كتير ناس بتصلي غلط..او بتصلي من غير وضوء..او بتصلي..من غير خشوع.. او مش فاهمة اصلا شو يعني صلاة..بتصلي بس لحتا تحل الواجب انو صلت..ومابهما ربنا قبل..او كانت صح او غلط.
**********************

*كتير ناس بتشتغل او بدّور على وظيفة مش مشان حب العمل.. او لانا بحاجة للشغل ..ومابهما حتى ازا ماكانت مرتاحة فيه ..لاابدا..بس مشان يحلّو الواجب انو انا انسان\انسانة موظف\موظفة..
********************

*كتير ناس بتشتري موبايلات \كمبيوترز...
مش مشان الحاجة للموبايل او للكمبيوتر..او حتى يستفيدو من مميزات هالجهاز..لا
بس مشان يحلو الواجب..انو انا اول واحد اشتريت هالموبايل الغالي..او هالكمبيوتر \المحمول الغالي..
****************

*كتير ناس بتعاكس بالمجمعات..وبأي مكان ..سواء بنت غير محتشمة او محتشمة...صغيرة او كبيرة او حتى ختيارة(عجوز)..مش مشان الرغبة بالمعاكسة..لا..
بس مشان يحلّو واجب الشيطان بالمعاكسة..ويقدر يحكي لرفقاتو كم بنت عاكس ورقمّ..
****************

*كتير بنات تتحّجب..او تحتشم..(مش الكل)..مش لانو هن فاهمين شو يعني حجاب..او امر ربنا..بدليل
بمجرد انو هن يسافرو لشي بلد بكونو اول ناس بتشلح هالحجاب..!!
وهاد دليل انو مالبسو هالحجاب الا ليحلو واجب الحجاب..انو نحنا بنات محجبات قدام البلد..الاهل ..وبس
يعني عادات وتقاليد مش اكتر
******************
الامثلة كتيييييرة..والسبب واحد..

حلّ الواجب..مظهر اجتماعي او نفسي..او تقليد اعمى من غير تفكير او عقل..
او برمجة كاملة لعقولنا
*************************

ياريت الكل يعيدو حساباتهن بحياتهن..
ومايساوو شغلة بمجرد حب المظاهر او كلام الناس او تقليد..
لانو هاي حياتنا نحنا..نحنا بس
ومارح نعيشا غير مرة وحدة وبس..
لانسمح لحدا يقرر عنا حياتنا..
لمجرد انو بدنا نحل الواجب وبس..
**********************
ياريت تحلوّ الواجب وتردّو عالموضوع..
تقبلو تحياتي

***********
اختكم:الاميرة ود

[،؛بنت السحاب؛،]

موضوع رائع اخت اميره
وكما ذكرتي كلها برسيتيجيات مالها داعي
وان المفهوم الحقيقي لكثير من الأمور يجهله كثير من الناس
فلابد من ربط العمل المبتغى لذلك واهمه يكون خالصاً لوجه الله سبحانه وتعالى
ومن ثم العمل على اساسياته الصحيحه وبذلك ننشأ جيل مستقيم فعال
بارك الله في جهودك وننتظر المزيد والمفيد منك
حفظك الله

[خاااااالد]

موضوع جميل يستحق الاعجاب




<<<<<<<<<<< لي عوده انشاء الله

[مـ الشوق ـلاك]

يعطيك العآفيه

فعلآ اصبح التقلييد والعدآت شي أسآسي

ننظر لشيء بمنظآر محدود

ولا ننظر اليه بنظرة ثآقبه تفيدنآ وتفيد مجتمعنآ بكل مآهو جيد


يعطيك العآفيه خيتوو

دمتي بسلآم

مـ الشوق ـلاك

[الاميرة ود]

(بنت السحاب)................

الاروع مرورك غاليتي.....يسلمووووووووووو نورتي الموضوع

بتواجدك الغالي..

[الاميرة ود]

(خاالد).............

الاجمل مرورك الذي نور موضوعي...يسلمووووووووووو

[الاميرة ود]

(ملاك الشوق)................

الله يعافيك.............يسلموووووووووو نورتي الموضوع ..

[عطشااان]

رووووووووووعه
يعطيك الف عافيه
يااااااااااااا ذووووووووق