ممكن نصيحه عن القولون الهضمي..!!

[مــعــانــق..آلطــيــف]

السلام عليكم ورحمة الله وبركاته

صباحكم جنه

وكل عام وانتم بخير

بصراحه انا صار لي تقريبا عشرين يوم ومعاي قولون هضمي

رحت لاربع مستشفيات كبيره لكن الفايده بيد الله

ابي اعرف وش الاكل الصحي الي يتناسب مع ها الحاله

مع العلم اني ماكل الا شي مسلوق مثل البطاطا والجزر والرز المهروس فقط

والعصير عصير جزر فقط

وبكل صراحه مليت ودي اكل شي ثاني

ياليت الي عنده خبره في ها الشي يفيدني

ابي اعرف وش الاكل الزين

او العصير المناسب

او هل هناك وصفه مجربه ومضمونه ...؟

وعسي ربي يعافيكم من كل شر

وماتشوفون مكروه يارب

تحياتي لكم جميعا

[~ ¦ هًـمـْسٌ]

سلامتك من كل باااس اخوي .. شاعر ومبدع الود
ماتشوف شر وعلى الاجر بإذن الله ..
أسأل الله
العلي القدير رب العرش العظيم الشافي الكافى المعافى أن يمنن عليك بالصحة

اللهم رب الناس اذهب البأس اشفي انت الشافي لاشفاء الا شفائك شفاء لايغادر سقماً
اللهم رب الناس اذهب البأس اشفي انت الشافي لاشفاء الا شفائك شفاء لايغادر سقماً
/

\

/

اخوي معانق الطيف انا اللي اعرفه ان مافي اكل انسب لك غير المسلوق ..

لان البهارات والأكل المسبك يهيج القولون أكثر ..

عموما .. أنــا بإذن الله بحاول ابحث لك بكذا موقع طبي .. وان شاء الله ارجع لك بأخبار كويسه

<< ناويه تجيب لك اكلات كلها بهارات

لا والله امزح انت بس عطني وقت ابحث لك ..

تــ ح ــيآتي لك .. وصادق امنياتي لك بدوام الصحه والعافيه ..

[الساااهر]

سلامتك اخوى معانق
مثل ماذكرت همس المشاعر 00الانسب هو الاكل الخالى من البهارات وكذلك الزيوت والمشروبات الغازيه ايضا00
وان شاءالله مشرفتنا ماراح تقصر معك
ماتشوف شر وياهلا بك000

[مــعــانــق..آلطــيــف]

اقتباس المشاركة الأصلية كتبت بواسطة همس المشاعــــر سلامتك من كل باااس اخوي .. شاعر ومبدع الود ماتشوف شر وعلى الاجر بإذن الله .. أسأل الله العلي القدير رب العرش العظيم الشافي الكافى المعافى أن يمنن عليك بالصحة اللهم رب الناس اذهب البأس اشفي انت الشافي لاشفاء الا شفائك شفاء لايغادر سقماً اللهم رب الناس اذهب البأس اشفي انت الشافي لاشفاء الا شفائك شفاء لايغادر سقماً / \ / اخوي معانق الطيف انا اللي اعرفه ان مافي اكل انسب لك غير المسلوق .. لان البهارات والأكل المسبك يهيج القولون أكثر .. عموما .. أنــا بإذن الله بحاول ابحث لك بكذا موقع طبي .. وان شاء الله ارجع لك بأخبار كويسه << ناويه تجيب لك اكلات كلها بهارات لا والله امزح انت بس عطني وقت ابحث لك .. تــ ح ــيآتي لك .. وصادق امنياتي لك بدوام الصحه والعافيه ..

الف شكر لك اختي همس

وتسلمين والله علي كلامك الي يشرح الصدر

وبصراحه مافهمت وش معني مسبك ؟

كل الشكر لك عزيزتي علي مرورك وتعقيبك\\وانا بنتظار عودتك

[مــعــانــق..آلطــيــف]

اقتباس المشاركة الأصلية كتبت بواسطة الساااهر سلامتك اخوى معانق مثل ماذكرت همس المشاعر 00الانسب هو الاكل الخالى من البهارات وكذلك الزيوت والمشروبات الغازيه ايضا00 وان شاءالله مشرفتنا ماراح تقصر معك ماتشوف شر وياهلا بك000

الله يسلمك اخوي الساهر

وصحيح ان الزيوت مضره كثير وانا اتحاشها بقدر الامكان

لكن حبيت اعرف

هل الحوار مثل الشطه والفلفل ممنوعه ايضا ؟؟

لاني بصراحه مدمن شطه :)

كل الشكر لك اخوي علي حضورك وتعقيبك

دمت بصحه وعافيه

[الساااهر]

اقتباس المشاركة الأصلية كتبت بواسطة مــعــانــق..آلطــيــف الله يسلمك اخوي الساهر وصحيح ان الزيوت مضره كثير وانا اتحاشها بقدر الامكان لكن حبيت اعرف هل الحوار مثل الشطه والفلفل ممنوعه ايضا ؟؟ لاني بصراحه مدمن شطه :) كل الشكر لك اخوي علي حضورك وتعقيبك دمت بصحه وعافيه

هلا بك اخوى معانق
بكل تأكيد00فهى عدو الامعاء0نظراً لاحتوائها على الكثير من المواد الحافظة الغير طبيعيه
لذلك فهى تعمل على تهيَج الامعاء وبالتالي الاحساس بالالم0
تحيتي لك وياهلا بــكـ000

[مــعــانــق..آلطــيــف]

الف شكر لك اخوي الساهر علي تعاونك

وتواضعك
ومشكور علي النصائح المفيده

يعطيك العافيه

وتمنياتي لك أخوي بدوام الصحه والعافيه

دمت بكل خير

[~ ¦ هًـمـْسٌ]

هلا معاااااانق اخبارك اخوي...؟
انا من زماااان مدوره لك عن الاكل اللي يناسبك بس نسيت اعذرني وانا اختكـ والله نسيت ..
الاكل المسبك يعني اللي فيه طماطم كثيير وصلصه وزيت
عموما انا دورت بكذا موقع عن القولون الهضمي وطلع نفس الكلام اللي قلته لك قبل ..
يعني الاكل يكون قد ماتقدر مسلوق وخالي من الزيوت الثقيله ..
ويكون قدر الامكان مافيه اي بهااار وخصوصا البهار الحار .. لانه يهيج القولون اكثر .. وانتبه من الفلفل الاسود والمخللات وكأني قريت ان الحليب يهيجه اكثر بس مدري اذا يهيج القولون الهضمي او العصبي لان الموضوع كان عام ومو محددين اي نوع من القولون اللي يتهيج من الحليب

وزي ماقال الساهر الشطه عدو المعده وممكن يصير لك قرحه في المعده وتصير المشكله مشكلتين ..
وقريت ان الزنجبيل الاخضر علاج للقولون الهضمي اذا انغلى وانشرب زي الشاي ..وطبعا تحليه بعسل ..
واذا حسيت نفسك تعبان فجأه منه تقدر تاكل زبااادي او خياره لانه على طول يهدي الالتهاب ..
وبس خيووو تمنيااااتي لك بالشفاء العاجل واي خدمه انا تحت امركـ ..

/

\

/

دعوااااااتــــــــي لكـ ..