رحلتي الى مستشفى العجــــزهـ ..

سنـــافيه كـــووول · 03-11-2007, 04:42 AM

بسم الله الرحمن الرحيم ..

السلام عليكم ورحمة الله وبركاته ..

حبيت ابين لكم من تجربه شخصيه شلون احنا عايشين في نعمه ولله الحمد ..

لكن مانحس ..

وهي نعمة الصحه ..

وعلى فكره مستشفى العجزهـ فيه من الكبير لين الصغير حتى اللي عمره 6 سنوات شفته هناكـ ..

هذا كان تقرير كاتبته السنه اللي راحت حق المدرسه ..

لكن قصص واايد اتعور القلب ماتكلمت عنها ..

وحده اصابها العجز بعد الحمل تخيلوا من اسباب نفسيه ..
ووحدهـ ثانيه كانت بتسوي عملية تجميل واثرت عليه جرعة البنج الزيادهـ وهي كانت من طالبات الطب عمرها 20 سنه ..

وواحد كان طالع كعادته كل يوم يروح الدوام بس كان الجو مضبب شوي ودعم شاحنه
وعمره كان تقريبا 24 سنه والله حزنت يوم شفت صورته معلقه في الغرفه وهو ببدله الشغل وكمل 5 سنين في المستشفى ع نفس الحال ..

وواحد ثاني كان قاطع الشارع بيعطي واحد بطاقة عرسه وكان العرس اليوم الثاني وسبحان الله دعمته سيارهـ وصار عاجز ..

وبنت صغيرها عمره 8 سنوات كملت في المستشفى سنتين ..
كانت تلعب على المرجيحه وطاحت على ورا ولين الحين اتذكر انه ابوها اول شخص جاها ..

وغيرهم واايد .. الله يشفيهم ان شاء الله ..

بس اكثر شي اثر فيني حرمه كبيره في السن سلمت عليها ..
حبيتها ع راسها ويم رحت امسكت يدي وقعدت تصيح وصحت معاها ولابغت اتهدني ..
كلامها لين الحين اسمعه في اذني ..
ومن بين كلامها قالت لي بمعنى انج لين الحين في صحه وعافيه وسوي كل مايرضي ربج تشوفيني انا شلون ماقدر اتحركـ .. وكلام واايد ..
بس هالشي على طول اتذكرهـ ..

وصدقوني اني من بعد طلعتي من المستشفى لين اليوم ..
قمت افكر في كل شي الف مره قبل ما اسويه واحلى شي اني افتكيت من شي اسمه اغاني ..
قطعتهاصرت ماسمعها ومسحت كل اللي عندي وقد ماقدر احاول ماسمع ..
المهم انه احس من قبل ..
ــــــــــــــــــــ

وهذي اول مواضيعي ..
من مقتطفاتي الشخصيــه ..

سنــــافيهـ,,

مهــ(M)ــا · 03-11-2007, 08:51 AM

من جد نحمدالله على النعمة اللي احنا فيها

وربي عووورني قلبي من القصص اللي ذكرتيها

الله يعافينا مما ابتلاهم فيه

والله يصبرهم على ماابتلاهم

يسلموووا سنافية على المشاركة المفيدة والوعظية

لاعدمناك غاليتي

محبتك في الله

المحتار- · 03-11-2007, 02:32 PM

هلاا سنافية

فعلاااا الواحد يحمد الله علي النعمه
اربعا لابد من ان يغتمنها الانسان
من ضمنها شبابه قبل هرمه

يعطيك العافية

سنـــافيه كـــووول · 03-11-2007, 04:14 PM

مهـــــا ..

شـــــــــاكرهـ لج ع مرورج ..

امين الله يعافينا مما ابتلاهم فيه

والله يصبرهم على ماابتلاهم ..

عســاج ع القوهـ ..

وماقصرتي ..

سنـــافيه كـــووول · 03-11-2007, 04:16 PM

المحتــار ..

هلا فيكـ ..

اي والله صدق من قال ..

اللي يشوف حال هالكبير والصغير ..

يحمد الله على اللي هو فيه ..

وماقصرت اخوي ..

والله يعطيكـ العافيه ع مروركـ ..

المازنِي · 03-11-2007, 11:33 PM

[align=right]

/

•

•

• الاخت سنافيه •[/CENTER]

يعـطيكـِ الفَ عافِيهـ ع الموضوع الرائع
والأروع هي الفائده والتى نستخلصها من هذالرحله
والتي يجب على كل من مر من هنا وشاهد احداثها
أن يقف ويسئل نفسه ويحاسبها ع ـلى تقصيرهالنفسه وللغير..
ويسعى لعمل الخيِر واصلاحها فنحن لانعلم ماذا يخبى لنا الغد
ونرجو من الله الرحمه والمغفره .. ننتطر جديدك

[align=left]دمـتـ بنقــاء وخير
في حفظ الرحمن

•

/ [/CENTER]•