بسم الله الرحمن الرحيم
انا اليوم حاب اتكلم عن دموع تذرفها اعين مجتمعنا السعودي الغالي والعزيز على قلوبنا لكن ومثل العادة ترى اي شي اكتبه هنا ما هو إلا عبارة عن وجهة نظر خاصه فيني وبعد انا اتكلم عن شريحة معينة في المجتمع يعني ( بدون تعميم ) وباب الإنتقاد وطرح وجهات النظر مفتوح لكم على مصراعية بس بشرطين
1- بدون تحيز
2- تاخذوني بحلمكم شوي : )
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,
انا راح اتكلم عن مشكله يعاني منها المجتمع السعودي وغالباً ما تعاني منها شريحة الشباب ألا وهي مشكلة ( الزواج) . لكن انا راح اقسم المشكله لثلاث محاور رئيسية
( 1- العزوبية) , ( 2- العنوسة ) , ( 3- الطلاق)
وراح اتكلم عن كل محور منهم على حدة وفي موضوع مستقل بذاته فاليوم ببتدي مع
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,
,,,,,,,,,دمــــــــــــــــــــــــــ 1ــــــــــــــــــــــوع,,,,,,,,,,,,,,,,,,,,
1- الـــــــــــعـــــــــــــــزوبيــــــــــــــــه
يطلع الشاب مع اصحابة او زملائه فيقولن له يا فلان عمرك 26 او 27 ولين الحين ما تزوجت وش تحتري فيقول ( اطيح كل اللي براسي اول بعديييييييييييييييين اتزوج )
يرجع البيت تقابله الوالده وتقول يا وليدي متى بتعرس واشوف عيالك قبل ما اموت فيقول
( لا ان شاء الله ربي يعطيك طولت العمر وتشوفين عيالي وعيال عيالي بعد وبعدين يسكت )
يدخل المطبخ ويروح يدور في الثلاجة شي ياكله ما يمدية يلتفت إلا واخته فوجهه وتقول متى تتزوج يخوي علشان اسوي بزواجك كذا كذا من خرابيط البنات في حفلات الزواج على قولت امي الله يخليها لي " اللي يتزوج اثنين واللي ينجن ألفين " فيرد عليها ويقول( انتي بس هذا اللي هامك تحسبين الزواج لعبة ؟
السؤال ليه اغلب الشباب ردودهم وحده؟ والأهم ليه بجد يأخرون الزواج وما يتزوجون بدري ؟
أنا اقول لكم ليه,,,,,,,,,,,,,,,,,,,,,,,,,,,,,,,,,,,
يبتدي الشاب حياته جد, اجتهاد, تعب,دراسة خلنا نقول لين ربي يوفقه وياخذ البكالوريوس
بعد كذا يبتدي يدور وظيفة وبعد تعب ولف ودوران وحبحبت خشوم وواسطات ربي يوفقه ويلاقي وظيفة براتب كويس خلونا نقول 5 إلى 6 آلاف ريال وعمرة الحين تقريبا 22 سنه ,,,,,,,,,,
يبدأ الدوام والولد الحمد لله مبسوط ومستانس توظف وراتب زين ولله الحمد والأمور ماشية تمام فبعد 4 إلى 5 شهور يقول انا لازم اطلع لي سيارة جديدة مثل باقي الشباب الددتسن اللي معطيني اياه الشايب مكسر ومنتهي ويفشل وانا الحمد لله الحين اقدر اطلع سياره ,,
المهم يروح للبنك اللي فاتح له احضانه ويطلع سيارة بما يقارب خلونا نقول 70 إلى 80 ألف ريال على اساس انهم ياخذون ثلث الراتب لمدة خمس سنوات يعني لين يوصل عمره 27 إلى28 سنه,,,,,,,,,,,,,,,,,,,,,,,,,,,,
تمشي الأمور ويصير الولد يبقاله من راتبه بعد ما ينخصم منها اقصاد بنك و تأمينات اجتماعية ( لأن الموظفين على مصلحة التقاعد ما اتوقع بيتوظف ب6 آلاف بالباكلوريوس وافهم يا فهيم) المهم نقول يبقى له من راتبه 3500 ريال شهريا ,,,,,,,,,,,
الولد ولله الحمد بار بوالدية وان شاء الله كلنا كذا يعني بيعطي امه كل شهر على الأقل 500 ريال وبيساعد ابوه بمصاريف البيت يعني فاتورة كهرب, موية, راتب شغالة, سواق .......إلخ. طبعا مو كلها لكن بيساعد فيها يعني نقول يبقى من راتبه تقريبا 2500 ريال ,,,,,,,,,
الشباب اغلبهم متعودين وانا منهم بصراحه اننا نخلي 500 ريال على جنب للبانزين وامور السيارة من زيت وخلافة يعني نقول يبقى من راتبه 2000 ريال ,,,,,,,,
نجي لمصاريفه الشخصية وخصوصا واحنا يالشباب الحين صرنا ننافس البنات على الأناقه والاهتمام بالنفس وبصراحه انا ما اشوفه عيب بالعكس هو حق مشروع يعني نقول يفصل له ثياب واذا قلت ثياب معناها ثوب وشماغ بلون يتناسب مع لون الثوب وخصوصا مثل هالأيام ايام البرد وبعد تكرمون شوز مناسب ( اللي يمكن يكون شوز ما يناسب الا لون ثوب واحد ) وعطر وساعة وملابس للبيت ووو........إلخ..
