ياترى ضحكتوا مثلي لما جتكم سلسلة الايميلات
الي تحمل عنوان :
(هذه الركبة/ الجسم يجرح كثير من بنات بلدي )
أنا عني متتت ضحكككك
لأني قعدت أدور على الركبة بصراحه مالقيتها
وتمنيت من صاحب الايميل يحط عليها دويرا حمرا
ودي بعد اشكر صاحب الايميل لأننا هـَ الايام قليل مانضحك
وكل مارحنا يمين ويسار لقينا حروب وانقلابات
وطيارات تطيح وقطارات تتصادم
صراحة من قلبي أحييه لأنـــه استطاع التوصل أخيراً لما يحركـ مشاعرنــــا
نعم ...!
الركبة البيضا اللي كنها بيض مقشر ،، والجسم المنحوت والقوام الممشوق يجرحنــــا
ويألمنا كثير ،،
لاتنكرون يابنات
ولاتكذبون على أنفسكم
خلوكم واقعيات ولو مره
طلعوا الحقيقة ولو بكلمة وحده
ليش نخبي مشاعرنـــا
والله تجرحنا وتقتلنا هالركب والأجسام
أكيد تعرفون ليش يا بنات !!
لأنها خلتنا نعرف حقيقة تفكير شبابنا ...!!
و كيف ينظر لنا / أماً وأختاً وزوجه
وأكدت لي نظرية / أن الشاب هنــا لا يرى من الحياة إلا أجزاء المرأة !!
عشان كذا واحد ضل متسمر جنب عامود كهرباء حسبها بنية من قوة ماهالموضوع شاغله حتى عن نفسه
أيْ / والله عورتني هالركبة
لأنها أصابت شبابنا بالحول قد ما تزغللت عيونهم وهم يبحلقون
وحزنت أكثر لأن هالشاب /صاحب الايميل بيقعد يتحسر ويندب حظه أنه -ومهما وصلت به المواصيل- لايمكن يحصل على ربع ركبه زي هذي ...!!
ايه لا تستغربون ،،
لأن هَـ النوع من الشباب هذا همه وهذي حياته ،،
والله حسّرني الايميل ،،
خصوصا أنه تزامن مع الثورة اللي أحدثها المهندس الاسترالي
اللي حبه لزوجته خلاه يخترع لها جهاز لعلاج السرطان غير مجرى التاريخ كله ..!!
كل ذلك لأنه رأى الأنثى كما يجب أن يراها الرجال العظماء
لكن / وركزوا على اللي بعد لكن
من سيخترع لنا جهاز لعلاج سرطان العقول السقيمة / والأخلاق الفاشلة ...............!!
ترى ميب صعبة ياشبابنا السالفة !!
نقدر نرص لكم صور أجساد منحوته نحت من كل شباب العالم و وجيه تفتح النفس وخصوصا شباب لبنان
يأبرني ...!!
ومايحتاج ندور بالنت وناخذ وقت ،،
تلقاهم في محلات zara و وجوهـ أجسام وأشكال وريحه خيال تعج عج
وفوووق هذا كلـــــه
لسان زي العسل : تكرم عينك /انتي بتأمري أمر /كل شي بيلبألك
لكننا ما نقيمكم كذا !
ومـــا نقارنكم بغيركم باشكالهم وألوانهم ..!!
ولانبي منكم بطن مقسم وعضلات ......!!
لأنها كلها بلافايده لو كان مخكـم سقيم عقيم
ياصاحب الايميل المضحك والمحزن في الوقت ذاته ،،
تعال أخبرك ،،
أن مايجرحني
هو استخدامك الانترنت الذي يستخدمه الشباب الواعي للتطوير ،، لتحبط فيه بنات بلدك
وتشغل وقتك بكل شي لا يفيدك
وش استفدت من موضوعـــك ...!!
ضحكت لك كم شاب يفكــــر مثلــــك ..!!
وخسرت احترام زميلاتك في المنتدى
ولو استمريت بهالتفكير راح تخسر حتى نفسك.......
وكنّ يابنات بلدي بسموّ وعفة ،، أياً كانت ألوان ركبكم
تحياتي للجميع واشكر مرورهم ,,,,
العرض الشجري
