دمرّك الشـوق ياخايـن وجيـت تسابـق ظلالـك,,,,,

عبارات العيون · 11-09-2007, 12:23 PM

جبرك الوقت ترجعلـي جبـرك وجيتنـي ندمـان
دمرّك الشـوق ياخايـن وجيـت تسابـق ظلالـك

عرفت الحب بغيابي؟ عرفت أنك معـي غلطـان؟
تأكـد مايشرفنـي طـريـق ٍ دربــه وصـالـك

تبي أخضع لأجل عينك وأنا مخضع ومهمـا كـان
أقـص الـراس قـدامـك ولاأخـضـع لأمثـالـك

لعبت بحسبة جروحي وكتبت أمن الحزن عنـوان
(نسيت اللي يحبك موت وصـار الغيـر يحلالـك)

إذا غيري تبي قربه وصـرت فـبحـره الغرقـان
نصيحـه لايمـوت الحـب ومـن قلبـي هنيالـك

نسيت أنك تبيع الحب وتجـزا الطيـب بالنكـران
لعلمـك بانـت الصـوره وبانـت نيـة أفعـالـك

(تشب النار) في قلبي وتنسى أنـي معـك أنسـان
تخالط بالشقـى (هيلـك) وصـب الهـم (فنجالـك)

بعد ماأنقلبت الدنيا تجينـي محتـرق!! ولهـان!!
تقـول أرجـوك سامحنـي وقلبـي بداخلـه شالـك

تبي قربي؟ أنا حاضر.. ولكن !! بطلبك من شان؟؟
تشوف شلون لـي عـزه تـرد الجـرح لأشكالك

أبي تبكي على شاني .. أبي تصرخ من الحرمـان
لوأنـي بآآآخـر الدنيـا.. أبيـك تجـر مـوالـك

أبيك تصير مجنوني ومـن شافـك يجـي شفقـان
يقول شلـون؟ علمنـي؟ وشلـي غيّـر أحوالـك

ترى (هتلر) بعد مجـده تخلـوا عنّـه (الألمـان)
وأنا مـن بعـد حبـي لـك تركتـك تقعـد لحالـك

تدل الدرب من دونـي وقدامـك سكـة الأحـزان
توكـل لاتنادينـي ويعـيـن الله عـلـى حـالـك

وأنا يكفينـي ذليتـك وحديتـك علـى الهجـران
تقول الموت مـن بعـدك وأقـول هنـاك أشوالـك

غسلت إيديني من حبك وأبرحل وأهجرك يافـلان
فمـان الله وباقيلـك نصيحـه وخلـهـا فبالك

ترى من يضحك (الأول) مصيره باللعب خسـران
وأنا من يضحك (الثانـي) عشـان أحطـم آمثالـك

هجير الشتاء · 11-09-2007, 02:03 PM

اقتباس

المشاركة الأصلية كتبت بواسطة mosh3lil


	تدل الدرب من دونـي وقدمك سكة الأحزان ما ظني عاد به يوم ٍ على الدنيا بيصفالك ما ظني بكتب احساسي واحطك بالوفاء عنوان ماظني بأسبق دروبي واجيك اسأل عن احوالك لاني ما وطيت ارضك سوا حب وغلا واحسان عهد مني لأبيع أرضك وأسافر عن سما ظلالك

مشعل ......صح لسانك...‘‘‘

أخوك‘‘

الماسه حساسه · 11-09-2007, 04:49 PM

صح لسانك كلمات رائعه جدااا

تحياتي

عبارات العيون · 11-09-2007, 06:15 PM

اشكر لكم مروركم الكريم.,,

فلان الفلاني · 13-09-2007, 04:41 PM

صح لسانك ولا هنت

%فزولها% · 13-09-2007, 06:56 PM

(تشب النار) في قلبي وتنسى أنـي معـك أنسـان
تخالط بالشقـى (هيلـك) وصـب الهـم (فنجالـك)

بعد ماأنقلبت الدنيا تجينـي محتـرق!! ولهـان!!
تقـول أرجـوك سامحنـي وقلبـي بداخلـه شالـك

الله الله من جد قصيده رائعه وقويه مررره ابياتها يمال العافيه

دمت بود..فزوو

ana o0o bss · 14-09-2007, 10:12 AM

مرة حلوه القصيدة ...
صح لسانك والله مرة يااااااااااااي

ليه الغدريالطيب · 18-09-2007, 11:36 AM

وأنا يكفينـي ذليتـك وحديتـك علـى الهجـران
تقول الموت مـن بعـدك وأقـول هنـاك أشوالـك

غسلت إيديني من حبك وأبرحل وأهجرك يافـلان
فمـان الله وباقيلـك نصيحـه وخلـهـا فبالك

ترى من يضحك (الأول) مصيره باللعب خسـران
وأنا من يضحك (الثانـي) عشـان أحطـم آمثالـك

صح لسانك اخوي ولا شلت يمينك
كلمات رائعه وقويه وتستاهل كـــــــــــل خير
تقبل خالص تحياتي
أختك. ليه الغدريالطيب

ROPY · 19-09-2007, 06:49 PM

يعطيكــــــــــــــــ العافـــــــــــــــــيه،،،،،،،،،،،،،،،،،،،،،،،،،، ،

سنـــافيه كـــووول · 20-09-2007, 05:41 AM

لعبت بحسبة جروحي وكتبت أمن الحزن عنـوان
(نسيت اللي يحبك موت وصـار الغيـر يحلالـك)

مشــــــعل ..

تســــــلم قصيدهـ في منتهى الروعـــــــه ..

رائعه بروعة كاتبهـــــا..

صــح لســانكـ ..

وتسلم لنا هالأنامل ع ماخطـــــت ..