السلام عليكم ..
هذه القصة مناسبة لمثل هذه الأيام وخاصة للشباب اللي بالي بالكم والله جداً مناسبة وخصوصا مع هذا البرد اللي ما تفيد فيه بطانية وحده الله المستعان لكن حركة حلوة وبالخصوص ان صاحب هذه القصة ما ميز الصوت أنا ما اعرف هل هذا من البرد أو من شيء ثاني عاد انتو حددوا على راحتكم أخليكم مع القصة
سوالفهم آخر الليل ..
كنت نايم.. وفي عالم الأحلام هايم ما أدري في شو كنت أحلم
مره أحس أني أسوق سيارة.. ومره أقول كنت مضيف طياره..
كان الجو بارد..
وكنت متغطي وشارد.. فجأة رن التلفون
وقلت يا ترى من يكون؟؟
هذا المزعج هل هو صديق ولا مزيون..
هل هو عاقل ولا مجنون؟؟
رديت عليه وأنا كلي شك وظنون!!
وبـرقه بعد ما كنت عصبي صرت إنا إنسان حنون..
سمعت صوت ما توقعته.. : ولا في خيالي تخيلته.. ولا حتى بحلمي سمعته..
بنت..
قلت هلا
وقالت أهليين..
نوره موجودة؟؟
قلت وأنا صوتي رايح فيها.. لحظه شوي بناديها..
وجلست أصوت وأقول نوره .. يا من نوره يلاقيها..
ورديت للسماعة وقلت ما ادري وين راحت الله يهديها..
بس دقيقة ماعندنا نوره!!
قالت آسفة غلطانة..
قلت ولا يهمك عادي لا تكونين زعلانه؟؟ مايهم اذا ماعندنا بالاسم فلانه..
وقالت شكلك كنت نايم..
قلت لا.. توني قايم..
قالت تدرس ؟؟
قلت الدراسة خلاص باح..
أنتي شكلك تدرسين؟؟
كيف اختباراتك ؟؟ عسى أنكم مرتاحين
قالت باقي لنا يومين ونخلص وخايفه والله من مادتين..
قلت من الاختبارات لا تخافين.. دامك الليل تذاكرين.. وعلى الله تعتمدين..
واللي يزرع جح ما يحصد يقطين..
أهم شي انك ماتنسين.. قبل الاختبار الله تدعين.. ومن إبليس تتعوذين.. خلقه من نار وخلقنا من طين..
وحنا نسولف في أمور..
من شو اسمك الين غلاء المهور..
قالت اسمي (ود) وقلت لها انا احمد..
وقالت صدفه غريبه اسامينا فيها دال..
تصدق كنت اتمنى يسموني نوال!!
تصدقين وانا كنت اتمنى يسموني جمال
وحنا نسولف في بحور الشعر والموال.. وماهمنا كلام الناس والعذال..
وفجاءة خلصت السوالف ولا لقينا اللي ينقال؟؟
وسكتنا..
وبدلع..قالت أنت تشجع الوحده؟؟
قلت في قلبي.. مادري أجاوبك بكف ولا بنعال.. بالله عليك هذا سؤال؟؟
قلت أنا هلالي .. وما يهمني القيل والقال.. هذا الكوماندوز هذا حبه طاح في القلب ولا ينشال.. والشمس مايغطيها مشخال..
قالت ليه الزعيم !!..
قلت يا بنت.. الشعب فن ولعب ويفوز باللي حضر.. وجمهوره له كلمة وأمر..
يابنت..لا تغريني بالكثير.. لو تضربين مليون بصفر تساوي صفر..
و حتشرنا وشبينا.. بس بسرعه انطفينا..
الظاهر بعضنا هوينا.. وبدرب الحب ابتدينا..
قالت.. احمد..
قلت آمري يا ود..
قالت اوصف لي شكلك..
هذا وين توهقنا..
شوفي العرب لونهم واحد ولسانهم واحد.. واحلف بالله ولا غيره أحد أني مو طويل ولا قصير.. شعري ناعم مثل الحرير..
قالت والعيون..
قلت العيون شبرين في ثلاثه اشبار
قالت اسد..
قلت شكرا يا احلى ود
المهم ان تواعدنا.. والموعد بكره في المول قررنا.. بين خوف وامل تواعدنا..
وقضيت ليلتي في حيرة..
شو البس؟؟ جنز ولا كندوره والله حيرة.. مافي غيرها تفك الحيرة.. شيشه و تعميرة..
ورجعت للبيت اعاتب امسي وابتسم لغدي.. وبصعوبة نمت.. قعدت اتقلب وون.. يا قلبي قلي شو اللي من الحب اهون؟؟
غريبه هالدنيا غريبة.. وراحت ليلتي.. وزادت بلوتي.. اليوم موعدي .. انا والحب بنلتقي..
وكشخت لبست فوق راسي غترتي..
في مكان اللقاء تغيرت حتى خطوتي.. صرت ارتجف واترنح بمشيتي.. كائني انساق للموت وهاذي نهايتي..
مب سوالف شجاعة.. هذي اكبر بطولاتي.. اذا خسرت بتضيع احلى امنياتي..
جلست ادور والف وحول المكان اطوف.. وين هذيك العين اللي عليها قلبي ملهوف.. ود؟؟ ياليت الناس تجي وتشوف..
وفجاءة..
وصلني مسج..
يقول.. سويتها فيك يا احمد.. رد بيتكم وخل عنك ها أسوالف ياتـعبان
روح نام .
تعيش وتاكل غيرها و سويتها فيك ..
المرسل:
الوالدة.
ههههههههههههههههههههههههههههه
اخووووووووكم فن فن شكسبير العرب 
العرض العادي
