بعض الحريم ما تعرف تنطم وقربتها مخروقه
كل الى يصير معها بالبيت من مواقف تراجيديه او مواقف كوميديه
وحتى المواقف اللى محرص عليها ابو العيال وموصي عليها تبقى سر عند عتبة الدار
لازم الكل يدري عن هالمواقف امها وخواتها والجيران لازم يدرون نسوان زملاء زوجها
بالدوام إذا فيه بينهم تواصل لازم يدرون حتى زميلاتها إذا هي موظفة تبي تفضفض معهم
طبعا كل اللي ذكرتهم يبون يعبرون لأزواجهم بكل ما يختلج في نفوسهن من حديث "القعده "
وطق الحنك
طبعا أم العيال تبى تقرب الدلة للمعزب والجاره تبى تفضفض لزوجها ونسوان الزملاء يبون
يفرطون السبحه عند أزواجهم ... ما تدري يافلان يا بعد حيي وطوايفي عن ابو فلان يبى يروح
يبى يقعد يبى يقوم يبى يشترى يبى يفتح محل
حصل قطعة ارض ويبى يشتريها زوجته تقول امس مودع بالبنك عشرة الالف وانت يوم تطلبه
يحلف ما عنده ريال
والمسكين ( الزوج ) يا غافل لك الله أخر من يعلم أنه الربع كلهم يدرون
بكل صغيره وكبيره -إلا هو - ما يدرى إنه الكل يدرى والسبه حرمه المصون الى لسانها يبى له قطع
وبعض الحريم قرب منها الحلا والحب _ بفتح الحاء _ والقشر و القهوة
وهي تصير مثل المسطوله تنسى كل المحذورات وتهد كل شىء حتى الى ما ينهد وتقول الى ما
حرص عليه وموصي عليه "بعلها " ما يظهر ويبقى طي الكتمان بدون شرط اوقيد
وين راحت ومن فين جات
وش عندهم وش ما عندهم وش ناوين عليه وشى ما هم بناوين عليه حتى اللى بعد مانو عليه
الخطط المستقبلية
لا... خاصة إذا طبت لها بوحده ( فهلوية ) تعرف كيف تسحبها بالحكي وتشفط الى ما ينشفط
وتعطي قصص مالها سنع ( من وحي الخيال ) عشان أم لسان تحكي وتستلم خلق الله وإذا
قهوة المساء ونشر الغسيل 15/12/1428هـ .
العرض الشجري
