اخواني يسعدني ان اتشرف بالانضمام اليكم , وان اضع بين ايديكم اولى مشاركاتي في هذا الصرح الشامخ
شقا يكفي دخيل الله عثيت فحسبة سنيني=يكفي كنت في لوحة حياتي علبة الواني
صحيح انت الوحيد اللي بقا جنبي مخاويني=وانا مانكر وفاك اللي فقدته عند خوياني
ولكن يا شقا مليت ذبحك لي بسكيني=كثر ماتهت فالغربه ولاحصلت عنواني
تعبت من الظما طالع ظماك افنى بساتيني=تعبت احلم لي بغيمه تجي وتبلل اغصاني
تعبت اسهر على حزني ألمه وانثره فيني=تعبت من التعب نفسه بديت آجهز اكفاني
كرهت اصحى على صبحن شروقه دمعه بعيني=تمنيت الفرج يشرق عسى يلحق ويلقاني
شبع خدي من دموعي بعد ماهي تسليني=أمانه ما شبع خنجرك من طعنه لجثماني
شقا وش باقين عندك عليه اليوم ترميني=لاجل دمعي يجي الليله ويحيي حفلة احزاني
دخيلك يالفرج وينك احسك ما تدانيني=طلبتك زورني مره طلبتك مر بيباني
العرض العادي
