للجريئين ...فقط

[الاميرة ود]

بسم الله الرحمن الرحيم

السلام عليكم ورحمة الله وبركاته...
كيف اعضاء احلى منتدى...يارب تكونو بخير..

عندي موضوع كتير مهم..بتمنى الكل يتفاعلو معي..
*******************************************

لو سألت كل واحد فيكن عن عمرو الحقيقي طبعا..
اكيد رح يكون جواب اغلب الاعضاء:(من 18-30)...

واكيد بكل لحظة من عمر اي واحد فينا عاش لحظات فرح وحزن..قهر وزعل..غير الصدمات..والانهيارات..والتعب النفسي من الحياة..

اكيد البعض منا مرّ بتجربة فاشلة بالصداقة.. او الاخوة..او الخطوبة..وحتى الزواج..

واكيد..البعض كمان عانى من اهلو..قسوة اب..او ام ..او اخوات..شباب او بنات..اقارب..

واكيد البعض منا عانى من الظلم بحياتو..

يمكن اي واحد فينا تعرض لخيانة صديق او صديقة..
او خطيب او خطيبة..او تعرض للاذى من اهلو..

لو فرضنا انو نحنا اتعرضنا لكل الهموم يلي بالكون..
وصرنا نحمل بقلبنا حزن اد الكرة الارضية..

غير الرغبة بالانتقام والكره للانسان يلي تسبب بها الالم الكبير..
بحب قول:

نحنا رح نعيش مرة وحده بهالحياة...مابظن انو في شي يستاهل انو نضيع ثانية من عمرنا بالزعل مشانو...

كل ثانية..كل لحظة ..كل دقيقة..من حياتنا ازا راحت مارح ترجع..
حرام نضيعها بالزعل..بالكره..بالانتقام..بالحقد..
حرام نضيعها بالمعاصي..بالبعد عن ربنا..
حرام نضيعها بالنكد..وبالروتين..
حرام نضيعها بالظلم..والكذب..والخيانة والغدر..
حرام نضيعا بكل شي بغضب ربنا..وبكل شي بضيع وقتنا..وبكل شي مامنو فايدة..

الحياة.....هدية غالية من ربنا...ولازم نقدر قيمة هاي الهدية...لازم نكون ممنونين كتير لربنا..ونعرف كيف نحافظ على هالهدية..وكيف نستخدما صح..

لازم نعيش مبسوطين اد مامنقدر..لانو هاد من حقنا..
لازم نستمتع بحياتنا بكل شي ..من غير مانغضب ربنا..
لازم نفرح..ونقدم الفرح للناس..
لازم نسامح ونعلم التسامح..لازم نحب بعضنا..ونحب الخير..وننشر الخير..
لازم نحب الحياة..لانو الحياة كتير غالية وبتستاهل الحب..
لازم نشوف الشي الايجابي دايما ..ونتفاءل دايما..
ونتأكد انو الخير دايما موجود..
وانو الخير وحدو يلي رح ينتصر بالاخير..
لانو ماحدا بقدر يغطي الشمس بإيدو..

لانستنى نكون على فراش الموت لحتا نسامح..ولحتا نقول ياريت وياريت..
لانستنى الموت لحتا نقول ياريت حققنا احلامنا..
ماحدا بيعرف ايمتا بدو يموت..يمكن بعد شي كم يوم..يمكن بعد شي كم شهر..ويمكن بعد شي كم دقيقة..
والموت مابعرف صغير وكبير..ومابعرف يدق باب ويستأذن..
مشان هيك..
خلونا نبلش حياة جديدة من هاللحظة..نعيش بحب..ونسامح كل الناس يلي غلطو بحقنا..مش مشانهن..لا..مشانا نحنا لحتا نرتاح..ونحتسب هالشي لوجه الله..
خلونا..نعيش بفرح..بسعادة..ونحب الحياة..ونتزكر انو كل لحظة من حياتنا غالية كتير وازا راحت مارح ترجع..
بالاخير ...
بحب اختم موضوعي بكلمات من ذهب للدكتور ابراهيم الفقيّ:
(عش كل لحظة,كأنها آخر لحظة في حياتك,عش بالإيمان,عش بالحب,عش بالامل,وقدرّ قيمة الحياة)..
دمتم بود..

[الرويلي 999]

والله بصـراحة أشـكـرك بعمق على هذا الموضـوع المتميز

وتقبلي مـروري

[سام 6]

الاميرة ود

مبدعه بكل ما تعنيه الكلمه

مميزه دائما في طرحك

الى الامام يالغاليه

واسأل الله لنا ولكي ولكي المسلمين حسن الخاتمه يارب

اللهم اعفو عنا وانت ارحم الراحمين

يعطيك الف عافيه



تحياتي

ودي وتقديري

[سفير الاحساس]

[size="5"] حقا بمعنى الكلمة اميرة

[الاميرة ود]

(الرويلي)999
وانا اشكرك بعمق لمرورك العطر..

[الاميرة ود]

(سام 6)....
مميز دائما بردودك...نورت الموضوع باطلالتك ...يسلمووووو

[الاميرة ود]

(سفير الاحساس)....
هذا من ذوقك...يسلمووووووووو نورت الموضوع

[عطشااان]

[بسم الله الرحمن الرحيم السلام عليكم ورحمة الله وبركاته كيف اعضاء احلى منتدى...يارب تكونو بخير عندي موضوع كتير مهم..بتمنى الكل يتفاعلو معي
\لو سألت كل واحد فيكن عن عمرو الحقيقي طبعا اكيد رح يكون جواب اغلب الاعضاء:(من 18-30]واكيد بكل لحظة من عمر اي واحد فينا عاش لحظات فرح وحزن..قهر وزعل..غير الصدمات..والانهيارات..والتعب النفسي من الحياة]اكيد البعض منا مرّ بتجربة فاشلة بالصداقة.. او الاخوة..او الخطوبة..وحتى الزواج واكيد..البعض كمان عانى من اهلو..قسوة اب..او ام ..او اخوات..شباب او بنات..اقارب

وعليكم السلام ورحمه الله وبركاته

لووووووووووووووووووول
والله والله
عمري23
اكيد فينا واحد عاش لحضه فررح وحزن
بس ماما وبابا
ماراح يزعلوني
ابد ابد
حبايبي
ماما صديقتي حبيبتي كول اسراري محفوضه بقلبه
وبابا بعد
ياحبي لهم
مشكووووره

[القمه]

مشكوره على الموضوع الرائع
الله يعطيك العافيه

[معاقة حلوة]

طرح رائع يعطيك العافية

اقتباس ونسامح كل الناس يلي غلطو بحقنا..مش مشانهن..لا..مشانا نحنا لحتا نرتاح..ونحتسب هالشي لوجه الله

ففي العفو التسامح رفعة وعزة في الدنيا والاخرة فقد قال سبحانه و تعالى في ذلك( وَسَارِعُوا إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَوَاتُ وَالأَرْضُ أُعِدَّتْ لِلْمُتَّقِينَ الَّذِينَ يُنفِقُونَ فِي السَّرَّاءِ وَالضَّرَّاءِ وَالْكَاظِمِينَ الغَيْظَ وَالْعَافِينَ عَنِ النَّاسِ وَاللَّهُ يُحِبُّ المُحْسِنِينَ)
اللهم اجعلنا من اهل العفو الصفح
تحياتي