بصراحه انا اتحدى واحد يهتم بنفسه زين يكون يصرف على هالاشياء اقل من ألف ريال شهريا ولو مع يعض الختلافات من شهر للثاني بس انها اختلافات متشابهه لكن انا بقول صرف عليها بس ألف ريال وبقى من راتبه ألف ,,,,,,,,,,
طبعا معروف عندنا حنّا يالسعوديين كرمنا وهي عاده متأصله فينا وما اتوقع بنغيرها او بنخلي النظام امريكي ما نقدر يعني طلع مع الشباب مطعم تعشوا جا وقت الحساب لا يا فلان والله ما تدفع خلها علي هالمره ودفع مبلغ وقدره طبعاً على حسب عدد الاشخاص الموجودين وجا يوم ثاني في كوفي او في مقهى معسل نفس الموقف وهلم جر ,,,,,
جا اخر الشهر والولد ما عاد معه في مخباته غير بطاقة الصراف فاضية ,,,,,,,,,,
المهم نرجع لموضوعنا الأهم مرت خمس سنوات على هالحال والولد ما تزوج طبعا يبي يفتك من هم السيارة اول بعدين يتزوج لكن الحين السياره خلاص انتهت اقصادها فبدأ يفكر بالزواج بجدية بس كيف يتزوج ,,
طبعا فكر انه ياخذ قرض والحمد لله الحين الراتب بعد الزيادات صار يتعدى 7 آلاف ريال في الشهر ولله الحمد والبنك زي عادته الكريمه فاتح احضانه له ويقول له بنعطيك مية ألف ريال على خمس سنوات ثانية,,,,,,
اخذ المبلغ وسأل عن المهر قالو له 40 ألف كانهم ناس عاديين و30 كانهم حلييلين وطيبين و50 كانهم يحبون القروش وطماعين شوي او يمكن بحكم عاداتهم ,,,,,,,,,,,,
المهم نقول دفع 40 مهر, والشبكة مع اني والله مدري كم بس نقول 10 آلاف وحفل الزواج مع باقي مصاريف الزواج حقته طبعا هذا من واقع تجربه حقيقيه لأحد قريب مني وفي الزمن القريب وكان يحاول يقتصد ( ومسوي الزواج بإستراحة ) كانت التكاليف تقريبا 30 ألف ريال الحين كم بقى من المية ألف 20 ألف ريال ,,,,,,,,,,,,,,,,,
طبعا البنت تبي شهر عسل وهو حق مشروع لهم الإثنين ( كم مره الواحد يتزوج ويسوي شهر عسل) مع ان الشباب هالأيام ما يعرفون شهر عسل يعرفون اسبوعين وتخب : ) المهم وبحكم خبرتي القليله بالسفر تكلفه السفر راح تكون تقريباً 20 ألف ريال لمدة اسبوعين ,,,,,,,,,,,,,,,,,
رجع الولد من السفر وابتدى مشورا الألف ميل من ( الــــــــهـــــمّ النـــــفـــــــســـي )
هم الراتب المقصوص ( اقصاد القرض), هم نفسه ومصاريف لا والحين هم مصروف زوجتة, حتى بعد الزواج ما زال مسلم وما يقدر ينسى حق والديه عليه فأكيد يبي يساعدهم والمصيبه العظمى والطامه الكبرى اذا قالت زوجته
( فلااااااااااااااااان أبـــــــــي بـــــــــيــــــت بلــــــحــــــــالي )
,,,,,,,,,,,,,,,,,, تمت ,,,,,,,,,,,,,,,,,,,,,,
طبعا انا بترك لكم الحرية في التعبير وابداء وجهات النظر بس ابي اسال سؤال اجابته إيه او لأ
لو رجع الوقت بالشاب هذا يفكر يتزوج ولا ما يتزوج ؟
شي اخير ما ودي تنسونه /
انا حاولت اتكلم عن ذوي الدخل المحدود يعني بالعامية اللي على قد حالهم لكن اكيد فيه ناس الله منعم عليهم فما يعرفون من اللي راح شي الله يزيدهم ويرزقنا معهم وفيه ناس حالهم اسوأ من كذا بكثيييييييير الله يعينهم ويصبرهم,,,,,,,,,,,,,,,,,,,,,,و
آسف جداً على الإطاله وشوي شوي علي بالردود : ) وانتظروا مني دمــ2ــوع ,,,,,,,,,,
وتقبلوا فائق تحياتي ,,,,,,,,,,,,,,,,,,
إنـــــــــــــســـــــــــــــان
العرض العادي
