بسًٍم اللهـ الرٍحمن الرٍحيم
جلست افرٍ بهآ المنتديآت بسيكلي خ ـإأبرين مشتري سيكل وابي اجع ـص فيهـ شوي قلت يمكن تشوفني فتآه وتغ ـرٍم في سيكلي < والا وجهي يآالله لك الح ـمد لو جيت بدوٍن سيكل يح ـسبوني طرأأرٍ الموٍهيم وانا اشوٍفلكم ذآك الموٍضوٍع الزوٍين وأنتشهـ لكم < بدت الالفآظ السوقية
واملح ع الموٍضوٍع من ع ــندي < ترىآ لولآ تمليحي موٍب زين << هين هين
والآن مع أحدآث القصهـ المنتوٍشهـ (( منقوٍلهـ))
قدر الله على وجاني تعيين زي قلته في ديرة يسمونها ام الحصاني والحصاني لمن لا يعرفها هي مفرد حصني والحصني في اللغة العربية معناته الثعلب لكن الشياب قطعوا فيه عيارة ونشبت فيه حتى اني سويت له مقارنات مع الحصان >>> لا ياشيخ ! بس طلع الحصني قزم جدن >>> قطع صغير للحصان
المهم اني اذكر يوم تقديم الرغبات على التعيين كاتب 1-جده 2- جده 10-جده >>> لزقة لكن مادري من وين طلعت لي ذا الديرة قلت لهم ياخي ما طلبت ام الحصاني قال وش طالب اجل ؟ قلت ثنين شاورما قال انقع برا
ترجيتهم شوي ابيهم يغيرون ذا الديرة قالوا فيه ثلاث ديرات:
1-ام الجماجم قلت ذي ماتصلح ياخوي اسمها يروع
2- ام رجوم قلت حتى ذي يااخوي ماتصلح!
3- ام الحصاني !
طيب يالحبيب شف لي ام رقيبه المهم صك الملف في وجهي وقال لي انقلع لاام الحصاني وقدم نقل قدم بعد سنة من تاريخ المباشرة
حزمت حقابي وشديت التنزاني وشيكت على الموتر وانطلق الرالي بحفظ الله ورعايته
وصلت ام الحصاني بعد ثلاثة ايام تقريبا>>> ما ضاع ابد جلست هناك اول سبوع كني هندي توه جاي للسعودية ثم السبوع الثاني زادت الثقة شوي وطلعت كني باكاستاني له سنة في السعودية ثم الحمد لله ماراح شهر الا ونا كني سعودي>>> مثلكم يعني
بدت المشاكل لي بعد ماراح شهر وراحت طفرة الوظيفة وبديت احس انه ناقصني شي خصوصاً لا طلعت من المدرسة ابحل بعمري منول القا الغدا مجهز والقا الشاهي والقهوة والعشا ااه كم افتقدتك يا امي وكنت القا الثياب مغسلة ومصفوفة في الدولاب>>> ياروحي يالشغالة
لاكن الحين صار السستم امريكي يعني اخدم نفسك بنفسك >>> غصب صرت اطلع من المطرسة وامطرس لي ذاك الغدا اللي اذكر اني احط في الكاتم رز وبقدر قادر يصير جريش ثيابي صرت اغسلها بيدني تسني نانسي عجرم العشا صرت اتعشى مقموزة مدري ليش صرت احس اني تسني زيدي من حقين البناشر اللي في جده
ماش الحال مهيب اللي تبي خل عنك الرجال بدون حرمة قسم بالله يطلع اكبر سبهه خاصة اذا كان عزوبي عزوبي يعني مثلي في ام الحصاني فكرت اني استقدم شغالة ولا اعلم اهلي واخليها عندي في ام الحصاني تزين لي الغدا والشاهي والقهوه وتغسل هدومي بس لكن النضام عيا يوافق فكرت اني اخطف شغالتنا وابلغ الشرطة انها مسروقة >>> صارت كامري .
