يتركون الشرع ويتبعون العادات... في رأيي تخلف

[(الريم)]

الجمعه
2/ 11/ 1429
8:34 صباحاً

( انا لها شمس ..وانا لها في ..وانا لها روح الجسد في بدنها ...ياضي عيني ........) << جوالي يدق

اغمض عين وافتح عين ....( مها ..يتصل بك)
يا ليل والازعاج ع الصبح
بصوت وحده سكرانه نوم : هلا
مها : صباح الخير
ريم: صباح النور
مها: كيفك بعد امس؟؟
ريم: بعدين مهاوي اذا صحيت من النوم
مها: ماصدقت طلعت الشمس وتقولين بعدين وربي تقولين وش صار
ريم: لاتحلفين يابطه ... خلاص بقول ..من وين ابدأ؟؟
مها: من يوم دخلو اهله من باب بيتكم
ريم: وش تقولين يابطه اهله باقي ... بس هو جا
مها: لوحده
ريم: ايه لوحده
مها : كيف يجي لوحده ؟؟؟؟
ريم: ايه علشان بس يشوفني واشوفه.
مها: يشوفك !!!
ريم: النظرة الشرعيه وش بلاك يابنت
مها: ماعندنا هالحركات .. انا ما شفت حسين يوم جاني ..بعد الملكة شفته
ريم: كيف ماعندكم هالحركات؟؟ هذي نظرة شرعيه لازم تشوفون بعض
مها:هذي عاداتنا..
ريم: تتركون الشرع وتمشون ع العادات وربي تخلف
مها : لا مو تخلف
ريم: تخلف ونص شوفي نهايتك انتي وحسين طلاق
مها : فكينا من سيرة حسين ..كيف حلو ابو الشباب
ريم : وسيم شوي بس ما ابيه عشان الاخ طلع يبي يتزوج في العيد مستعجل ماعنده وقت
مها : لاوالله أمداكم تسولفون بالزواج
ريم: ايه يوم جلست معاه يقول..(قاطعت كلامي)
مها : بعد جلستي معاه؟؟
ريم : ايه يابنت لازم يكلمني عن نفسه واكلمه عن نفسي ولا تبين مثلكم خذوه فغلوه ملكه وكتب كتاب على طول!!!
مها : والله صادقه .. يا ليت عندنا سالفة النظرة الشرعيه
ريم: بصراحه انتو غريبين.. اول مرة اسمع في ناس كذا ماعندهم نظرة شرعيه؟؟
.
.
.... بعد نقاش طويل انتهت المكالمه

ادري طولت عليكم بس..
معقوله في الزمن هذا في ناس تزوج عيالها كذا بدون نظرة ... كيف؟ ؟واذا كتبوا اكتابهم ع بعض وبعدين شافها وما عجبته؟هل بيستمر الزواج ؟

اتمنى اشوف رايكم بالموضوع وتفاعلكم

دمتم بود

[الممدوح]

هلا فيك اختي الفاضله . .

الشرع حلل النظره الشرعيه ..

هناك بعض العائلات ترفض . . النظره . .

لانها لا تطبق كما ذكرت بالشرع..

فبعض الشباب هداهم الله يسرد كل ما شافه . .

وبكذا يحرم البنت من اي شخص ثاني يخطبها .؟؟


تقديري لك

الممدوح

[الاحساس جديد]

في ناس يرضون عن الشرع

يعطيك العافيه

[%فزولها%]

مافيها اي شي النظره الشرعيه بالعكس اما انها تفتح باب فيه خير لهما او تسكر هذا الباب ..القصد من كلامي انه ربي ينزل الراحه للاثنين اما نهاية زواج او غير...

والله انا اسمع في بعض القبائل متمسكه بالمره بالعادات وشايفه انها ناجحه في حيات ابنائهم شي راجع لهم...
والله يوفق مها ويوفق ريم والجميع..

شاكره لك خيتو .
مودتي

[(الريم)]

اقتباس المشاركة الأصلية كتبت بواسطة الممدوح فبعض الشباب هداهم الله يسرد كل ما شافه . . وبكذا يحرم البنت من اي شخص ثاني يخطبها .؟؟

خبل اللي سوي كذا مو وجه زواج

يسلمووو خيووو الممدوح يشرفني مرورك

[(الريم)]

الاحساس الجديد " يسلمووو ع المرور

فزولها" منوره صفحتي يالغلا

[أبيض و أسود]

هل يعقل أن هذا مازل يحدث ..
ونحن في زمن العلم والمعرفه
والحكم بشريعه الله والتعامل بها في مجتمعنا في وطننا الغالي
والذي اعطاء المرأه جميع حقوقها من التعليم وفتح المجال امامهما في كل المجالات
لاتاخذ حقها الشرعي في الموافقه أو الرفض على من سترتبط به كزوج بالنظره الشرعيه

ياللاسف أذا نحن بحاجه الي أعادة نظر في كل ماتعلمناه ودرسناه
وسؤال انفسنا هل طبقنا الشريعه في مقتضيات حياتنا
ولماذا تركنا العادات تحكمنا بعرفها الفاسد
ولم نحكم بمأ امر الله به

[(الريم)]

ابيضواسود" يسلمو ع مرورك الغالي
وكلامك اعجبني
تحياتي لك

[سكوفليد]

الكلام حلو ونشاءاللللللللللللللللللله تبدعين اكثر ولكي تحياتي

[صمتي جرحني]

الريم

كلامك درر بس وش نسوي عاداتنا كذا

يعني حنا مثلا مايشوفها الا ليلة الدخله بس

حتى بعد الملكه مايشوفها

خلاص تعودنا على كذا حتى العريس مايتجرا ويطلب انه يشوفها

تقبلي مرووري
دمتي بخير