يا غـــــــــــــــــــازي .. [ إهـــــــــداء لراعي العليا ]

[( ســــارب )]

أكو رساله خاصه وصلتني من إبن العم اللي ما جابته مرة عمي ..
وقلت اكتب له مكتوب كيبوردي بركي يعطينا فيس

ياغازي الصبح انتصب بالهم والساعه فجر= خمسه بتوقيت ام القرى وام القرى بأشعابها ..
صبوح لا خذته شراب اقدع من ارياقه صبر=و أبل عيني بالرجا واخنق غزير اهدابـــها
لا الضوء ينزع وحشتي والعمر ما كنه عمر=كنه غريب من السفر يوم السكك بأحبابها
إقلط على آخر هقوتي وتشوف مرباعي قهر=بين السنين الخايبه بأنيابها وذيــــــــابها
تعال قلبي لا برك- نائي- مثل جلسة عصـر=يقرى تفاصيل الزمن يوم انسدح بغيابها..
وش حدني للمر عام إلا الأمر منه وأمر..=يوم إن حلاة أعمارنا في عز جود اتعابها
هذا وانا اللي لا جسد لا روح لا نفس وفكر=كني رياح من الزمن يوم القدر ســّرابها

وشكرا للقراءه ..

[العـ راعي ـليا]

اقتباس المشاركة الأصلية كتبت بواسطة سماوي أكو رساله خاصه وصلتني من إبن العم اللي ما جابته مرة عمي .. وقلت اكتب له مكتوب كيبوردي بركي يعطينا فيس ياغازي الصبح انتصب بالهم والساعه فجر= خمسه بتوقيت ام القرى وام القرى بأشعابها .. صبوح لا خذته شراب اقدع من ارياقه صبر=و أبل عيني بالرجا واخنق غزير اهدابـــها لا الضوء ينزع وحشتي والعمر ما كنه عمر=كنه غريب من السفر يوم السكك بأحبابها إقلط على آخر هقوتي وتشوف مرباعي قهر=بين السنين الخايبه بأنيابها وذيــــــــابها تعال قلبي لا برك- نائي- مثل جلسة عصـر=يقرى تفاصيل الزمن يوم انسدح بغيابها.. وش حدني للمر عام إلا الأمر منه وأمر..=يوم إن حلاة أعمارنا في عز جود اتعابها هذا وانا اللي لا جسد لا روح لا نفس وفكر=كني رياح من الزمن يوم القدر ســّرابها صح لساااانك مليووون ولا هنت ... يا صالح اصبر واحتسب والرب يكتب لك أجر = في ساعة دنيا الفنى يطوى سجل كتابها عمر الفتى يا صاحبي لو طال مردّه قبر =ومن بعدها عند الولي كل نفس تلقى حسابها دنياك مادامت لأحد..من يوم فيه آدم ظهر=ولا أنت الوحيد بدنيته ... من أكشفت له نابها كم واحدٍ همّه نما في داخله كنّه قعر =أليا ارتمت به حاجةٍ ... محد(ن) وصلها جابها مثلك تجرعت الألم .. ياكم سمر حالي سمر =ارجي الليالي المقبلة ... للفرح تفتح بابها وش الحياة بلا أمل ؟! قطرة ندى ولا جمر = وأنت الخبير وكلمتك ما قد جهِلْت إعرابها عيش التفاؤل بالحياة إذا تبي تقطف زهر = ودنيا الشقى يا صاحبي حذراك لا تشقا بها وشكرا للقراءه ..

[*+* مـهــآآآآجــرة *+*]

للتثبيــــــــــت

ولي عــــودة تليق بمقـآآآم الحرف



مهآآآآجرة

[%فزولها%]

تعـال قلبـي لا بـرك- نائـي- مثـل جلسـة عـصـر
يقـرى تفاصـيـل الـزمـن يــوم انـسـدح بغيابـهـا..

الله الله يستاهل اخونا غازي >ولاهنت يمال العافيه يصالح...
مودتى

[( ســــارب )]

كم واحدٍ همّه نمـا فـي داخلـه كنّـه قعـر=أليا ارتمت به حاجةٍ ... محد(ن) وصلها جابها

راعي العليــــــــــــــــــــا ...

صح بوحك وصحت روحك ...

وافي .. وافي ومجمل ..

