نوف ..

[الاســــطــوري]

هذه مصافحة اولى لقلوبكم عسى ان تنال الاعجاب
لكم اجمل الشكر مقدما مني
دمتم بود ،،

ترى الوصل فنجـال والحـب دلـه = يا ما حلا فنجال دلـة غـلا نـوف
لا مدتـه مـن صافـي الـود كلـه = فنجالها مليان ما هـوب منصـوف
ابطيت ودلاله مركات(ن) على الملـه = وانا خوى قلبي من البعـد والخـوف
للشوق في دستـور المحبيـن ملـه = بدر الوصل من بين الاثنين مكسوف
شرق النوايا صـارت اليـوم قبلـه = تهت الدروب اللي لها القلب موصوف
اخذت احث اخطاي والرجـل عجلـه = في تايه(ن) بعده علي يقصر الشوف
لا أتعبنـي المـرواح اقـول سهلـه = باكـر تعبنـا لا وصلنـا مخلـوف
تدفي كفوفـك وحاجـب الغـم فلـه = تشوف الذي كنه من الورد مقطـوف
وردة غلا ومن بين الازهـار فلـه = وردة ولكن زودها خصـر وردوف
وثليل شعـر طـارق الريـح هلـه = هله ولو أنه من ورى الشال ملفـوف
وعين بها سـود الرمـوش المظلـه = ووجنات رقة لا حشى مالها وصوف
بيض الثنايـا ودونهـا لغـز حلـه = ثلج بقى وبأحمـر الجمـر محفـوف
سريـت كنـي والهـمـوم نتـدلـه = ومليت من كثر السهر احتري نـوف

ولكم اجمل الشكر

الاســطوري