ماش كل الحيل ما تودي لروما قصدي لام الحصاني بعدين استح على وجهك وش اللي شغالة وانت مربي فراولة قصدي مربي اجيال ضاق صدري من جد خاصة اذا جيت ارقد بدت الهواجيس تستهبل انت الحين ورا ماتصير رجال وتعرس وش ناقصك ؟؟ بطل ها التتن شهر ورح اخطب شف صويلح مشا الله عليه اعرس وخلص الا شف سويلم هاللي مابلغ الا في رمضان واعرس وانت منتب داري الاوعمرك ثلاثين وعزوبي ايه وتقعد هالهواجيس رايحة جايه كنها غسالة البابطين>>> الله من زين التوصيف.
يناس بالعربي انا ودي اتزوووج انا كلي شعور وعاطفه واحاسيس مجروحة >>>اقول انقلع لمنتدى النثر لا مانيب منقلع ياناس حالتي حالة ازملاي يطلعون من دواماتهم ويلقون الغدا مصلح >>> ماهمه الا بطنه يتغدون ومعينين من الله خير وامورهم سنعة وانا مغير اطبخ وانفخ لين يزين ذا الغدا اللي تسنه قلته يوم مالح ويومن حالي ثمين اكبه
اطلع ادور لي مطعم لاكن ااااه جدهـ اااااه ياجدهـ ياحضكم ياللي ساكنين جدهـ اهب اقل شي اللي ماتزوج عنده امه تطبخ له >>> شكله دبببب ولا المطاعم في جده امممم كلن يقول الزين عندي اشتقت لك يالمظغوط وانت اشتقت لي دن درن
نرجع لسالفتنا وهي اني فكرت جديا اني اتزوج وقررت اني اخربها واقول لاامي لاعودت لجده جا ذلك اليوم ولاه اخر يوم من الامتحانات وانا اللي اربط حقائبي واتوجه للمدرج الصحراوي والذي تصل مسافتهو مائة كيلو متر تقريبا قبل ان يستقبلنا خط القار >>> المزفلت عندهم
المهم يوم مشيت على المزفلت بدت تظبط الهواجيس وتصفي صح بديت افكر ثانية في العرس وافكر من هي تعيسة الحظ اللي بتركب جنبي وحنا راجعين لام الحصاني منهي منهي ياولد وش رايك في سارة؟؟ لالا ماتصلح ما معها الا ثانوي وبعدين امي متهاوشه مع امها تيب وش رايك في اسماء ؟؟ والله اسماء مملوحة وشعرها طويل بس لسانها اطول ثاني شي الضاهر انها قصت شعرها الله ياخذها
المهم اني دخلت في احلام وردية بنت كلب وقمت اتخيل شكلي وانا معرس ومعي بنت الحلال وهي فالتن شوشتها وتتميلح عندي وانا خاقن معها وقمت اتخيل شهر العسل مسافرين انا ويها للبحرين ثمين من البحرين لبانكوك عند ذاك الشاطئ الرملي السماء زرقا والبحر ازرق وعيونها زرق>>> مافيه امل وتقول لي يافارس احلامي والهوا يلعب بشوشتها وانا كني قيس ابن الملوح ذاك الخبل مطيرن عيوني فيها واحتري الليل يجي عشان نرجع للفندق ونقعد كم يوم في بانكوك ثم نرجع لام الحصاني
ثمين لا رحت سنة جاني ولد وسميته نويصر ولا كبر شوي وجاه اخو وتطاقوا في السيارة وقفت وصفقتهم >>> مثل ابوي منول وقمت اهوجس واسعبل وامسح سعابيلي بطرف شماغي لين وصلت حول جده يعني بقى ميتين كيلو تقريبا
هنا انتهى الفلم الرومانسي بعد قسيمة سرعة حاست ام الفلم من قلب بديت افكر جديا و احسب التكاليف ولا الدعوى غالية شوي يبي لك حول المية وعشرين الفغير السفرية عمى ! المهر با اربعين مدري خمسين والشقة بكم واثاثها بكم الذبايح بكم لا والموتر اللي معي كنه وجهي