قلتها لك من أول يوم دربي ضباب =يوم توي صغيّر والألم في حدود
الخناجر دروبي والأماني زهاب=والقصايد جريمه والمطارد حشود
جيت كلي ضياع ومخمصه واكتئاب=ورحت لأجلك دليل وممتلي ومحسود
والحضور المساوي في عيونك غياب=ذاك قلبي بصدري مال لحسه وجود

هااااه...! كفوك يا قلبي كل ذيب ٍ مهاب=ليت ترضى عليـّه وتهديني واعـــــود
شفت انا الكون كله من عيونك عذاب =لا الكبير متعافي وإلا الصغير معدود
قلت : ربي لحاله والبقيــــّه سراب =ودام ربي معايه كل ضلع ٍ يجــــــــود

سواة خاطر ..والمعذره ..

[( ســــارب )]

اقتباس المشاركة الأصلية كتبت بواسطة *+* مـهــآآآآجــرة *+* للتثبيــــــــــت ولي عــــودة تليق بمقـآآآم الحرف مهآآآآجرة

للمشرفه القديره مهاجره //
بعد التحيه ..
لك أن تجزمي أن هذا ما يـُفرحني ويُرضيني ..
لولا انها والله ما افترقت !
وأيُ انصافٍ هو انصافٌ للأداةْ.. للوسيله ..للقناة
عوضا عن اللحظه .
مشاعرٌ إيمانيه يزفها لك ِ كَلَّ ركن ٍ من أركان ِ
المودة ِ والإخاء ..

[ود الجوف]

مشاء الله تباركـ الله ابداع غير مستغرب

من اثنين تئلقو في سماء الشعر


قصائد جزله

ولو قلنا مراح نوفيها حقهااا

كفيتو وا وفيتوو


دمتم بكل الود


اختكم // ود

[( ســــارب )]

وأنتي وحده من الناس - حلوه - ما عليها قصور =تعــلت في فضا عيني ولو كل البنــــــــــي عــــــدو
افكر !وش مثيل الغيم بالدنيــــا ومثيل النـــــــــور؟=وألاقيها خصال اجمل بنيـــــــــّه في البشــر(فـــــزو)

يقولون اعذب الشعر اكذبه !!
يعلم الله لو هي لغيرك ما كتبتها ماهو من حلاتي وإلا حلاة شعري
ولا هو عشان شي ..
بس الورد روحك وشذاه طلتك وعساك ما تنقطفين إلا عقب ما تلمين
بذور بذورك ..

انبطاع اقل من عادي ما اتوقع فيه مشكله

شكـــــــــرا ..

[( ســــارب )]

اقتباس المشاركة الأصلية كتبت بواسطة ود الجوف مشاء الله تباركـ الله ابداع غير مستغرب من اثنين تئلقو في سماء الشعر قصائد جزله ولو قلنا مراح نوفيها حقهااا كفيتو وا وفيتوو دمتم بكل الود اختكم // ود

ترى الممدوح والمحتار وديعه خليتها بالجوف


ثنتين بالمنتدى ما قدرت استوعبها

حقين الجوف وحقين قطر

ويعطيك الف عافيه على المرور ..

وليت المتصفحات ما تصير مثل معبر رفح

أسفي وشكري ..

[*+* مـهــآآآآجــرة *+*]

كلمآآآآت رآآقية ومتميزة ...

حملت بين حروفها منابع للإبدآآآع ...

شآآآمخة تأخذنا لعالم البوح الرآآآآقي والأصالة

العريقة في ترسيخ المعنى بفكر القاريء .

هنا تدفقت أنهار من الرقة لتكسو المفردات

بثوب الوقار وتمتطي صهوة الشموخ لتعتلي

بنا أكثر فوق هاآآمآآت الجمال ومواآآطن الهمس

حين برقيه يختآآآل ...للمرة الخامسة قرأتها وردها

الذي بقي محفورآ بعمق الذاكرة ليؤسس للإبدآآع موطنآ معها .

)) سمـآآآآوي((

كلمآآآت بوحها آسر والثناء عليها قد لا يوفيها

حقها ولكن لا بد من النطق بحروف تشهد

بأن ما كتب هنا هو نقطة في بحر شآآآآعرنا

الذي لن يحرمنا من جديده الرآآآآئع .


صح لسآآآآنك وربي لا هـآآآآنك



دمت رآآآآقي الفكــر