بسم الله الرحمن الرحيم
ياعيون اشقر مرباه راس الطويـل
في طويل الرجوم النايفـات اعتلـى
التخلص منك اصعب من المستحيل
رحمة الله على الي في هواك ابتـلا
كل دنياي قبلـك كنهـا حلـم ليـل
ناسي كل ماقـد صـار مـر وحـلا
ماخبر لليالي قبـل اعرفـك جميـل
قدبنا الهم في قلبـي وشـرب وكـلا
ارقب الموت قد ودي بيوم الرحيـل
ميـس معطـي دنيـاي قبلـك جـلا
لين جيتك بقلب مانزل بـه نزيـل
اسكني فيه لين امـوت واروي غـلا
واشربي من قصيدي صافي سلسبيل
اشرق الصبح والليل الطويـل انجـلا
ورحبت بك معاليق الخفوق العليـل
وصفقت لك وفزت وقالت لـك هـلا
ابشري بالوفـا والله يـذل الذليـل
عزوة معرب ماهيـب عـزوة خـلا
وصفحة الحب في قلبي تراها سبيل
لـك وعنوانهـا لالـردى والـف لا
عارف قيمتي عندك ولاابغى كفيـل
الليالـي شهـود والنجـوم كـفـلا
ياجودي على لاماك وجـد الدخيـل
كـل منـي ذكرتـك ياضبـي الفـلا
جلسة معك تشفي خاطري لو قليـل
وان تفارقت انا ويـاك جانـي بـلا
في غيابك يجي في القلب هم ثقيـل
لو يوزع على نجد العريـض امتـلا
ليت قلب العنا عن درب حبك يميل
كان اعيد لامنه سـج عنـك وسـلا
ان توفيت من حبك وقالـوا قتيـل
لاتخافين قبلـي فـي الغـرام قتـلا
وان نسيتي غلاي وجا مكااني بديل
فاستمري علـى طبعـك زمـان اولا
امسكي راية الحب النقـي لايميـل
والله يسترعليك وسلمـي لـي علـى
مرقب العشق جعله مايزلـه مخيـل
واذكري و ش طلبك اللي عطاك اولا
وامسحي صورة علقتها في سهيـل
والوعد معك لاشدت هضـاب ازيـلا
وسلامتكم
عبدالرحمن بن مريط الشهراني
العرض الشجري