ضاق صدري يوم قمت احسب ثمين طرت لي فكرة جهنمية بنت كلب ليه اروح اخذ لي سعودية واندمر ديون ياحبيبي شف لك سورية ولا مغربية ترضى بالملح والعيش لو تسكن انت وياها في عشة ماقالت ليه حتى العرس مايكلفك شي اعزم ابوها واخوانها وحط لهم ياشيخ كرتون دجاج دو واشتر لك مرسدسين موديل واحد وثمانين وعيش احلى عيشة ياشيخ عرس كامل مايكلفك اربعين الف
وش لك ولام الركب السود وتتمكيج لك مكياج تطلع كنها بانزير بوتو ولا غسلت وجهها من المكاييج تطلع تشبه كندليزا رايس >>> وعععع واذا تبي تتاكد من كلامي وز عنها الاستشوار وشف الشوشة وشلون تصير ثمين بعدين تنصدم بعيالك يطلعون شهبانن لهبانن تسنهم ابوهم
والله لو تنقطع المكاييج ويرجعن ذا الحريم يتكحلن بالفحم ان تصير مهورهن بثلاثة الاف وشوي!! والمدرسة تصير بخمسة الاف يالله من فضلك
لكن مهر بخمسين الف عسى ماشر !! والمشكلة انها في الغالب كاملة الدسم يعني دبا خالية من الرقة والنعومة يعني جلفة شوي ولسانها طوييل ومهما تسوي في امها متمدنة تبقى ركبها سود تسنها ركب ناقة
اللي ذبحني فيهن من جد تلقاها جالسة في العزيمة ومشخصة جايبه معها حلى اما من باتشي ولا من سعد الدين تبلع في ذا الحلى مع القهوه ويقالك ماتبي تمر لان التمر للعجز!! المشكلة شوي يخلص الحلا ويجي الشاهي والكراث وخذلك رعي في الكراث تسنها ياكافي ماقد شافت نعمة
طيب وين راح حلا باتشي وين راحت الرقه ؟؟ عشان كذا لا بغيت تدري عن السعودية حط جنبها كراث وشف تصبر ولا ماتصبر
ثاني شي قد شفت سعودية تعرف تسوي متبل ولا بالعربي قد صار غداكم يوم من الايام مشوي؟؟ رز ولحم كل يوم وفي الليل مرقة قرع وتميس ولا تهوروا ذاك اليوم وسوو في امها اشوام صلحوا مكرونة بالجبن والزبادي وقالوا هذي اسمها بشملا مدري باشمرقا
ثالث شي اما طفرت بك بنت الاجواد وخلتك على الحديدة نعنوا ابو خيرها >>> بتشديد الياء ذي مايملا عينها شي كل شي تبيه يا جبه لي ولا باقعد اصيح صدق المفروض الصيدليات يوفرون رضاعات للكبار الا قامت تبتسي دسها فاثمها وافتك وش زود فلانه هي ميب احسن مني انا لازم اصير احسن منها
الله يرحم امهاتنا عز الله انهن حريم والله يخلف على بنات ذا الوقت بنات النت والنيدو
جلست افكر وافكر وافكر لين في الاخير استقريت اني اعرس من سوريا أي نعم سوريا وش فيها السورية ولا اطلق منها بلاش و تحشمك وتعر ف تسوي تبوله ومشوي وحمرن عطرن ماتحتاج مكياج ولا زعلتها غدت خدودها حمر ونزلت راسها وقالت اللي بدك يصير تقبرني
لا وعلى فكرة ترى شركات التجميل مالها فروع في سوريا ابد ما غير لاقين رزقهم عندنا الله يخلف!! السعودية زعلها وشف وش تسوي لك طلقني يالوح طلقني يا خبل طلقني طلقني ياولد الك
ما يستفاد مما سبق ذكره
1-يا معشر الشباب لو نصمل سنة وحدة مانعرس(مقاطعة ) قسم بالله ان ترخص البنت السعودية غصب عليها وترخص بعد قصور الافراح والذبايح واللبن وكل شي.
2-يامعشر البنات ترا اغلبكم شيف اذا جا من ترضون خلقه وهو ميسور الحال اقبلو به
العرض المتطور
